Վլադիմիր Աբրահամյան (բանաստեղծ)

Վլադիմիր Աբրահամյան
Ծնվել է	մայիսի 1, 1930
Ծննդավայր	Լեռնային Ջագիր, Ադրբեջան
Վախճանվել է	հունիսի 27, 2017 (87 տարեկան)
Մասնագիտություն	բանաստեղծ, թարգմանիչ, լրագրող և խմբագիր
Կրթություն	Ադրբեջանի պետական մանկավարժական համալսարան (1953)
Անդամակցություն	ՀԳՄ
Կուսակցություն	ԽՄԿԿ
Աշխատավայր	Կոմունիստ և Գրական Ադրբեջան
	Վլադիմիր Աբրահամյան Վիքիդարանում

Անվան այլ կիրառումների համար տե՛ս՝ Վլադիմիր Աբրահամյան (այլ կիրառումներ)

Վիքիպեդիայում կան հոդվածներ Աբրահամյան ազգանունով այլ մարդկանց մասին։

Վլադիմիր Գուրգենի Աբրահամյան (մայիսի 1, 1930(1930-05-01), Լեռնային Ջագիր, Ադրբեջան - հունիսի 27, 2017(2017-06-27)), հայ բանաստեղծ, թարգմանիչ, լրագրող, ԽՍՀՄ գրողների միության անդամ 1957 թվականից։ ԽՄԿԿ անդամ 1958 թվականից։

Կենսագրություն

Վլադիմիր Աբրահամյանը ծնվել է Ադրբեջանական ԽՍՀ Շամխորի շրջանի Լեռնային Ջագիր գյուղում։ 1953 թվականին ավարտել է Ադրբեջանի Վ. Լ. Լենինի անվան մանկավարժական ինստիտուտի լեզվագրական ֆակուլտետը։ Նույն թվականից էլ աշխատանքի է անցել Բաքվի «Կոմունիստ» (հայերեն) օրաթերթի խմբագրությունում, սկզբում որպես գրական աշխատող, 1965-1981 թվականներին՝ գրականության և արվեստի բաժնի վարիչ։ 1981 թվականից «Գրական Ադրբեջան» հանդեսի խմբագիրն է եղել։ Ադրբեջաներեն առանձին գրքով լույս է տեսել նրա «Ես իջել եմ լեռներից» բանաստեղծությունների ժողովածուն (Բաքու, 1975)^[1]։

Վ. Աբրահամյանի երկերի մատենագրություն

Բողբոջներ (բանաստեղծություններ), Բաքու, Ադրբեջանի պետական հրատարակչություն, 1959, 80 էջ։
Սարի շուշաններ (բանաստեղծություններ), Բաքու, Ադրբեջանի պետական հրատարակչություն, 1963, 64 էջ։
Կարոտ և կանչեր (բանաստեղծություններ), Բաքու, Ադրբեջանի պետական հրատարակչություն, 1966, 64 էջ։
Ես իջել եմ լեռներից (բանաստեղծություններ), Բաքու, Ադրբեջանի պետական հրատարակչություն, 1968, 104 էջ։
Ուրցի բույրը (բանաստեղծություններ), Բաքու, Ազերնեշր, 1972, 96 էջ։
Յոթ ծիածան (բանաստեղծություններ), Բաքու, Ադրբեջանի պետական հրատարակչություն, 1976, 216 էջ։
Աստղ լուսո (բանաստեղծություններ), Բաքու, «Յազըչը», 1983, 248 էջ։

Վ. Աբրահամյանի կատարած թարգմանությունները (ադրբեջաներենից)

Վագիֆ, Հատընտիր։ Ղոշմաներ, գազելներ, մուխամմազներ (գրքի մեջ մտնող գործերի մի մասը թարգմանել է Վլ. Աբրահամյանը), Երևան, «��այաստան», 1970, 151 էջ։
Աշուղ Ալեսկեր, Երգեր (գրքի մեջ մտնող գործերի մի մասը թարգմանել է Վլ. Աբրահամյանը), Երևան, «Հայաստան», 1972, 107 էջ։
Նաբի Խազրի, Հովիտներ (բանաստեղծություններ և պոեմներ, որոնց մի մասը թարգմանել է Վլ. Աբրահամյանը), Երևան, «Հայաստան», 1974, 135 էջ։
Սուլեյման Ռուստամ, Չինարի (բանաստեղծությունների ժողովածու, որի մի մասը թարգմանել է Վլ. Աբրահամյանը), Երևան, «Հայաստան», 1976, 159 էջ։
Սամեդ Վուրղուն, Բանաստեղծություններ (ժողովածուի մի մասը թարգմանել է Վլ. Աբրահամյանը), Երևան, «Հայաստան», 1976, 123 էջ։
Եղբայրական ձայներ։ Սովետական նշանավոր գրողների ստեղծագործությունների ժողովածու (մի մասը թարգմանել է Վլ. Աբրահամյանը), Երևան, «Լույս», 1978, 294 էջ։
Խազարի երգը (ադրբեջանական պոեզիա), Բաքու, «Յազըչը», 1979, 136 էջ։
Խազարի երգը (ադրբեջանական պոեզիա, գրքի մեջ մտնող Մամեդ Ռահիմի, Կասում Կասումզադեի, Սոհրաբ Թահիրի, Այազ Վաֆալու բանաստեղծությունները թարգմանել է Վլ. Աբրահամյանը), Երևան, «Սովետական գրող», 1982։
Միրվարիդ Դիլբազի, Հայաստանը սրտիս մեջ (բանաստեղծությունների ժողովածու, որի հիմնական մասը թարգմանել է Վլ. Աբրահամյանը), Երևան, «Սովետական գրող», 1984, 40 էջ։

Աղբյուրներ

↑ Հայկ Խաչատրյան (1986). Գրական տեղեկատու. Երևան: «Սովետական գրող». էջ 20-21.

Արտաքին հղումներ

Վլադիմիր Աբրահամյանը դասարան․ամ կայքում Արխիվացված 2016-09-05 Wayback Machine

Վիքիդարանն ունի նյութեր, որոնք վերաբերում են «Վլադիմիր Աբրահամյան (բանաստեղծ)» հոդվածին։

[1] Հայկ Խաչատրյան (1986). Գրական տեղեկատու. Երևան: «Սովետական գրող». էջ 20-21.

[1]