Chico Xavier

Francisco Candido Xavier (Brasil, 02/04/1910 – 30/06/2002), o, Chico Xavier, esseva le plus importante medium (latino: intermediario) e divulgator del Spiritismo in Brasil, qui scribeva 412 libros sub le influentia del spiritos. Le “mediumnitate” de Chico appareva al 5 annos de etate quando ille dialogava con le spiritos. Nate in familia paupere ille laborava multo, ma cedeva tote le derectos de autor a organisationes de caritate, perque ille affirmava con humilitate que non esseva le autor ver del libros. Chico etiam recipeva multe messages scripte per le filios in mundo spiritual pro su matres e altere parentes. Iste messages, i.e. "psychographias" teneva detalios que confirmava le identitate del personas.