Դարմշտադտ ՖԱ

Դարմշտադտ
Ամբողջական անուն	Sportverein Darmstadt 1898 e.V.
Մականուն(ներ)	Die Lilien (Շուշաններ)
Հիմնադրում	մայիսի 22, 1898
Երկիր	Գերմանիա
Մարզադաշտ	Մերկ-Շտադիոն ամ Բյոլենֆալտոր
Տարողունակություն	17,400
Տեր	Կլաուս Ռուդիգեր Ֆրիտչ
Մարզիչ	Տորստեն Ֆրինգս
Կայք	Պաշտոնական կայք
Լիգա	Բունդեսլիգա 2
2019-20	Բունդեսլիգա, 5-րդ
Տան դաշտ Մրցակցի դաշտ Երրորդ համազգեստ

Դարմշտադտ (գերմ.՝ SV Darmstadt 98), գերմանական ֆուտբոլային ակումբ Դարմշտադտից, Հեսսեն։ Ակումբը ստեղծվել է 1898 թվականին որպես FC Olympia Darmstadt: 2015-16 և 2016-17 մրցաշրջաններում հանդես է եկել Բունդեսլիգայում՝ 33 տարի ավելի ցածր դիվիզիոններում հանդես գալուց հետո։

Ակումբը տնային խաղերն անցկացնում է Մերկ-Շտադիոն ամ Բյոլենֆալտոր մարզադաշտում։

1909-ից 1913-ական թվականներին Օլիմպիան հետնապահ էր Վեստկրեիսլիգայում։ 1920-ական և 1930-ական թվականներին ակումբը արդեն որպես Դարմշտադտ խաղում էր Կրեիսլիգա Օդենվալդում և Բեզիրկիսլիգա Մաին-Հեսսենում, բայց չէր կարողանում մնալ բարձրագույն դիվիզիոններում։ Երրորդ Ռայխի կառավարման ժամանակ ֆուտբոլը Գերմանիայում վերաձևավորվեց և ստեղծվեցին 16 դիվիզիոններ։ Դարմշտադտը չէր կարողանում մտնել բարձրագույն դիվիզիոններ մինչև 1941 թվականը, երբ նրանք միացան Գաուլիգա Հեսսեն-Նասաուին։ Բայց այստեղ նրանք երկար չկարողացան մնալ և 2 մրցաշրջան անցկացնելուց հետո դուրս մնացին ավելի ցածր դիվիզիոն։

Դարմշտադտը երկար ժամանակ համարվում էր երկրորդ դիվիզիոնի թիմ 1950-ական թվականներին, ինչպես նաև 1963 թվականին Բունդեսլիգայի ստեղծումից մինչև 1970-ական թվականները։ Այնուամենայնիվ նրանք երբեք միջինից բարձր կարգի թիմ չեն համարվել, մինչև 1973 թվականը, երբ նրանք հասան մինչև Բունդեսլիգայի որակավորման փուլ, սակայն զբաղեցրեցին 2-րդ տեղը։

Սահմանափակ ռեսուրսներով ակումբ Դարմշտադտը վերջ ի վերջո 2 մրցաշրջան անցկացրեց Բունդեսլիգայում (1978-79, 1981-82)։ Դրանից հետո թիմը անհաջողություններ ունեցավ և ֆինանսական խնդիրների պատճառով դուրս մնաց Գերմանիայի երրորդ և չորրորդ դիվիզիոններ։

