Նորայր Մուշեղյան

Նորայր Մուշեղյան
Անձնական տեղեկություն
Սեռ՝	արական
Ազգություն	հայ
Մասնագիտացում	ըմբիշ
Երկիր	ԽՍՀՄ և Հայաստան
Ծննդյան ամսաթիվ	նոյեմբերի 2, 1935
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Մահվան ամսաթիվ	դեկտեմբերի 23, 2011 (76 տարեկան)
Մահվան վայր	Երևան, Հայաստան
Պարգևներ ; և ՀԽՍՀ վաստակավոր մարզիչ

Վիքիպեդիայում կան հոդվածներ Մուշեղյան ազգանունով այլ մարդկանց մասին։

Նորիկ (Նորայր) Թագվորի Մուշեղյան (նոյեմբերի 2, 1935(1935-11-02)^[1], Երևան, Հայկական ԽՍՀ, ԱԽՖՍՀ, ԽՍՀՄ - դեկտեմբերի 23, 2011(2011-12-23)^[2], Երևան, Հայաստան^[1]), հայ խորհրդային ըմբիշ, հայաստանցի աշխարհի առաջին չեմպիոն (1958) և գավաթակիր^[3]։ 1986 թվականին հիմնել է «Զորավար Անդրանիկ» համազգային միությունը։ ԽՍՀՄ սպորտի վաստակավոր վարպետ (1963), ՀԽՍՀ վաստակավոր մարզիչ (1967), ՀԽՍՀ ֆիզկուլտուրայի և սպորտի վաստակավոր գործիչ (1980), ազատ ոճի ըմբշամարտի աշխարհի չեմպիոն և գավաթակիր (1958), ԽՍՀՄ չեմպիոն (1958-1959), ԽՍՀՄ ժողովուրդների II սպարտակիադայի հաղթող (1959), համամիութենական կարգի մրցավար (1974)։

Կենսագրություն

Ավարտել է Երևանի ֆիզիկական կուլտուրայի ինստիտուտը (1957)։ 1966 թվականից Երևանում կազմակերպված օլիմպիական ռեզերվի ըմբշամարտի մասնագիտացված մարզադպրոցի տ��օրենն է։ 1968 թվականին մարզել է ազատ ըմբշամարտի ԽՍՀՄ օլիմպիական հավաքականը։ 1971-1974 թվականներին եղել է Աֆղանստանի ըմբշամարտի ազգային օլիմպիական թիմի մարզիչ (թիմը մասնակցել է Մյունխենի օլիմպիական խաղերին, 1972)։ Պարգևատրվել է Աշխատանքային կարմիր դրոշի շքանշանով։

1961 թվականին նրա պատվին հիմնադրվեց ըմբշամարտի հանրապետական մարզադպրոցը, որը նա երկար տարիներ ղեկավարում էր։

Նորայր Մուշեղյանին շնորհվել է վաստակավոր մարզչի, ՀՀ ֆիզկուլտուրայի և սպորտի վաստակավոր գործչի պատվավոր կոչումներ, եղել է ԽՍՀՄ-ի և Աֆղանստանի հավաքականների ավագ մարզիչը։ Արժանացել է ԽՍՀՄ «Աշխատանքային կարմիր դրոշի», «Ժողովուրդների բարեկամության» շքանշանների և բազմաթիվ այլ պարգևների^[4]։ ԽՄԿԿ անդամ 1967 թվականից։

Ծանոթագրություններ

↑ ^1,0 ^1,1 ^1,2 ^1,3 ^1,4 Հայկական սովետական հանրագիտարան, հատոր 8 (հայ.) — հատոր 8. — էջ 82.
↑ ^2,0 ^2,1 ^2,2 Մահացել է լեգենդար հայ ըմբիշ Նորայր Մուշեղյանը
↑ Կյանքից հեռացել է լեգենդար ըմբշամարտիկ Նորայր Մուշեղյանը
↑ Azg.am Մահացել է Նորայր Մուշեղյանը(չաշխատող հղում)

Վիքիդարանն ունի նյութեր, որոնք վերաբերում են «Նորայր Մուշեղյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 82)։

[_82d2d12bbeaffec3-1] 1,0 ^1,1 ^1,2 ^1,3 ^1,4 Հայկական սովետական հանրագիտարան, հատոր 8 (հայ.) — հատոր 8. — էջ 82.

[_44f985308e70f750-2] 2,0 ^2,1 ^2,2 Մահացել է լեգենդար հայ ըմբիշ Նորայր Մուշեղյանը

[3] Կյանքից հեռացել է լեգենդար ըմբշամարտիկ Նորայր Մուշեղյանը

[4] Azg.am Մահացել է Նորայր Մուշեղյանը(չաշխատող հղում)

[1]