Մնաս բարով, Բեռլին (գիրք)
Մնաս բարով, Բեռլին անգլ.՝ Goodbye to Berlin | |
|---|---|
| Հեղինակ | Քրիսթոֆեր Իշերվուդ |
| Տեսակ | գրավոր աշխատություն |
| Բնօրինակ լեզու | անգլերեն |
| Ստեղծման տարեթիվ | 1939 |
| Նկարագրում է | Բեռլին |
| Նախորդ | Mr Norris Changes Trains? |
| Հրատարակիչ | Հոգարթ Փրես |
| Հրատարակման տարեթիվ | 1939 |
| OCLC | 5437385 |
Մնաս բարով, Բեռլին (անգլ.՝ Goodbye to Berlin), մասամբ ինքնակենսագրական վեպ, որի հեղինակն է Քրիսթոֆեր Իշերվուդը։ Այս ստեղծագործությունը թղթին է հանձնվել 1939 թվականին և պատմում է հեղինակի բեռլինյան տարիների մասին՝ Վեյմարյան Հանրապետության օրոք՝ 1930-ական թվականների սկզբից մինչև այն պահը, երբ երկիրն անցավ նացիստների վերահսկողության տակ։ «Մնաս բարով, Բեռլին» ստեղծագործությունը մաս է կազմում «Բեռլինյան պատմություններ» և «Միսթր Նորիսի աշխատանքներն ու դժվարությունները» վիպաշարի, որի մասին հեղինակը՝ Իշերվուդը նույնպես անդրադարձել է այդ տարիների իր կյանքին։ Գրքի սյուժեի հիման վրա 1972 թվականին նկարահանվել է «Կաբարե» ֆիլմը։
Սյուժե
«Մնաս բարով, Բեռլին» վեպը բաղկացած է միմյանց հետ փոխկապակցված հատվածներից։ Սրանք պատմում են տարբեր մարդկանց պատմություններ, ովքեր հանդիպել են Իշերվուդի հետ հեղինակի Բեռլինում անցկացրած տարիներին՝ 1930 թվականի վերջից մինչև 1933 թվականի սկիզբը։ Այդ հատվածներն են.
- «Բեռլինյան օրագիր (աշուն 1930)»
- «Սալլի Բոուլզ»
- «Ռյուգեն կղզում (ամառ 1931)»
- «Նովակի»
- «Լանդաուերի»
- «Բեռլինյան օրագիր (ձմեռ 1932-1933)»
Վեպում կարելի է հետևել, թե ինչպես է փոխվում Վեյմարյան Հանրապետության գերմանական ազատ հասարակությունն ու դառնում դաժան նացիստական ակցիաներ կազմակերպող հասարակություն. այդ ակցիաները սկսեցին այն ժամանակ, երբ իշխանության գլուխ բարձրացան ֆաշիստներն ու սկսեցին պայքարել հրեաների և քաղաքական ընդդիմադիրների դեմ։
«Մնաս բարով, Բեռլին» ստեղծագործությունը հրապարակվում է 1939 թվականին և մանրամասնությամբ նկարագրել է գերմանաբնակ այն հասարակության շերտին, ով տուժել է Նացիոնալ-սոցիալիստական գերմանական բանվորական կուսակցությունից։
Գլխավոր կերպարներ
- Քրիսթոֆեր Իշերվուդ՝ երիտասարդ գրող, ով Բեռլին է ժամանել Անգլիայից, որպեսզի գրի իր նոր վեպը։ Ապրում է համեստ եկամուտներով, որոնք ստանում է անգլերենի դասավանդման և թարգմանությունների շնորհիվ։
- Ֆրաու Շրյոդեր՝ բնակարանի հոգատար տիրուհին, ում տանը տարբեր ժամանակահատվածներում բնակարան է վարձակալել Քրիսթոֆեր Իշերվուդը։
- Սալլի Բոուլզ՝ թեթևամիտ սկսնակ արտիստուհի և երգչուհի, ով ելույթներ է ունենում կաբարեում. նա նույնպես Գերմանիայի մայրաքաղաք է եկել Միացյալ Թագավորությունից։ Սալլի Բոուլզն ազատ բնավորության տեր անձնավորություն է։ Բոուլզի տիպարը Իշերվուդը վերցրել է իր ծանոթուհի Ջին Ռոսսից (Jean Ross)։
- Նատալյա Լանդաուեր՝ երիտասարդ աղջիկ հարուստ հրեական ընտանիքից։
- Բեռնհարդ Լանդաուեր՝ հրեական արմատներով բիզնեսմեն, ով սպանվեց Հոլոքոստի ժամանակ։
- Պետր Ուիլկինսոն՝ հարուստ անգլիացի, ով հոմոսեքսուալիստ է։ Վերջինս տառապում է միայնությունից և կյանքի նպատակի բացակայությունից։
- Օտտո Նովակ՝ երիտասարդ աղքատ տղա, ով բիսեքսուալ է։ Վերջինս գումար վաստակում է որպես ժիգոլո՝ սպասարկելով և՛ տղամարդկանց, և՛ կանանց։
Էկրանավորում և բեմադրություն
1966 թվականին Բրոդվեյում ցուցադրվել է «Կաբարե» մյուզիքլը։ Այն բազմաթիվ անգամներ շատ երկրների բեմերում է բեմադրվել։
1972 թվականին էկրաններ է բարձրանում «Կաբարե» ֆիլմը, որն առաջադրվել է տասն անգամ Օսկար մրցանակի և ստացել է ութ մրցանակներ։ Դափնեկիրների շարքում էր նաև Լայզա Մինելլին, ով խաղացել է Սալլի Բոուլզի դերը. նրան շնորհեցին կնոջ լավագույն դերասանի կոչում։
Գրականություն
- Fryer, Jonathan (1977). Isherwood: A Biography. Garden City, NY, Doubleday & Company. ISBN 0-385-12608-5.
- Isherwood, Christopher (1945). «Preface», The Berlin Stories. New Directions Publishing Corporation.
- Isherwood, Christopher (1976). Christopher and His Kind. Avon Books, a division of The Hearst Corporation. ISBN 0-380-01795-4 (Discus edition).
- Miles, Jonathan (2010). The Nine Lives of Otto Katz. The Remarkable Story of a Communist Super-Spy. London, Bantam Books. ISBN 978-0-553-82018-8.
- Singh, R.B. (1994). The English Novels During the Nineteen-thirties. Atlantic. ISBN 81-7156-384-8.
| ||||||||||
