Ջորջ Վելա
| Ջորջ Վելա | |
_(cropped).jpg) | |
| Մալթայի 10-րդ նախագահ | |
| Կուսակցություն՝ | Մալթայի աշխատավորների կուսակցություն |
|---|---|
| Նախորդող՝ | Մարի-Լուիզ Կոլեյրո Պրեկա |
| Ծննդյան օր՝ | ապրիլի 24, 1942[1] (82 տարեկան) |
| Ծննդավայր՝ | Զեյթուն, Մալթա, Մեծ Բրիտանիայի թագավորություն |
| Պարգևներ՝ |       և  |
Ջորջ Ուիլյամ Վելա (անգլ.՝ George William Vella, ապրիլի 24, 1942[1], Զեյթուն, Մալթա, Մեծ Բրիտանիայի թագավորություն), մալթացի քաղաքական գործիչ և Մալթայի 10-րդ, գործող նախագահը[2]։ Նա երկու անգամ եղել է արտաքին գործերի նախարար. 1996 թվականից մինչև 1998 թվականը՝ վարչապետ Ալֆրեդ Սանտի օրոք[3][4], և 2013 թվականից մինչև 2017 թվականը՝ Ժոզեֆ Մուսկաթի օրոք։ Նա 2019 թվականի Մալթայի անուղղակի նախագահական ընտրություններում ընտրվել է միակ թեկնածու և 2019 թվականի ապրիլի 4-ին ընտրվել է Մալթայի 10-րդ նախագահ[2]։
Կենսագրություն
[խմբագրել | խմբագրել կոդը]Վելան ծնվել է 1942 թվականին, Զեյթունում։ Նա ամուսնացել է Միրիամի հետ (ի ծնե՝ Գրիմ)։ Նրանք ունեն 2 դուստր, որդի և 7 թոռ[3][4]։
Վելան 1964 թվականին ավարտել է բժշկական ֆակուլտետը, ավիացիոն բժշկության ոլորտում Ֆարնբորոյից (Մեծ Բրիտանիա) ստացել է վկայական և եղել է ընտանեկան բժշկության մասնագետ։
Գործունեություն
[խմբագրել | խմբագրել կոդը]Լեյբորիստների կուսակցություն
[խմբագրել | խմբագրել կոդը]Վելան ընդունվել է Լեյբորիստների կուսակցություն և 1976 թվականին սկսել խորհրդարանական գործունեությունը։ Այնուհետև՝ 1978 թվականի հունվարին և 1981, 1992, 1996, 1998, 2003, 2008, 2013 թվականների համընդհանուր ընտրությունների ժամանակ, նա ընտրվել է կառավարության անդամ։ Որպես կառավարության անդամ՝ նա ներկայացրել է 3-րդ ու 5-րդ շրջանները[3][4]։
Սահմանի համար ծառայություն
[խմբագրել | խմբագրել կոդը]1978 թվականին Վելան եղել է Եվրախորհրդի Խորհրդարանական ասամբլեայի անդամի տեղակալ և տեղական և տարածքային իշխանությունների կոնգրեսում՝ ծովային աղբյուրներից ծովի աղտոտման հարցերով զեկուցող։ 1987 թվականի հունվարից մինչև մայիս նա Եվրախորհրդում Մալթայի մշտական ներկայացուցիչ էր[3]։
Առաջնորդի տեղակալ
[խմբագրել | խմբագրել կոդը]1992 թվականին Վելան ընտրվել է Լեյբորիստների կուսակցության խորհրդարանական հարցերով ղեկավարի տեղակալ և արտաքին գործերի մամուլի քարտուղար։ Նա ծառայել է որպես ԵՄ-Մալթա խորհրդարանական համատեղ կոմիտեի նախագահի տեղակալ[3][4]։
Արտաքին գործեր
[խմբագրել | խմբագրել կոդը]1995 թվականից մինչև 1996 թվականը Վելան եղել է Ներկայացուցիչների պալատի գործարարական կոմիտեի և արտաքին հարաբերությունների խորհրդարանական կոմիտեի անդամ։
Վարչապետի և արտաքին գործերի նախարարի տեղակալ
