Սիմեոն Հակոբյան
- Վիքիպեդիայում կան հոդվածներ Հակոբյան ազգանունով այլ մարդկանց մասին։
Սիմեոն Հակոբյան | |
|---|---|
| Ծնվել է | 1880[1] Գանձակ, Կովկասի փոխարքայություն, Ռուսական կայսրություն |
| Մահացել է | 1942[1] |
| Քաղաքացիություն |  Ռուսական կայսրություն և .svg){kind=small} ԽՍՀՄ |
| Մասնագիտություն | գրականագետ, խմբագիր և համալսարանի դասախոս |
| Հաստատություն(ներ) | Երևանի պետական համալսարան |
| Ալմա մատեր | Ներսիսյան դպրոց (1899) |
| Տիրապետում է լեզուներին | հայերեն |
Սիմեոն Հարությունի Հակոբյան (1880[1], Գանձակ, Կովկասի փոխարքայություն, Ռուսական կայսրություն - 1942[1]), հայ գրականագետ, պրոֆեսոր (1929), ԽՍՀՄ գրողների միության անդամ 1934 թվականից։
Կենսագրություն
[խմբագրել | խմբագրել կոդը]Ծնվել է Ելիզավետպոլ (Գանձակ) քաղաքում։ 1899 թվականին ավարտել է Թիֆլիսի Ներսիսյան դպրոցը, ապա 1902-1907 թվականներին բարձրագույն կրթություն ստացել Շվեյցարիայում։ Եղել է եվրոպական մի շարք երկրներում։ 1922-1924 թվականներին, Վիեննայում և Բեռլինում նրա խմբագրությամբ լույս է տեսել «Արեգ» գիտա-գրական հանդեսը։ 1924 թվականից արտասահմանյան գրականություն է դասավանդել Երևանի համալսարանում։ 1929 թվականից համալսարանի արտասահմանյան գրականության ամբիոնի վարիչն էր, 1931-1938 թվականներին՝ պատմագրական ֆակուլտետի դեկանը։ Անհիմն բռնադատվել է, գնդակահարվել, հետագայում արդարացվել։ Մահացել է 1942 թվականին[2][3][4]։
Երկեր
[խմբագրել | խմբագրել կոդը]- Շիրվանզադե. գրական քննադատական ուսումնասիրություն, Թիֆլիս, 1911։
- Արփիար Արփիարյան, Վիեննա, 1922, 64 էջ։
- Հերանուշ Արշակյան, Վիեննա, 1922, 84 էջ։
- Պետրոս Դուրյան, Վիեննա, 1922, 187 էջ[5]։
- Ռոմեն Ռոլան։ Հանրի Բարբյուս, Վիեննա, 1922, 64 էջ։
- Ստեփան Ցվայգ։ Անդրեաս Լացկո, Բեռլին, 1923, 36 էջ։
- Վահան Տերյան, Բեռլին, 1923, 64 էջ։
- Եղիշե Չարենց, Վիեննա, 1924, 78 էջ։
- Արևմտյան Եվրոպայի գրականության պատմություն (հեղինակակից Հովհաննես Մամիկոնյան), Վաղարշապատ, 1933-1936։
- Եվրոպական գրականության պատմության գլխավոր էջերը, Ե., Պետհրատ, 1936, մաս 1, 404 էջ, մաս 2, 328 էջ։
- Լեսինգ, Երևան, Պետհրատ, 1937, 52 էջ։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Գրական տեղեկատու. Երևան: «Սովետական գրող». 1986. էջ 274.
- ↑ «Ով ով է։ Հայեր» հանրագիտարան, հատոր առաջին, գլխավոր խմբագիր՝ Հովհաննես Այվազյան, Հայկական հանրագիտարան հրատարակչություն, Երևան, 2007։
- ↑ «Simon Hakobian (1880-1942)». data.bnf.fr (ֆրանսերեն). Վերցված է 2019 թ․ հունվարի 29-ին.
- ↑ Հակոբյան, Սիմեոն Հարությունի (1922). Պետրոս Դուրեան։ նրա կեանքն ու երկերը ; գրական-քննական վերլուծութիւն. Մխիթարեան տպարան.
 | Վիքիդարանն ունի նյութեր, որոնք վերաբերում են «Սիմեոն Հակոբյան» հոդվածին։ |
| ||||||||||||
