Ամառային գիշերվա համերգ

Ամառային գիշերվա համերգ (գերմ.՝ Sommernachtskonzert), Վիեննայի ֆիլհարմոնիկ նվագախմբի ավանդական համերգ, որ ամեն տարի կազմակերպվում է Ավստրիայի մայրաքաղաք Վիեննայում` Շյոնբրուն պալատի առաջ մայիս-հունիս ամիսներին^[1]։

Համերգն անցկացվում է բաց երկնքի տակ։ Բեմը տեղադրվում է Նեպտունի շատրվանի մոտ։ Համերգը սկսվում է մթնշաղն սկսվելուն պես` կենտրոնական եվրոպական ժամանակով մոտավորապես 20.30-ին։ Համերգի մուտքը կազմակերպվում է նախօրոք և անվճար է բոլոր ցանկացողների համար։ Միջոցառման նպատակը դասական երաժշտությունը ունկնդիրների լայն շրջանակներին հասցնելն ու նրանց թիվը մեծացնելն է։ 2012 թվականին համերգի լսարանը կազմել է մոտ 100.000 մարդ^[2]։ Համերգը ուղիղ եթերով կամ տեսագրությամբ հեռարձակվում է ORF ընկերության կողմից աշխարհի մոտ 70 երկրներում^[3]։

Պատմություն

Առաջին անգամ Ամառային գիշերվա համերգը կազմակերպել է Ավստրիայի ֆեդերալ կառավարությունը 2004 թվականի մայիսի 25-ին և զուգադիպել է Եվրոպական Միության ընդարձակմանը։ Համապատասխանաբար, համերգը սկզբում անվանվել է «Համերգ Եվրոպայի համար»։ Դիրիժորն է եղել Բոբի Մակֆերինը, իսկ ծրագիրը բաղկացած է եղել եվրոպական ութ երկրների կոմպոզիտորների դասական ստեղծագործություններից։

2008 թվականից սկսած` համերգը ստացել է ներկայիս անվանումը։ 2009 թվականից միջոցառման հատուկ հովանավոր է համարվում շվեյցարական ժամացույցների «Rolex» ընկերությունը^[4]։

Ամեն տարի համերգի անցկացման համար կազմակերպիչները համաշխարհային անուն ունեցող դիրիժոր են հրավիրում, որոշ տարիների համերգին մասնակցում են նաև հատուկ հրավիրված մենակատարներ` երաժիշտներ, վոկալիստներ, բալետի արտիստներ։

Ավանդաբար միջոցառմանը մասնակցում են Ավստրիայի Հանրապետության ղեկավարերը` նախագահ, կանցլեր, փոխկանցլեր, ինչպես նաև Ավստրիայի խորհրդարանի շատ անդամներ^[5]։ 2007 թվականին համերգի հյուրերն են եղել ԱՄՆ-ի նախկին նախագահ Բիլ Քլինթոնը և հոլիվուդյան դերասանուհի Շերոն Սթոունը^[6]։

2011 թվականին համերգի նախապատրաստման ու անցկացման ժամանակ կազմակերպվել է դրամահավաք Ճապոնիայում երկրաշարժից տուժած մարդկանց օգնելու համար։

Տարի	Ամսաթիվ	Դիրիժոր	Հրավիրված մենակատար
Համերգների պատմություն
2004	25 մայիս	Բոբի Մակֆերին	—
2005	8 հունիս	Զուբին Մեթա	—
2006	24 հունիս	Պլասիդո Դոմինգո	Խուան Դիեգո Ֆլորես
2007	24 մայիս	Վալերի Գերգիև	Կատրին Չերնի
2008	3 հունիս	Ժորժ Պրետր	—
2009	26 հունիս	Դանիել Բարենբոյմ	—
2010	8 հունիս	Ֆրանց Վալզեր-Մյոստ	Եֆիմ Բրոնֆման
2011	3 հունիս	Վալերի Գերգիև	Բենիամին Շմիդ
2012	7 հունիս	Գուստավո Դուդամել	Վիեննայի պետական օպերայի բալետի թատերախումբ
2013	30 մայիս	Լորին Մաազել	Միխայիլ Շադե
2014	29 մայիս	��րիստոֆ Էշենբախ	Լան Լան
2015	14 մայիս	Զուբին Մեթա	Ռուդոլֆ Բուհբինդեր^[7]
2016	26 մայիս	Սեմյոն Բիչկով	Կատյա և Մարիա Լեբեկ^[8]
2017	25 մայիս	Քրիստոֆ Էշենբախ	Ռենե Ֆլեմինգ^[9]
2018	31 մայիս	Վալերի Գերգիև	Աննա Նետրեբկո
2019	20 հունիս	Գուստավո Դուդամել	Վան Յույցզյա