[խմբագրել | խմբագրել կոդը]1996 թվականի հոկտեմբերին նշանակվել է վարչապետի, արտաքին գործերի նախարարի և բնապահպանության նախարարի տեղակալ[4] և կրկին՝ 2013 թվականի մարտից մինչև 2017 թվականի հունիս[3]։
Վելան իր աջակցությունն է հայտնել ՄԱԿ-ի խորհրդարանական ասամբլեա ստեղծելու քարոզարշավին, որը պաշտպանում է ՄԱԿ-ի ժողովրդավարական բարեփոխումները և ավելի հաշվետու միջազգային քաղաքական համակարգի ստեղծումը[5]։
Մրցանակներ
[խմբագրել | խմբագրել կոդը]Պետական մրցանակներ
[խմբագրել | խմբագրել կոդը]
Պատվո շքանշանի ասպետ- Մալթայի նախագահի իրավունքով՝ Մալթայի պատվո շքանշանի պատվավոր ասպետ և մեծ մագիստրոս
«Հանրապետության բարօրության համար» շքանշանի մեծ մագիստրոս
Արտասահմանյան մրցանակներ
[խմբագրել | խմբագրել կոդը]
Սուրբ Միքայելի և Սուրբ Գևորգի շքանշան պատվավոր ասպետ-կոմանդոր (Մեծ Բրիտանիա)
«pro Merito Melitensi պատվո շքանշան»-ի մեծ խաչ (Մալթայի շքանշան)
Սուրբ Ագաթայի շքանշանի մեծ խաչի ասպետ (Սան Մարինո)
Պատվո շքանշանի մեծ կոմանդոր (Հունաստան)
Ծանոթագրություններ
[խմբագրել | խմբագրել կոդը]- ↑ 1,0 1,1 Members of the European Parliament, Членове на Европейския парламент, Diputados al Parlamento Europeo, Poslanci Evropského parlamentu, Medlemmer af Europa-Parlamentet, Mitglieder des Europäischen Parlaments, Euroopa Parlamendi liikmed, Βουλευτές του Ευρωπαϊκού Κοινοβουλίου, Députés au Parlement européen, Feisirí Pharlaimint na hEorpa, Zastupnici u Europskom parlamentu, Deputati al Parlamento europeo, Eiropas Parlamenta deputāti, Europos Parlamento nariai, Az Európai Parlament képviselői, Il-Membri tal-Parlament Ewropew, Leden van het Europees Parlement, Posłowie do Parlamentu Europejskiego, Deputados ao Parlamento Europeu, Deputații în Parlamentul European, Poslanci Európskeho parlamentu, Poslanci Evropskega parlamenta, Euroopan parlamentin jäsenet, Europaparlamentets ledamöter(բազմ․)
- ↑ 2,0 2,1 Scicluna, Luke (2019 թ․ ապրիլի 2). «George Vella approved as Malta's next President». Times of Malta. Վերցված է 2019 թ․ ապրիլի 2-ին.
- ↑ 3,0 3,1 3,2 3,3 3,4 3,5 «Архивированная копия». Արխիվացված է օրիգինալից 2015 թ․ փետրվարի 6-ին. Վերցված է 2019 թ․ ապրիլի 28-ին.
- ↑ 4,0 4,1 4,2 4,3 4,4 «Minister of Foreign Affairs - Maltese Consulate». Արխիվացված է օրիգինալից 2019 թ․ ապրիլի 19-ին. Վերցված է 2019 թ․ օգոստոսի 5-ին.
- ↑ «Supporters». Campaign for a UN Parliamentary Assembly (ամերիկյան անգլերեն). Վերցված է 2017 թ․ սեպտեմբերի 21-ին.
Արտաքին հղումներ
[խմբագրել | խմբագրել կոդը]- Մալթայի նախագահի պաշտոնական կայք (անգլ.)
 | Վիքիպահեստն ունի նյութեր, որոնք վերաբերում են «Ջորջ Վելա» հոդվածին։ |
| ||||||||||
| ||||||||||||||
.svg){kind=small}
.svg){kind=small}
.svg){kind=small}
.svg){kind=small}
