Ալեքսեյ Շվեդ

	Ալեքսեյ Շվեդ; Алексей Швед
	;
ԲԿՄԱ Մոսկվա
Ակումբ	ԲԿՄԱ Մոսկվա
Դիրքը	Հարձակվող պաշտպան/ խաղարկող
Համար	№ 91
Ի ծնե տրված անունը	Ալեքսեյ Վիկտորովիչ Շվեդ; Алексей Викторович Швед
Ծննդյան ամսաթիվ	դեկտեմբերի 16, 1988 (36 տարեկան)
Ծննդավայր	Բելգորոդ, ՌԽՖՍՀ, ԽՍՀՄ
Հասակ	1,98 մ
Քաշ	83 կգ
Դրաֆթի տարի	2010/ չդրաֆթացված
Կարիերայի պատմություն
	ԲԿՄԱ Մոսկվա (2006–2012); →Խիմկի (2007); →Դինամո Մոսկվա (2009–2010); Մինեսոտա Թիմբերվուլվզ (2012–2014); Ֆիլադելֆիա Սևնթի Սիքսերս (2014); Հյուսթոն Ռոքեթս (2014–2015); Նյու Յորք Նիքս (2015); Խիմկի (2015-2021); ԲԿՄԱ Մոսկվա (2021-այժմ)
Մեդալներ
	Օլիմպիական խաղեր; Բրոնզ-Լոնդոն 2012; ՖԻԲԱ-ի Եվրոպայի առաջնություն; Բրոնզ-Լիտվա 2011

Ալեքսեյ Վիկտորովիչ Շվեդ (ռուս.` Алексей Викторович Швед, դեկտեմբերի 16, 1988(1988-12-16), Բելգորոդ, ՌԽՖՍՀ, ԽՍՀՄ), ռուս պրոֆեսիոնալ բասկետբոլիստ, պաշտպան, օլիմպիական խաղերի բրոնզե մեդալակիր (2012)։ Ներկա պահին հանդես է գալիս ռուսական «ԲԿՄԱ Մոսկվա» ակումբում։ Ժամանակին ելույթներ է ունեցել Բասկետբոլի ազգային ասոցիացիայում (NBA)։

Պրոֆեսիոնալ կարիերան

2005-2006 թթ. հանդես գալով «ԲԿՄԱ Մոսկվա» ակումբի երիտասարդական հավաքականում՝ Շվեդը որպես պրոֆեսիոնալ բասկետբոլիստ սկսում է հանդես գալ 2006 թվականից։

2007 թվականի հունվարի 17-ին Շվեդը կատարում է իր նորամուտը Բասկետբոլի Եվրալիգայում` ընդդեմ լիտվական «Ժալգիրիսի»^[1]։ Նույն թվականի փետրվարին Շվեդը վարձակալության հիմունքներով «ԲԿՄԱ»-ից տեղափոխվում է «Խիմկի»։ Մինչ 2007-08 մրցաշրջանի մեկնարկը Շվեդը վերադառնում է «ԲԿՄԱ»։ 2008 թվականի դեկտեմբերին, կրկին վարձակալությամբ, Շվեդը տեղափոխվում է Մոսկավայի «Դինամո» և վերադառնում «ԲԿՄԱ»` մինչև 2010-11 խաղաշրջանի մեկնարկը։

2012 թվականի հուլիսի 23-ին, «ԲԿՄԱ» ակումբի ղեկավարությունը պաշտոնապես հայտարարում է Շվեդի հեռանալու և Բասկետբոլի ազգային ասոցիացիային միանալու մասին^[2]։ 2 օր անց Շվեդը 3 տարվա 10 միլիոն ԱՄՆ դոլարի պայմանագիր է կնքում «Մինեսոտա Թիմբերվուլվզի» հետ։ «Թիմբերվուլվզին» է միանում նաև Շվեդի համերկրացի և «ԲԿՄԱ»-ի թիմակից Անդրեյ Կիրիլենկոն^[3]։

Ազգային հավաքական

Շվեդը պատանի հասակում մի քանի անգամ հանդես է եկել Ռուսաստանի երիտասարդական հավաքականի կազմում. 2006 թվականին մասնակցել է ՖԻԲԱ-ի մինչև 18 տարեկանների և 2007 և 2008 թվականներին՝ մինչև 20 տարեկանների աշխարհի առաջնություններին։