Նվագացանկ

Համերգի նվագացանկը կազմվում է նախօրոք հայտարարված թեմատիկային համապատասխան^[10]։ Համերգը կարող է նվիրված լինել որևէ կոմպոզիտորի, որի հոբելյանը նշվում է այդ տարի, կամ ինչպես օրինակ 2007 թվականին՝ ռուսական օպերային երաժշտությանը։ Կան կոմպոզիտորներ, որոնց ստեղծագործությունները պարբերաբար կատարվում են համերգներին։ Նրանցից են` Ռիխարդ Վագներ, Պյոտր Չայկովսկի, Ռիխարդ Շտրաուս, Հեկտոր Բեռլիոզ, Իգոր Ստրավինսկի, Ռոբերտ Շուման, Ֆերենց Լիստ։ Համերգների եզրափակիչ մասում հնչում է ավստրիական Շտրաուսների դինաստիայի ներկայացուցիչների երաժշտությունը։

Համերգի վերջին ստեղծագործության կատարումն ուղեկցվում է գեղեցիկ հրավառությամբ։

Եղանակ

Քանի որ համերգը կազմակերպվում է բացօթյա, պակաս կարևոր չեն տվյալ օրվա եղանակային պայմանները^[11]։ Ամեն տարի վատ եղանակի դեպքում վաղօրոք նախատեսվում է լրացուցիչ ամսաթիվ^[12]։ Համերգի տեղափոխման մասին տեղեկությունը հանդիսատեսներին է հասնում Ամառային գիշերվա համերգի պաշտոնական կայքով։ Չնայած այդպիսի քաղաքականությանը` համերգների գոյության ողջ ընթացքում դրանք անցել են եղանակային ցուրտ պայմաններում` երբեմն անձրևին զուգընթաց^[13]։ Ամեն դեպքում, հասարակությունը, որպես կանոն, հավատարիմ է մնում միջոցառմանը` անկախ եղանակային պայմաններից. համերգներին այցելում են դասական երաժշտության տասնյակ հազարավոր երկրպագուներ և ուղղակի զբոսաշրջիկներ։

