Արթուր Մարտիրոսյան

Վիքիպեդիայում կան հոդվածներ Մարտիրոսյան ազգանունով այլ մարդկանց մասին։

Արթուր Երջանիկի Մարտիրոսյան (մայիսի 5, 1963(1963-05-05), Երևան, Հայկական ԽՍՀ, ԽՍՀՄ), հայ նկարիչ, Արցախյան ազատամարտի մասնակից։

• 1980-1985 թվականներին սովորել է Խաչատուր Աբովյանի անվան Հայկական պետական մանկավարժական ինստիտուտի նկարչա-գծագրական ֆակուլտետում
• 1989 թվականից դասավանդում է ՀՊՄՀ գեղարվեստի ֆակուլտետի գունանկարի ամբիոնում, մանկավարժական գիտությունների թեկնածու, դոցենտ
• 1990 թվականից Հայաստանի նկարիչների միության անդամ է, ՅՈՒՆԵՍԿՕ-ի պրոֆեսիոնալ նկարիչների միության անդամ
• 2007 թվականին կերտել է հայոց ցեղասպանություն թեմայով հուշարձան, որը տեղադրված է Ֆրանսիայի Տուր քաղաքում

• 1985 թվականից մասնակցել է հանրապետական և միութենական ցուցահանդեսների
• 1999 թվականից հետո չորս անհատական ցուցահանդեսով հանդես է եկել Ֆրանսիայում
• 2007 թվականին «Հայաստան, իմ բարեկամ» ֆրանս-հայկական միջոցառման շրջանակներում ունեցել է անհատական ցուցահանդես
• 2010 ՀՊՄՀ գիտական գրադարանի «Գրքի թանգարան» սրահ, «Նոր գույներ» անհատական ցուցահանդես^[1]

Արթուր Մարտիրոսյանի երևակայությունը մշտապես դեգերում է հոգևոր ապրումների սահմաններում, ժամանակակից ուղղությունների, ոճերի լաբիրինթոսում ապավինելով իր ներաշխարհում ի սկզբանե բուն դրած զգացումների, հույզերի նախնական անաղարտությանը»[2]։ - Սարո Սարուխանյան, արվեստաբան

Արթուր Մարտիրոսյանը գույնի վարպետ է։ Նրա ձեռագիրը յուրատիպ է, խիստ անհատական։ Նրա բնանկարները հայկական են ու անսահման տպավորիչ։ - Հրավարդ Հակոբյան, արվեստագիտության դոկտոր