Բացի այդ եղել է նաև ազգային հավաքականի անդամ, որի կազմում 2011 թվականին հաղթել է բրոնզե մեդալ ՖԻԲԱ-ի Եվրոպայի առաջնությունում, իսկ Լոնդոնի 2012 թվականի օլիմպիական խաղերում դարձել է բրոնզե մեդալակիր՝ Արգենտինայի դեմ խաղում իր հաշվին գրանցելով 25 միավոր և 81-77 հաշվով գրավելով երրորդ տեղը՝ զիջելով Միացյալ Նահանգներին և Իսպանիային։

Մրցանակներ և նվաճումներ

II աստիճանի մեդալ «հայրենիքին կատարած ծառայությունների համար» (օգոստոսի 13, 2012 թ.)
ՌԴ սպորտի վաստակավոր վարպետ (օգոստոսի 20, 2012)
3 անգամ Ռուսաստանի չեմպիոն (2007-08, 2008-09, 2011-12)
Եվրալիգայի հաղթող (2007-08)
Եվրալիգայի երիտասարդական առաջնության հաղթող (2005-06)
ԴՅԲԼ-ի արծաթե մեդալակիր (2005-06)
«Զոլոտայա կորզինա» սպորտային մրցանակաբաշխության «Ռուսաստանի լավագույն երիտասարդ բասկետբոլիստ» անվանկարգի նոմինանտ (2008)
Ալեքսանդր Գամելսկու անվան MVP (2008-09)
Լոնդոն 2012-ի բրոնզե մեդալակիր

NBA-ի վիճակագրություն

Պայմանանշաններ
Խ	Մասնակցած խաղեր	ՄԽ	Խաղեր որպես մեկնարկային	ր/խ	Խաղացած րոպեներ
ՆԱ%	Նետման արդյունավետություն	3Մ%	Երեք միավորների իրացման արդյունավետություն	Տ%	Տուգանային նետման արդյունավետություն
ա/խ	անդրադարձները խաղում	փ/խ	Արդյունավետ փոխանցումները խաղում	խ/խ	Խլումները խաղում
բ/խ	Բլոկշոտերը խաղում	մ/խ	Միավորները խաղում	Թավատառ	Կարիերայի բարձրագույն ցուցանիշ

Կանոնավոր մրցաշրջան

Տարի	Ակումբ	Խ	ՄԽ	ր/խ	ՆԱ%	3Մ%	Տ%	ա/խ	փ/խ	խ/խ	բ/խ	մ/խ
2012-13	Մինեսոտա	77	16	23.9	0.372	0.295	0.720	2.3	3.7	0.7	0.4	8.6
2013-14	Մինեսոտա	63	0	10.5	0.321	0.294	0.756	1.3	1.1	0.4	0.3	4.0
Կարիերայում		140	16	17.9	0.358	0.295	0.733	1.5	2.5	0.6	0.3	6.5

Ծանոթագրություններ

↑ Euroleague.net, կանոնավոր առաջնություն, խաղ 12 - Հունվարի 17, 2007թ. - «Յունիվերսալ Սպորտս»
↑ «Ալեքսեյ Շվեդը խաղալու է «Մինեսոտայում»». CSKABasket.com. 2012 թ․ հուլիսի 23. Արխիվացված է օրիգինալից 2015 թ․ հոկտեմբերի 1-ին. Վերցված է 2012 թ․ հուլիսի 23-ին.
↑ ««Վուլվզը» պայմանագիր է կնքում ազատ գործակալ դարձած Ալեքսեյ Շվեդի հետ». NBA.com. 2012 թ․ հուլիսի 25. Վերցված է 2012 թ․ հուլիսի 26-ին.

Արտաքին հղումներ

NBA.com Էջը
Euroleague.net էջը
Ալեքսեյ Շվեդը Ռուսաստանի բասկետբոլի ֆեդերացիայի կայքում(չաշխատող հղում)

Վիքիպահեստն ունի նյութեր, որոնք վերաբերում են «Ալեքսեյ Շվեդ» հոդվածին։

[1] Euroleague.net, կանոնավոր առաջնություն, խաղ 12 - Հունվարի 17, 2007թ. - «Յունիվերսալ Սպորտս»

[2] «Ալեքսեյ Շվեդը խաղալու է «Մինեսոտայում»». CSKABasket.com. 2012 թ․ հուլիսի 23. Արխիվացված է օրիգինալից 2015 թ․ հոկտեմբերի 1-ին. Վերցված է 2012 թ․ հուլիսի 23-ին.

[3] ««Վուլվզը» պայմանագիր է կնքում ազատ գործակալ դարձած Ալեքսեյ Շվեդի հետ». NBA.com. 2012 թ․ հուլիսի 25. Վերցված է 2012 թ․ հուլիսի 26-ին.

[1]