Xosé Lago Hermida

Xosé Lago Hermida

Biografía
Nacemento	maio de 1940 Louro, España
Morte	24 de abril de 1996 (55 anos) Lira, España
Causa da morte	morte accidental, accidente de tráfico
Alcalde de Muros
1983 – 24 de abril de 1996 (finado no cargo) ← Paulino Lago Chouza – Celestino Formoso Vidal →
Actividade
Ocupación	político
Partido político	Partido Socialista Obrero Español
Membro de	Partido dos Socialistas de Galicia
Premios
(1996)  fillo predilecto de Muros.

Xosé Santiago Lago Hermida, nado en Louro (Muros) en maio de 1940 e finado en Lira o 24 de abril de 1996, foi un político galego.

Taxista. Concelleiro en Muros polo PSdeG-PSOE dende as eleccións municipais de 1979. Nas municipais de 1983 encabezou a candidatura socialista e foi elixido alcalde ó selo candidato máis votado, moi lonxe da maioría absoluta con 4 de 17 concelleiros. Porén, os resultados anuláronse e houbo unha repetición electoral en novembro de 1983, na que conseguiu pasar de 4 a 7 concelleiros e polo tanto mantela alcaldía. Foi deputado provincial trala renuncia de Jesús Díaz Fornas en 1986. Nas municipais de 1987 encabezou de novo a candidatura do PSdeG-PSOE e foi reelixido alcalde con maioría absoluta, a cal revalidaría nas municipais de 1991. Neste último ano volveu ser elixido deputado provincial. Foi candidato de novo á alcaldía no 1995, pero nesta ocasión perdeu a maioría absoluta e tivo que formar goberno co BNG para mantela alcaldía. Foi responsable comarcal do PSdeG no Barbanza. Foi candidato ó Congreso nas xerais de 1996, se ben non resultou elixido.

Finou en accidente de tráfico o 24 de abril de 1996 en Lira,^[1] tralo que foi sucedido na alcaldía polo seu número 2 Celestino Formoso Vidal.

Predecesor: Paulino Lago Chouza

Alcalde de Muros  1983 - 1996

Sucesor: Celestino Formoso

Foi nomeado Fillo predilecto de Muros en 1996.

• Eleccións municipais en Muros