Armando Manzanero

Armando Manzanero

(2016)
Biografía
Nacemento	(es) Armando Manzanero Canché 7 de decembro de 1935 Ticul, México (pt)
Morte	28 de decembro de 2020 (85 anos) Cidade de México
Causa da morte	COVID-19
Actividade
Ocupación	compositor, produtor musical, cantautor, actor, cantante, pianista, músico
Período de actividade	1950 - 2020
Xénero artístico	Música de América Latina, balada (pt) e bolero
Instrumento	Piano, voz e Acordeón
Selo discográfico	RCA Records RCA Victor
Premios
(2020)  Billboard Latin Music Lifetime Achievement Award (en) (2014)  Grammy á carreira artística (2014)  Premio Grammy Latino á Excelencia Musical (2013)  Pavilhão da Fama dos Compositores Latinos (pt) (2010)  Prêmio ASCAP à Herança Latina (pt) (2003)  Billboard Latin Music Hall of Fame (en) (2001)  Prêmio Grammy Latino para Melhor Álbum Vocal Pop em dupla ou grupo do Ano (pt) , premiado polo traballo Duetos (en) (2000)  International Latin Music Hall of Fame (en) (1993)  Prêmio Lo Nuestro à Excelência (pt)
Descrito pola fonte	Armando Manzanero, Influential Mexican Balladeer, Is Dead (en)

Armando Manzanero, nado en Mérida (México) o 7 de decembro de 1935 e finado na Cidade de México o 28 de decembro de 2020,^[1] foi un músico, actor e compositor mexicano.

Aos 8 anos iniciou estudos de música na escola de Belas Artes da súa cidade natal, e logo completou a súa formación musical na Cidade de México. En 1950 compuxo a súa primeira melodía titulada "Nunca en el mundo" e ao ano seguinte iniciou a súa actividade profesional como pianista. Seis anos máis tarde (1957) comezou a traballar como director musical da filial mexicana da compañía discográfica CBS Internacional. Pouco despois converteuse no pianista acompañante de artistas como Pedro Vargas, Lucho Gatica e Raphael.

En 1962 obtivo o quinto lugar no Festival da Canción en México. En 1965 gañou o primeiro lugar do Festival da Canción en Miami co tema Cuando estoy contigo. En 1967, animado por un executivo da filial mexicana do selo RCA Victor, gravou o seu primeiro disco con cancións de seu, todas elas de xénero romántico.

As súas cancións foron interpretadas por cantantes como Frank Sinatra, Tony Bennett, Elvis Presley, Frank Pourcel, Paul Mauriat, Ray Conniff, Manoella Torres, Marco Antonio Muñiz, Edith Márquez, Raphael, Moncho, José José, El Tri, Andrea Bocelli, Andrés Calamaro, Christina Aguilera, Pasión Vega e Luis Miguel.

En 1978 obtivo o primeiro lugar do Festival de Mallorca co tema Señor amor. Outras cancións coñecidas del son Voy a apagar la luz, Contigo aprendí, Adoro, Esta tarde vi llover, Por debajo de la mesa, Somos novios ou Felicidad. En 1993 a revista Billboard outorgoulle o Premio á Excelencia pola súa traxectoria artística.

Nos anos setenta perdeu un xuízo nos Estados Unidos por plaxio por causa da súa canción It's Impossible.^{[Cómpre referencia]}

• Bolero

• Web oficial do cantante