Jump to content

Նեյլիա Բայդեն

Վիքիպեդիայից՝ ազատ հանրագիտարանից
Նեյլիա Բայդեն
անգլ.՝ Neilia Hunter Biden
Դիմանկար
Ծնվել էհուլիսի 28, 1942(1942-07-28)
ԾննդավայրSkaneateles, Օնոնդագա շրջան, Նյու Յորք, ԱՄՆ
Մահացել էդեկտեմբերի 18, 1972(1972-12-18)[1] (30 տարեկան)
Մահվան վայրHockessin, Նյու Քասլ շրջան, Դելավեր, ԱՄՆ
ԳերեզմանGreenville
Քաղաքացիություն ԱՄՆ
Մայրենի լեզուանգլերեն
ԿրթությունՍիրաքյուսի համալսարան[1]
Մասնագիտությունուսուցչուհի
ԱմուսինՋոզեֆ Բայդեն[1]
ԵրեխաներՋոզեֆ Բո Բայդեն, Էմի Բայդեն[1] և Հանթեր Բայդեն
 Neilia Hunter Biden Վիքիպահեստում

Նեյլիա Հանթեր Բայդեն (անգլ.՝ Neilia Hunter Biden, հուլիսի 28, 1942(1942-07-28), Skaneateles, Օնոնդագա շրջան, Նյու Յորք, ԱՄՆ - դեկտեմբերի 18, 1972(1972-12-18)[1], Hockessin, Նյու Քասլ շրջան, Դելավեր, ԱՄՆ), ամերիկացի ուսուցիչ և ԱՄՆ 46-րդ նախագահ Ջո Բայդենի առաջին կինը։ Մահացել է 1972 թվականին ավտովթարից իր փոքր դուստր Նաոմիի հետ։ Որդիները՝ Բոն և Հանթերը, ստացել են լուրջ վնասվածքներ, բայց ապրել են։

Կենսագրություն

[խմբագրել | խմբագրել կոդը]

Նեյլիա Հանթերը ծնվել է 1942 թվականի հուլիսի 28-ին Նյու Յորքի Սկանեատելես քաղաքում՝ Լուիզայի (մինչ ամուսնությունը՝ Բազել, 1915-1993) և Ռոբերտ Հանթերի (1914-1991) ընտանիքում[2]։ Սովորել է Փենսիլվանիայի դպրոց-ինտերնատում։ Ակտիվ մասնակցություն է ունեցել դպրոցի Ֆրանսերենի, հոկեյի, լողի ակումբներում և դպրոցական խորհրդում[3]։ Միջնակարգ դպրոցն ավարտելուց հետո ընդունվել է Սիրաքյուսի համալսարան, ավելի ուշ եղել է Սիրաքյուսի դպրոցական շրջանի ուսուցիչ։ Նեյլիա Բայդենը Օբերնի քաղաքային խորհրդի անդամ Ռոբերտ Հանթերի բարեկամուհին էր[4]։

Ամուսնություն

[խմբագրել | խմբագրել կոդը]

Նեյլիա Հանթերը Ջո Բայդենի հետ ծանոթացել է Նասաուում, որտեղ Բայդենն անցկացնում էր իր գարնանային արձակուրդները[5]։ Քանի որ Բայդենը կաթոլիկ էր, իսկ Նեյլիայի ընտանիքը՝ երիցական, հայրը դեմ էր նրա և Բայդենի հարաբերություններին, բայց Նեյլիային հաջողվել է համոզել նրան[6]։ Կարճ ժամանակ անց նա տեղափոխվել է Սիրաքյուս և ընդունվել իրավաբանական դպրոց։ Զույգն ամուսնացել է 1966 թվականի օգոստոսի 27-ին[3]։ Հարսանիքից հետո Բայդենները տեղափոխվել են Ուիլմինգթոն, որտեղ Բայդենը Նյու Քասլ շրջանի խորհրդական էր։

Ունեցել են երեք երեխա՝ Ջոզեֆ Ռոբինետ «Բոն», Ռոբերտ Հանթերը և Նաոմի Քրիստինա «Էմին»։ Բայդենը ԱՄՆ սենատոր Ջեյ Քելեբ Բոգսին Դելավերից հեռացնելու կամպանիա է վարել։ «The News Journal»-ը Նեյլիային անվանել է իր կամպանիայի «ուղեղը»։

Մահ

[խմբագրել | խմբագրել կոդը]

1972 թվականի դեկտեմբերի 18-ին՝ ամուսնու՝ ԱՄՆ սենատոր ընտրվելուց հետո, Նեյլիան երեխաների հետ գնացել է տոնածառ գնելու[7]։ Նա Հոկեսինում Վելի Ռոուդով շարժվում էր դեպի արևմուտք, երբ Դելավեր Ռոութ 7 խաչմերուկում ավտոմեքենան դուրս է եկել հյուսիսային ուղղությամբ շարժվող կցորդով բեռնատարի առջև։ Ոստիկանությունը նշել է, որ հնարավոր է՝ Նեյլիան նայում էր այլ ուղղությամբ և խաչմերուկ հասնելով՝ չի նկատել մոտեցող բեռնատարը[8][9]։ Հետաքննությունը ցույց է տվել, որ բեռնատարի վարորդը մեղավոր չի եղել ավտովթարի մեջ, նա սթափ էր և միանգամից օգնություն է ցույց տվել տուժածներին[9]։ Նեյլիային և իր երեք երեխաներին տեղափոխել են Ուիլմինգթոնի հիվանդանոց։

Նեյլիան և Նաոմին մահացել են հիվանդանոց հասնելուց հետո, իսկ տղաները ողջ են մնացել՝ ստանալով լուրջ վնասվածքներ[10]։ Դժբախտ պատահարից հետո Բայդենը ի սկզբանե որոշել էր Սենատում տեղ չզբաղեցնել, սակայն կուսակցական գործընկերները նրան համոզել են շարունակել քաղաքական գործունեությունը[11]։ Բայդենը նախագահական երդում տվել է այն հիվանդանոցում, որտեղ բուժվում էին որդիները[3]։

Ժառանգություն

[խմբագրել | խմբագրել կոդը]

2015 թվականին՝ Եյլի համալսարանի բացման արարողության ժամանակ, Բայդենը պատմել է իր կնոջ մասին.