Տես նաև

Վիեննայի ֆիլհարմոնիկ նվագախմբի ամանորյա համերգ

Ծանոթագրություններ

↑ «The Summer Night Classical Concert» (անգլերեն). Raidió Teilifís Éireann. 2012 թ․ հունիսի 24. Վերցված է 2014 թ․ հուլիսի 5-ին.
↑ «Шёнбруннский дворец. Концерт Венского филармонического оркестра. 2013». Телеканал «Культура». Արխիվացված է օրիգինալից 2014 թ․ հուլիսի 14-ին. Վերցված է 2017 թ․ նոյեմբերի 9-ին.
↑ Musikgenuss vom Feinsten: «Sommernachtskonzert» 2014 am 29. Mai live in ORF 2 und 3sat Արխիվացված 2014-05-31 Wayback Machine(գերմ.)
↑ Rolex and the Arts. Vienna Philharmonic Summer Night Concert Արխիվացված 2014-07-06 Wayback Machine(անգլ.)
↑ Concert in Schönbrunn Արխիվացված 2014-07-14 Wayback Machine(անգլ.)
↑ «The Schönbrunn Concert» — the classic summer Open Air Event. 2007 Արխիվացված 2014-07-14 Wayback Machine(անգլ.)
↑ «Sommernachtskonzert 2015 Song Contest: Terminnot bei Philharmonikern» (գերմաներեն). 2014 թ․ մայիսի 19. Արխիվացված է օրիգինալից 2015 թ․ սեպտեմբերի 24-ին. Վերցված է 2017 թ․ նոյեմբերի 9-ին.
↑ «Летний ночной концерт Венского филармонического оркестра. 2016». Արխիվացված է օրիգինալից 2016 թ․ հունիսի 24-ին. Վերցված է 2017 թ․ նոյեմբերի 9-ին.
↑ Thu, 25. May 2017 20:15. Summer Night Concert Schönbrunn Արխիվացված 2017-01-03 Wayback Machine(անգլ.)
↑ «Летняя ночь Шёнбрунна: Венский филармонический чествует Рихарда Штрауса». Euronews. 2014 թ․ հունիսի 12. Վերցված է 2014 թ․ հուլիսի 5-ին.
↑ «2013. Ежегодный концерт в парке Шёнбрунн отдает дань Вагнеру». Արխիվացված է օրիգինալից 2014 թ․ հուլիսի 14-ին. Վերցված է 2017 թ․ նոյեմբերի 9-ին.
↑ «Летний ночной концерт Венского филармонического оркестра. 2014». Արխիվացված է օրիգինալից 2014 թ․ հուլիսի 14-ին. Վերցված է 2017 թ․ նոյեմբերի 9-ին.
↑ Sommernachtskonzert Schönbrunn 2008 Արխիվացված 2016-03-05 Wayback Machine(անգլ.)

Արտաքին հղումներ

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ամառային գիշերվա համերգ կատեգորիայում։

[1] «The Summer Night Classical Concert» (անգլերեն). Raidió Teilifís Éireann. 2012 թ․ հունիսի 24. Վերցված է 2014 թ․ հուլիսի 5-ին.

[2] «Шёнбруннский дворец. Концерт Венского филармонического оркестра. 2013». Телеканал «Культура». Արխիվացված է օրիգինալից 2014 թ․ հուլիսի 14-ին. Վերցված է 2017 թ․ նոյեմբերի 9-ին.

[3] Musikgenuss vom Feinsten: «Sommernachtskonzert» 2014 am 29. Mai live in ORF 2 und 3sat Արխիվացված 2014-05-31 Wayback Machine(գերմ.)

[4] Rolex and the Arts. Vienna Philharmonic Summer Night Concert Արխիվացված 2014-07-06 Wayback Machine(անգլ.)

[5] Concert in Schönbrunn Արխիվացված 2014-07-14 Wayback Machine(անգլ.)

[6] «The Schönbrunn Concert» — the classic summer Open Air Event. 2007 Արխիվացված 2014-07-14 Wayback Machine(անգլ.)

[7] «Sommernachtskonzert 2015 Song Contest: Terminnot bei Philharmonikern» (գերմաներեն). 2014 թ․ մայիսի 19. Արխիվացված է օրիգինալից 2015 թ․ սեպտեմբերի 24-ին. Վերցված է 2017 թ․ նոյեմբերի 9-ին.

[8] «Летний ночной концерт Венского филармонического оркестра. 2016». Արխիվացված է օրիգինալից 2016 թ․ հունիսի 24-ին. Վերցված է 2017 թ․ նոյեմբերի 9-ին.

[9] Thu, 25. May 2017 20:15. Summer Night Concert Schönbrunn Արխիվացված 2017-01-03 Wayback Machine(անգլ.)

[10] «Летняя ночь Шёнбрунна: Венский филармонический чествует Рихарда Штрауса». Euronews. 2014 թ․ հունիսի 12. Վերցված է 2014 թ․ հուլիսի 5-ին.

[11] «2013. Ежегодный концерт в парке Шёнбрунн отдает дань Вагнеру». Արխիվացված է օրիգինալից 2014 թ․ հուլիսի 14-ին. Վերցված է 2017 թ․ նոյեմբերի 9-ին.

[12] «Летний ночной концерт Венского филармонического оркестра. 2014». Արխիվացված է օրիգինալից 2014 թ․ հուլիսի 14-ին. Վերցված է 2017 թ․ նոյեմբերի 9-ին.

[13] Sommernachtskonzert Schönbrunn 2008 Արխիվացված 2016-03-05 Wayback Machine(անգլ.)

[1]