Դարմշտադտի վերջին հաջողություններից են եղել Հեսսենի գավաթում հաղթանակը 1999, 2001, 2006, 2007 և 2008 թվականներին և Պոսման-Հեսսեն գավաթում հաղթանակը 2000, 2001 և 2002 թվականներին։ Գերմանիայի գավաթում Դարմշտադտը հասել է մինչև 3-րդ ռաունդ 1989-ին և 2001-ին, և մինչև քառորդ եզրափակիչ 1986-ին։ 2004 թվականին ակումբը Գերմանիայի 4-րդ դիվիզիոնից բարձրացավ 3-րդ դիվիզիոն, բայց 2006-07 մրցաշրջանից հետո նորից հետ իջավ 4-րդ դիվիզիոն ֆինանսական խնդիրների պատճառով։ Ակումբի նոր նպատակը դարձավ բարձրանալ 3-րդ դիվիզիոն մոտակա 5 տարիների ընթացքում։ Բայց 2008 թվականի մարտի 6-ին Դարմշտադտը մտավ սնանկության վարույթ մոտ €1.1 միլիոն պարտքերով, և ակումբի ապագան անորոշ դարձավ։ Դարմշտադտը տարբեր միջոցներ ձեռնարկեց սնանկության գործընթացը կասեցնելու նպատակով, օրինակ՝ անցկացվեց ընկերական հանդիպում Բավարիայի հետ, նվիրատվություններ և այլն։ Ակումբին օգնելու համար նրա նախկին աշխատակիցները, մարզիչները, խաղացողները տարբեր ներդրումներ կատարեցին թիմի մեջ՝ այդպիսով ապահովելով ակումբի ապագան։

2010-11 մրցաշրջանում Ռեգիոնալիգա Սուդը հաղթելուց հետո Դարմշտադտը բարձրացավ Բունդեսլիգա 3։ 2012 թվականին թիմի մարզիչ նշանակվեց Դիրկ Շուստերը և պայմանագիր կնքվեց ապագա ավագ Այտաչ Զուլուի հետ։ 2012-2013 մրցաշրջանում Դարմշտադտը նորից դուրս մնաց 4-րդ դիվիզիոն, բայց նրանք մնացին Բունդեսլիգա 3-ում, քանի որ Կիկերս Օֆենբախը զրկվեց Բունդեսլիգա 3-ի լիցենզիայից և դուրս մնաց 4-րդ դիվիզիոն Դարմշտադտի փոխարեն։

2013-2014 մրցաշրջանում Դարմշտադտը գրավեց 3-րդ հորիզոնականը և որակավորման խաղում հաղթելով Արմինիային, բարձրացավ Բունդեսլիգա 2՝ 21 տարի ավելի ցածր դիվիզիոններում խաղալուց հետո։

Հաջորդ մրցաշրջանում Դարմշտադտը անակնկալի բերեց բոլորին զբաղեցնելով 2-րդ հորիզոնականը և 33 տարվա դադարից հետո նորից խաղալով Բունդեսլիգայում^[1][2]։

2015-16 մրցաշրջանում Դարմշտադտը հասավ Գերմանիայի գավաթի 1/16 եզրափակիչ։ 2016 թվականի մարտի 6-ին Ջոնաթան Հեիմեսը, ով երկար ժամանակ երկրպագում էր Դարմշտադտին, մահացավ քաղցկեղից, ինչի հետևանքով Դարմշտադտի մարզադաշտը վերանվանվեց «Ջոնաթան-Հեիմես-Ստադիոն ամ Բոլենֆալտոր»։ 2015-16 մրցաշրջանում Դարմշտադտը զբաղեցրեց 14-րդ հորիզոնականը։

2016-17 մրցաշրջանում Դարմշտադտի մարզիչ նշանակվեց Նորբերտ Մեյերը։ Գերմանիայի գավաթի 2-րդ ռաունդում դուրս մնալուց և 12 խաղում ընդամենը 8 միավոր հավաքելուց հետո Մեյերը հեռացվեց և Տորստեն Ֆրինգսը նշանակվեց նոր մարզիչ։ Այնուամենայնիվ թիմը չկարողացավ պահպանել տեղը Բունդեսլիգայում և 2017-18 մրցաշրջանում հանդես կգա Բունդեսլիգա 2-ում։

