Ադլջևազի գավառ

Ադլջևազ, գավառ Արևմտյան Հայաստանում, Վանի վիլայեթում։ Գավառը տարածվում էր Սիփան լեռան ստորոտներում։ Գավառը բաղկացած էր 3 գավառակներից։

1890-ական թվականներին ուներ 44 գյուղ և 12697 բնակիչ, որից հայեր` 8552, քրդեր` 4000, իսկ մնացածն այլազգիներ։

Բնակչության հիմնական զբաղմունքը անասնապահությունն ու երկրագործությունն էր։ Զբաղվում էին նաև այգեգործությամբ արհեստներով և առևտրով։

Բնակիչների մեծ մասը զոհ է գնացել 1915 թվականի Մեծ եղեռնի ժամանակ, իսկ փոքր մասը կարողացել է գաղթել Արևելյան Հայաստան^[1]։

• Վանի նահանգի հայաբնակ բնակավայրեր

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն