Golf
Golf ha'e jetepyso oñeha'ãva manga'i ha yvyrapuku reheve ojehekávo oñemoinge hag̃ua manga'i heta yvykua'ípe peteĩ ñu guasu ári, upéva ojejapo va'erã sa'i "manga ñembota" ikatuháicha.
Golf ndaha'éi umi ambue jetepyso manga oiporúvaicha, umíva niko oreko hekorã he'íva mba'éichapa henda ñeha'ãrã, golf katu ñu guasúpe oñeha'ã va'erã, ha'ãhára oñemoĩ ñu guasu ñepyrũhápe ha omoguahẽ va'erã imanga'i peteĩ yvykuápe, ijapytépe ojuhúta mba'e ombojutu'úva opaichagua, ha'eháicha y, kapi'i ndapéiva, yvyku'i, yvyramáta, ita kuruvi ha ambuéva, ohenonde'akuaa va'erã umíva ha ipu'akáta sa'ive ombotárõ imangapy. Jepivénte ñu guasu oreko 9 térã amo 18 yvykua.[1]
Ekósiape oñeha'ãraẽ golf jaikuaaháicha ko'ãga, amo sa'ary XV jave, jepémo ndaikatúi jaikuaaite mba'eichaitépa oñepyrũ va'ekue. Ko ára peve, ikatu jajuhu hetaite golf ñu guasu oparupi Ekósiape, tetã ambuéva oñeha'ãitehápe ko jetepyso ha'e Selánda Pyahu, Autarália, Irilánda, Kanada, Gales, Amérika Retãvorekuéra Joaju, Hapõ ha Ingyatérra. Nda'areiete ojehecha avei ojekuaaveha Chína Tetarã Retãme.[2]
Oike jey ko jetepyso umi Ñembosaraipavẽme, 112 ary noñeha'ãvéi rire, oñeha'ã jey Ñembosaraipavẽ Arahakúpe 2016 Río de Janeiro-pe.[3]
Mandu'apy
[jehaijey | emoambue kuatia reñoiha]- ↑ Saunders, Vivien (2000). El manual de golf : los grandes del golf, equipo del golfista, aprender y mejorar el juego, campos de golf y diseños, reglas, etiqueta y competiciones (1. ed. en lengua española edición). Leopold Blume. ISBN 84-8076-359-0. OCLC 47815773. https://www.worldcat.org/oclc/47815773. Consultado el 2022-06-06.
- ↑ "How Many Golf Courses Are There In The World? – Golf Monthly." 25 June 2019.
- ↑ «Copia archivada». Archivado desde el original, el 19 de septiembre de 2018. Ojehechákuri árape: 13 de julio de 2016.