Número de Mach

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo.

O Número de Mach (${\displaystyle \mathrm {Ma} }$ ou ${\displaystyle M}$) é a relación que existe entre a velocidade dun corpo que se despraza nun determinado medio e a velocidade do son nese fluído nas mesmas condicións físicas, en particular á mesma temperatura e presión. Recibe o nome do físico e filósofo austríaco Ernst Mach. Utilízase a miúdo para representar a velocidade dun obxecto que viaxa a velocidades próximas ou superiores á do son.

O número de Mach é un número adimensional empregado de xeito usual para expresa-las velocidades dos avións. Cando se fala de Mach 1, estase a dicir que o avión voa á velocidade do son, Mach 2 fai referencia a que a súa velocidade é dúas veces a velocidade do son etc. Como a velocidade do son nun determinado medio depende, entre outros factores, da temperatura, a velocidade dun avión viaxando a Mach 1 dependerá da súa altitude e das condicións atmosféricas.

Os réximes de voo das aeronaves clasifícanse segundo o número de Mach do seguinte xeito:

• Subsónico: M < 0,7
• Transónico: 0,7 < M < 1,2
• Supersónico: 1,2 < M < 5
• Hipersónico: M > 5

O seu valor está expresado pola seguinte fórmula:

${\displaystyle \ M={\frac {v_{s}}{u}}}$

onde

${\displaystyle \ M}$ é o número de Mach

${\displaystyle \ v_{s}}$ é a velocidade do obxecto (relativa á do medio)

${\displaystyle \ u}$ é a velocidade do son no medio