2017 թվականի սեպտեմբերի 8-ի դրությամբ

Նշում. Դրոշները ցույց են տալիս ազգային հավաքականը ինչպես սահմանված է ՖԻՖԱ-ի իրավասության կանոններում: Խաղացողները կարող են ունենալ 1-ից ավելի ոչ-ՖԻՖԱ-ի քաղաքացիություն:

№ Դիրք Խաղացող 1 ԴՊ Դանիել Հոյեր Ֆերնանդեշ 2 ՊՇ Ժուան Ռենատու դա Կունյա 4 ՊՇ Այտաչ Զուլու 6 ԿՊ Մարվին Մելեմ 7 ՀՐ Ֆելիքս Պլատե 8 ԿՊ Յուլիան ֆոն Հակե 9 ՀՐ Ջեյմի ՄաքԼարեն 10 ԿՊ Յան Ռոզենտալ 11 ԿՊ Տոբիաս Կեմպե 13 ՊՇ Մարկուս Շտայնհյոֆեր 14 ՀՐ Ռոման Բեզյակ 15 ՀՐ Տերենս Բոյդ 17 ՊՇ Սանդրո Սիրիգու 18 ԿՊ Պետեր Նիմայեր 19 ԿՊ Կևին Գրոսկրոյց 20 ՀՐ Արթուր Սոբյեխ

№ Դիրք Խաղացող 21 ՊՇ Իմանուել Հյոն 23 ԴՊ Ժոել Մալ 25 ԿՊ Յանիկ Շտարկ 26 ՊՇ Պատրիկ Բանգգոր 27 ՀՐ ՄաքԿինզի Գեյնս 28 ՊՇ Լեո Պետրի 31 ԴՊ Ֆլորիան Շտրիցել 32 ՊՇ Ֆաբիան Հոլանդ 33 ՊՇ Ժույբաո Հու (վարձավճարով Վայլեից) 34 ԿՊ Համիտ Ալթինթոփ 35 ՊՇ Նիկլաս Կերն 36 ՊՇ Ուիլսոն Կամավուակա 38 ԿՊ Ռոմուալդ Լակազետ 39 ՊՇ Պաուլ Շմայդեր 40 ՀՐ Սիլաս Ցենդեր

• Ռեգիոնալլիգա Հարավ (II)
  • Հաղթող (1). 1972–73
• Բունդեսլիգա 2 Հարավ (II)
  • Հաղթող (2). 1978, 1981
• Բունդեսլիգա 2 (II)
  • Երկրորդ տեղ (1). 2014–15
• Ռեգիոնալլիգա Հարավ (IV)
  • Հաղթող (1). 2011
• Հեսսենլիգա
  • Հաղթող (7). 1950, 1962, 1964, 1971, 1999, 2004, 2008
• Հեսսենի գավաթ
  • Հաղթող (7). 1966, 1999, 2001, 2006, 2007, 2008, 2013
  • Երկրորդ տեղ (3). 1971, 2009, 2014

• Դարմշտադտի պաշտոնական կայքը
• Դարմշտադտի վիճակագրությունը soccerway կայքում
• Դարմշտադտի վիճակագրությունը futbol 24-ում
• Դարմշտադտի վիճակագրությունը footlive.com-ում Արխիվացված 2017-05-19 Wayback Machine
• Դարմշտադտը transfermarkt-ում
• Դարմշտադտը soccerbase-ում
• Դարմշտադտը UEFA.com-ում
• Դարմշտադտը abseits-soccer-ում Արխիվացված 2010-10-20 Wayback Machine
• Դարմշտադտը Weltfussball.de-ում

Վիքիպահեստն ունի նյութեր, որոնք վերաբերում են «Դարմշտադտ ՖԱ» հոդվածին։

Սոցիալական ցանցերում Ֆեյսբուք · X Ֆոտո, վիդեո և աուդիո Ինստագրամ · ՏիկՏոկ · ՅուԹյուբ Թեմատիկ կայքեր Transfermarkt · ՈւԵՖԱ Չափորոշչային վերահսկողություն VIAF: 133176149 · WorldCat VIAF: 133176149