תהלים קא

א לדוד מזמור חסד ומשפט אשירה לך יהוה אזמרה ב אשכילה בדרך תמים מתי תבוא אלי אתהלך בתם לבבי בקרב ביתי ג לא אשית לנגד עיני דבר בליעל עשה סטים שנאתי לא ידבק בי ד לבב עקש יסור ממני רע לא אדע ה מלושני [מלשני] בסתר רעהו אותו אצמית גבה עינים ורחב לבב אתו לא אוכל ו עיני בנאמני ארץ לשבת עמדי הלך בדרך תמים הוא ישרתני ז לא ישב בקרב ביתי עשה רמיה דבר שקרים לא יכון לנגד עיני ח לבקרים אצמית כל רשעי ארץ להכרית מעיר יהוה כל פעלי און

א לְדָוִד מִזְמוֹר חֶסֶד וּמִשְׁפָּט אָשִׁירָה לְךָ יְהוָה אֲזַמֵּרָה. ב אַשְׂכִּילָה בְּדֶרֶךְ תָּמִים מָתַי תָּבוֹא אֵלָי אֶתְהַלֵּךְ בְּתָם לְבָבִי בְּקֶרֶב בֵּיתִי. ג לֹא אָשִׁית לְנֶגֶד עֵינַי דְּבַר בְּלִיָּעַל עֲשֹׂה סֵטִים שָׂנֵאתִי לֹא יִדְבַּק בִּי. ד לֵבָב עִקֵּשׁ יָסוּר מִמֶּנִּי רָע לֹא אֵדָע. ה מלושני [מְלָשְׁנִי] בַסֵּתֶר רֵעֵהוּ אוֹתוֹ אַצְמִית גְּבַהּ עֵינַיִם וּרְחַב לֵבָב אֹתוֹ לֹא אוּכָל. ו עֵינַי בְּנֶאֶמְנֵי אֶרֶץ לָשֶׁבֶת עִמָּדִי הֹלֵךְ בְּדֶרֶךְ תָּמִים הוּא יְשָׁרְתֵנִי. ז לֹא יֵשֵׁב בְּקֶרֶב בֵּיתִי עֹשֵׂה רְמִיָּה דֹּבֵר שְׁקָרִים לֹא יִכּוֹן לְנֶגֶד עֵינָי. ח לַבְּקָרִים אַצְמִית כָּל רִשְׁעֵי אָרֶץ לְהַכְרִית מֵעִיר יְהוָה כָּל פֹּעֲלֵי אָוֶן.

א לְדָוִד מִזְמוֹר:

חֶסֶד על נאמנותך וּמִשְׁפָּט ועל מידת הצדק שלך אָשִׁירָה, לְךָ יְהוָה אֲזַמֵּרָה.

ב אַשְׂכִּילָה אלמד בְּדֶרֶךְ תָּמִים מהליכותיו של התמים - מָתַי תָּבוֹא אֵלָי ולאור זאת אני מקווה שתתקרב אלי? אֶתְהַלֵּךְ בְּתָם לְבָבִי בְּקֶרֶב בֵּיתִי אפילו בהליכותי עם בני ביתי.

ג לֹא אָשִׁית אשים לְנֶגֶד עֵינַי דְּבַר בְּלִיָּעַל רישעות, עֲשֹׂה סֵטִים עבירות (סטיה מדרך הישר) שָׂנֵאתִי, לֹא דבר רע (בְּלִיָּעַל, סֵטִים) לא יִדְבַּק בִּי.

ד לֵבָב עִקֵּשׁ ערמומי יָסוּר מִמֶּנִּי, רָע לֹא אֵדָע.

ה (מלושני) מְלָשְׁנִי את המלשין בַסֵּתֶר רֵעֵהוּ - אוֹתוֹ אַצְמִית אשמיד אותו, ולא כדרך המלכים הרעים הגוזרים דין על סמך הלשנה בלבד, גְּבַהּ עֵינַיִם וּרְחַב לֵבָב - אֹתוֹ לֹא אוּכָל לא אוכל להיות בקרבתו.

ו עֵינַי בְּנֶאֶמְנֵי אֶרֶץ אני מתבונן באנשים הנאמנים ביותר בארץ, ובוחר מהם לָשֶׁבֶת עִמָּדִי, הֹלֵךְ בְּדֶרֶךְ תָּמִים - הוּא יְשָׁרְתֵנִי.

ז לֹא יֵשֵׁב בְּקֶרֶב בֵּיתִי עֹשֵׂה רְמִיָּה, דֹּבֵר שְׁקָרִים לֹא יִכּוֹן יתייצב לְנֶגֶד עֵינָי.

ח לַבְּקָרִים בכל בוקר אַצְמִית כָּל רִשְׁעֵי אָרֶץ, לְהַכְרִית מֵעִיר יְהוָה מירושלים כָּל פֹּעֲלֵי אָוֶן.