Իմ ընտրությունից վեց շաբաթ անց աշխարհս ամբողջովին փոխվեց։ Մինչ ես աշխատողներ էի փնտրում Վաշինգտոնում, հեռախոսազանգ ստացա, և ինձ ասացին, որ իմ կինն ու երեխաները գնում էին սուրբծննդյան գնումներ կատարելու, բայց տրակտորային կցորդը բախվել է նրանց՝ սպանելով կնոջս ու դստերս։ Նրանք վստահ չէին, որ որդիներս կապրեն[12]։

Նրա պատվին անվանվել է Դելավեր նահանգի Նյու Քասլ շրջանի Ուիլմինգթոն քաղաքի արվարձանում գտնվող այգին[13]։ Օբերնի Կայուգայի քոլեջը, որտեղ Նեյլիայի հայրը երկար տարիներ ղեկավարել է սննդի վարչությունը, ամեն տարի «Նեյլիա Հանթեր Բայդեն» մրցանակ է շնորհում երկու շրջանավարտի՝ մեկը ժուռնալիստիկայի, մյուսը՝ անգլիական գրականության համար[14]։ Առաջին հաղթողներից էր Ուիլյամ (Բիլ) Ֆուլթոնը, որը հետագայում դարձել Է Կալիֆոռնիայի Վենտուրայի քաղաքապետ։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 1,5 Broder J. M. Father’s Tough Life an Inspiration for Biden — The New York Times, 2008.
  2. ↑ «Neilia Hunter to marry J. R. Biden». The News Journal. Wilmington, Del. 1966 թ․ մարտի 29. Վերցված է 2020 թ․ հուլիսի 28-ին.
  3. ↑ 3,0 3,1 3,2 «Joe Biden Was Married To His First Wife, Neilia Hunter, For Only 6 Years». Women's Health. 2020 թ․ մայիսի 13. Վերցված է 2020 թ․ հուլիսի 28-ին.
  4. ↑ Rocheleau, Kelly (2020 թ․ ապրիլի 1). «'A good, caring person': Former Auburn city councilor Robert Hunter remembered». Auburn Citizen. Auburn, New York. Վերցված է 2020 թ․ հուլիսի 28-ին.
  5. ↑ Osnos, Evan (July 28, 2014). «The Evolution of Joe Biden». The New Yorker. Վերցված է 2020 թ․ հուլիսի 28-ին.
  6. ↑ Uschan, Michael V. Joe Biden (People in the News). Detroit: Lucent Books, 2010. ISBN 1420502603, 9781420502602
  7. ↑ McBride, Jessica (2019 թ․ ապրիլի 25). «How Did Joe Biden's First Wife, Neilia Hunter, Die?». Heavy.com. Վերցված է 2020 թ․ հուլիսի 28-ին.
  8. ↑ Ott, Tim (2020 թ․ սեպտեմբերի 28). «Joe Biden: The Heartbreaking Car Accident that Killed His Wife and Daughter». Biography.com. Վերցված է 2020 թ․ հոկտեմբերի 28-ին.
  9. ↑ 9,0 9,1 Hamilton, Carl (2008 թ․ հոկտեմբերի 30). «Daughter of man in '72 Biden crash seeks apology from widowed Senator». Newark Post.
  10. ↑ Macon, Alexandra (2016 թ․ նոյեմբերի 17). «Joe and Jill Biden's Love Story Will Pull at Your Heartstrings». Vogue. Վերցված է 2020 թ․ հուլիսի 28-ին.
  11. ↑ Vice Presidents: A Biographical Dictionary, Fourth Edition / L. Edward Purcell. — New York: Facts On File, Inc., 2010. — С. 458. — ISBN 978-0-8160-7707-6
  12. ↑ Lauren Holter (2015 թ․ հոկտեմբերի 7). «What Happened To Joe Biden's First Wife, Neilia, And Daughter Naomi? It's A Heartbreaking Story». Bustle. Վերցված է 2020 թ․ հուլիսի 28-ին.
  13. ↑ «Neilia Hunter Biden Park». Foursquare City Guide. Վերցված է 2020 թ․ հուլիսի 28-ին.
  14. ↑ «The Joe Biden Auburn met 48 years ago». Auburn Pub (անգլերեն). 2020 թ․ օգոստոսի 23.

Գրականություն

[խմբագրել | խմբագրել կոդը]
  • Biden, J. Promises to Keep: On Life and Politics. Random House Publishing Group, 2007. ISBN 1588366650, 9781588366658
  • Uschan, Michael V. Joe Biden (People in the News). Detroit: Lucent Books, 2010. ISBN 1420502603, 9781420502602
Վիքիպահեստն ունի նյութեր, որոնք վերաբերում են «Նեյլիա Բայդեն» հոդվածին։
 ⛭ 
  Թեմատիկ կայքեր
Չափորոշչային վերահսկողություն
Ստացված է «https://hy.wikipedia.org/w/index.php?title=Նեյլիա_Բա��դեն&oldid=9796872» էջից