Sarn (planaid)
.svg){kind=small}
She Sarn y sheyoo planaid magh veih'n Ghrian as y nah phlanaid smoo ayns Corys ny Greiney, lurg Jupiter. Myrane lesh Jupiter, Uranus as Neptune, t'eh rang-oardraghit myr foawr gas.
Ta ennym y jee Raueagh Saturnus currit er y phlanaid, as eh cormit rish Kronos ny Greagee, Ninurta ny Babylonnee, as Shani ny Hindooee. Ta cowrey Sarn shassoo seose son corran y jee .svg){kind=small}
.
Ta Sarn jeant seose jeh hiddragien, lesh coreiryn beggey jeh hailium as beggan dy vun-stooghyn elley.[11] Ta çheusthie yn phlanaid jeant seose jeh cree creggey as rio beg, lesh jastan gloo jeh hiddragien meainagh ta goll mygeayrt, as jastan mooir gassagh ny s'odjey mooie. Ta aeraght veein echey dy mennick er baghtal, agh foddee dy vel grooishyn ry-akin er feie traa foddey. Foddee dy vel geayghyn sheidey seose gys 1,800 km/h, lane ny s'tappee na er Jupiter. Ta ream magnaidagh planaidagh ec Sarn as eh jeh niart meanagh eddyr niart ream magnaidagh ny Cruinney as y ream magnaidagh Jupiter.
Ta corys ard-cheimagh jeh fainaghyn mygeayrt Sarn, as ad jeant seose jeh ayrneenyn rio lesh mooad beg jeh smooirlee chreggey as joan y tuinney. Ta un eayst as tree feed cruinlaghey Sarn, faagail magh keeadyn dy "eaysteenyn" çheusthie jeh ny fainaghyn. Ta Titan, yn eayst (ny fo-phlannad) Harn smoo as y nah fo-phlannad smoo ayns Corys ny Greiney lurg Ganymede, ny smoo na'n planaid Crean as t'eh yn un fo-phlannad lesh aeraght vaghtal.[12]
Jastanyn bodjallagh
[reagh | edit source]Ta aeraght chorpagh niauoilagh Harn taishbyney soylley rimmeigagh cosoylagh rish Jupiter, agh cha nel ny rimmeigyn er Sarn cha gial as daahit as ny rimmeigyn er Jupiter, ansherbee, agh t'ad ny s'lhea ec y veanchiarkyl. Ec y vun, as eh sheeyney magh er feie 10 km as lesh çhiassid -23 °C, ta jastan riojag ushtey ry-gheddyn. Lurg eh shen, ta jastan riojag jeh ammonium hiddrasulfeed ta sheeyney magh er feie 50 km as ta mygeayrt -93 °C. Kiare feed kilometeryn heose veih shen ta ny bodjallyn riojag ammoiney ry-gheddyn, raad dy vel ny çhiassidyn mygeayrt -153 °C. Faggys da'n vaare, as sheeyney magh er feie lhiurid eddyr 200 as 270 km heose veih ny bodjallyn, t'ou çheet er jastanyn bodjallyn fakinagh as aeraght jeh hiddragien as hailium.[13] Ta ny geayaghyn er Sarn king jeh ny geayaghyn s'tappee ayns Corys ny Greiney. Ta fysseree veih Voyager cowraghey magh geayaghyn niar as ad goll 500 m/s (1800 km/h).[11] Cha row ny soyllee vodjal cheylley ry-akin agh ec traa roie shaghey Voyager. Veih'n traa shen, ansherbee, ta fodreayrtanys bunnit er y Chruinney ny share nish, as foddee baghtalyn kinjagh y yannoo nish.
Imraaghyn
[reagh | edit source]- ↑ a b Reference URL: https://www.le-systeme-solaire.net/modules.php?name=syssol&page=saturne. Retrieved: 5 Mee Houney 2017.
- ↑ Reference URL: https://www.imcce.fr/langues/fr/grandpublic/systeme/promenade/pages1/123.html. Author: Institut de mécanique céleste et de calcul des éphémérides. Retrieved: Mee Houney 5, 2017.
- ↑ a b c d Stated in: Keplerian elements for approximate positions of the major planets. Retrieved: Mee Houney 5, 2017. Language of work or name: Baarle. Publication date: Toshiaght Arree 15, 2015. Cite error: Invalid
<ref>tag; name "Q21128615" defined multiple times with different content - ↑ Reference URL: https://www.le-systeme-solaire.net/modules.php?name=syssol&page=saturne. Retrieved: Jerrey Fouyir 12, 2017.
- ↑ a b c d e f g h i Reference URL: https://nssdc.gsfc.nasa.gov/planetary/factsheet/saturnfact.html.
- ↑ Stated in: Kepler orbit.
- ↑ a b c "{{{title}}}" (4 Mee ny Nollick 2010). doi:.
- ↑ Reference URL: https://nssdc.gsfc.nasa.gov/planetary/factsheet/saturnfact.html. Object named as: Equatorial radius (1 bar level) (km): 60,268.
- ↑ "NASA FACTS" (ayns Baarle). NASA.
{{cite web}}: CS1 maint: çhengey gyn enney (link) - ↑ https://www.webcitation.org/6OhjS0EU7?url=http://nssdc.gsfc.nasa.gov/planetary/factsheet/saturnfact.html. Er ny hashtey veih yn lhieggan bunneydagh er 9 Averil 2014.
{{cite web}}: Missing or empty|title=(cooney); Unknown parameter|enmys=ignored (cooney); Unknown parameter|çhengey=ignored (cooney) - ↑ a b Hamilton, Calvin (1997). "Voyager Saturn Science Summary". Solarviews. Feddynit magh er 2007-07-05.
{{cite web}}: Unknown parameter|middle=ignored (cooney) - ↑ Munsell, Kirk (6 Averil, 2005). "The Story of Saturn". NASA Jet Propulsion Laboratory; California Institute of Technology. Er ny hashtey veih yn lhieggan bunneydagh er 2005-12-02. Feddynit magh er 2007-07-07.
{{cite web}}: Check date values in:|date=(cooney) - ↑ "Saturn". MIRA. Feddynit magh er 2007-07-27.
| ||||||||||||||||
 |
She bun ta'n art shoh. Cur rish, son foays y yannoo da Wikipedia. |