Պայմանական եղանակ
Պայմանական (ենթադրական[1]) եղանակի (լատին․՝ modus conditionalis) բայաձևերը սովորաբար ցույց են տալիս պայմանով, ենթադրաբար կատարվող գործողություն։ Այդ բայերը կարող են ցույց տալ նաև հաստատապես կատարվող գործողություն. Կ եղանակիչով կազմված բայաձևերը կիրառվում են ներկա և անցյալ անկատար ժամանակների իմաստով որպես սովորության, կրկնության ներկա և անցյալ անկատար, օրինակ՝ Առավոտյան վեր կկենա, շտապ մի կտոր հաց կուտի ու կշտապի դաշտ[2]։
Պայմանական (ենթադրական) եղանակն ունի երկու պարզ ժամանակաձև՝ պայմանական (ենթադրական) ապառնի և պայմանական (ենթադրական) անցյալ։
Պայմանական (ենթադրական) եղանակի ապառնիի և անցյալի բայաձևերը կազմվում են ըղձական եղանակի համապատասխան ձևերից, որոնց սկզբում ավելանում է Կ եղանակիչը։ Օրինակ՝
Պայմանական (ենթադրական) ապառնի
կտեսնեմ կտեսնենք կգնամ կգնանք կտեսնես կտեսնեք կգնաս կգնաք կտեսնի կտեսնեն կգնա կգնան
Պայմանական (ենթադրական) անցյալ
կտեսնեի կտեսնեինք կգնայի կգնայինք կտեսնեիր կտեսնեիք կգնայիր կգնայիք կտեսներ կտեսնեին կգնար կգնային
Ծանոթագրություններ
[խմբագրել | խմբագրել կոդը]Տես նաև
[խմբագրել | խմբագրել կոդը]
| ||||||
|
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |