Միքայել Կոծինյան

Միքայել Կոծինյան
Ծնվել է	1919
Ծննդավայր	Մեծ Պարնի, Ալեքսանդրապոլի գավառ, Հայաստան
Մահացել է	1984
Մահվան վայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ
Կրթություն	Երևանի Մխիթար Հերացու անվան Պետական Բժշկական Համալսարան (1950)
Մասնագիտություն	համաճարակաբան
Գիտական աստիճան	բժշկական գիտությունների դոկտոր
Պարգևներ

Միքայել Երվանդի Կոծինյան (1919, Մեծ Պարնի, Ալեքսանդրապոլի գավառ, Հայաստան - 1984, Երևան, Հայկական ԽՍՀ, ԽՍՀՄ), հայ համաճարակաբան։ Բժշկական գիտությունների դոկտոր։

Միքայել Կոծինյանը ծնվել է 1919 թվականին, Մեծ Պարնի գյուղում (Սպիտակի շրջան)։ 1950 թվականին ավարտել է Երևանի բժշկական ինստիտուտում։ 1953-1969 թվականներին աշխատել է Համաճարակագիտության և հիգիենայի (1971 թվականից՝ Համաճարակաբանության, վիրուսաբանության և բժշկական մակաբուծաբանության) ինստիտուտի համաճարակաբանության բաժնում, այնուհետև՝ վիրուսային հիվանդությունների և ռիկետսիոզների լաբորատորիայում, 1969-1984 թվականներին՝ մանրէաբանության և իմունաբանության լաբորատորիայի վարիչ^[1]։

Ներդրել է ռիկետսիոզների ախտորոշման նոր եղանակներ, բացահայտել տզային բծավոր տիֆի և քյու-տենդի բնական օջախների առկայությունը Հայաստանում, կազմել ախտաբանաաշխարհագրական քարտեզ։ Հետազոտել է քութեշով և թռչնախտով հիվանդացությունը, մասնակցել Հայաստանում համաճարակային բծավոր տիֆի վերացմանը։

Հեղինակ է շուրջ 80 գիտական աշխատությունների։

Միքայել Կոծինյանը մահացել է 1984 թվականին, Երևանում։

• «Զինվորական ծառայության» մեդալ (10.12.1944)
• Կարմիր աստղի շքանշան (24.03.1945)

• Էպիդեմիկ բծավոր տիֆ / Մ. Ե. Կոծինյան, ՀԽՍՀ Առողջապահության մինիստրություն, Երևան, Հայպետհրատ, 1961, 28 էջ^[2]։
• Вопросы вирусологии» (1958).

• Айриян А. П. Армянские учёные-ме��ики. - Ер., 1998, 276 с.