PanAmSat
PanAmSat é unha compañía e unha serie de satélites de comunicacións privados.[1]
Características
[editar | editar a fonte]Os satélites PanAmSat eran propiedade da empresa Pan American Satellite, fundada en 1984. A empresa fusionouse en 1996 con Hughes Galaxy.[1]
PanAmSat 1
[editar | editar a fonte]PanAmSat 1 foi o primeiro satélite de comunicacións internacional completamente privado. Foi construído inicialmente para a empresa Contel e nomeado como ASC 3, pero foi comprado por PanAmSat antes do seu lanzamento, o 15 de xuño de 1988 mediante un foguete Ariane 4. O satélite usaba foi construído co bus AS-3000 e tiña unha masa de 1220 kg. Estabilizábase nos tres eixos e levaba a bordo 12 transpondedores en banda C e 6 en banda Ku.[2]
PanAmSat 1R
[editar | editar a fonte]PanAmSat 1R foi encargado en agosto de 1997. Levaba 36 transpondedores en banda C e 36 en banda Ku. Tiña unha masa de 4972 e usaba o bus BSS-702. Foi lanzado para substituír a PanAmSar 1 o 16 de novembro de 2000 mediante un Ariane 5. Foi máis tarde renomeado a Intelsar 1R.[3]
PanAmSat 2, 3, 3R e 4
[editar | editar a fonte]En novembro de 1991 PanAmSat encargou tres satélites adicionais usando o bus HS-601. En agosto de 1993 encargou un satélite adicional de substitución. Foron lanzados entre 1994 e 1996 mediante foguetes Ariane 4, co PanAmSat 3 fallando en chegar a órbita por un fallo do foguete e sendo substituído por PanAmSat 3R. Os satélites tiñan unha masa de 2920 kg e levaban 20 transpondedores en banda C e 20 en banda Ku (30 no caso de PanAmSat 4). Foron renomeados posteriormente a Intelsat 2, Intelsat 3R e Intelsat 4[4]
PanAmSat 5
[editar | editar a fonte]O quinto satélite PanAmSat usaba o bus HS-601P, con 3600 kg de masa e 28 transpondedores en banda C e 28 en Ku, e foi lanzado o 28 de agosto de 1997 mediante un Proton K/DM-3. Foi alugado e renomeado a Arabsat 2C en maio de 2002 e máis tarde a Intelsat 5 (Badr C).[5]
PanAmSat 6
[editar | editar a fonte]PanAmSat 6 tiña unha masa de 3420 kg ao lanzamento e levaba 36 transpondedores en banda Ku. Foi posto en órbita por un Ariane 4 o 8 de agosto de 1997 e foi posto fóra de servizo en 2004 tras varios problemas.[6]
PanAmSat 6B
[editar | editar a fonte]PanAmSat 6B, renomeado máis tarde como Intelsat 6B, foi un satélite de 3470 kg construído co bus HS-601HP. Foi lanzado mediante un Ariane 4 o 22 de decembro de 1998.[7]
PanAmSat 7
[editar | editar a fonte]PanAmSat 7 foi posto en órbita sobre o océano Índico para dar cobertura a China, India, Oriente Medio, Suráfrica e Europa. Levaba 30 transpondedores en banda Ku e 14 en banda C. Tiña unha masa de 3838 kg, usaba o bus SSL-1300 e foi lanzado mediante un Ariane 4 o 16 de setembro de 1998. Foi nomeado a Intelsat 7 e retirado en 2016.[8]
PanAmSat 8
[editar | editar a fonte]PanAmSat 8 usaba tamén o bus SSL-1300 e tiña unha masa de 3800 kg. Tiña a bordo 24 transpondedores en banda Ku e 24 en banda C. Foi lanzado o 4 de novembro de 1998 cun Proton K/DM-3 e renomeado como Intelsat 8 en febreiro de 2007.[9]
PanAmSat 9 e 10
[editar | editar a fonte]PanAmSat 9 e 10 usaban o bus HS-601HP, cunha masa de 3659 kg e 3739 kg respectivamente. PanAmSat 9 levaba a bordo 28 transpondedores en banda Ku e 28 en banda C, mentres que PanAmSat 10 levaba 32 de ambos. O primeiro foi lanzado o 28 de xullo de 2000 mediante un foguete Zenit 3SL, mentres que o segundo o foi o 15 de maio de 2001 mediante un Proton K/DM-3. Ambos foron renomeados como Intelsat 9 e Intelsat 10 en febreiro de 2007.[10]
Historial de lanzamentos
[editar | editar a fonte]| Misión[1][2][3][4][5][6][7][8][9][10] | Data de lanzamento[1][2][3][4][5][6][7][8][9][10] | Foguete lanzador[1][2][3][4][5][6][7][8][9][10] | Notas[1][2][3][4][5][6][7][8][9][10] |
|---|---|---|---|
| PanAmSat 1 | 15 de xuño de 1988 | Ariane 4 | Éxito |
| PanAmSat 2 (Intelsat 2) | 8 de xuño de 1994 | Ariane 4 | Éxito |
| PanAmSat 3 | 1 de decembro de 1994 | Ariane 4 | Fallo |
| PanAmSat 4 (Intelsat 4) | 3 de agosto de 1995 | Ariane 4 | Éxito |
| PanAmSat 3R (Intelsat 3R) | 12 de xaneiro de 1996 | Ariane 4 | Éxito |
| PanAmSat 6 | 8 de agosto de 1997 | Ariane 4 | Éxito |
| PanAmSat 5 (Arabsat 2C, Badr C, Intelsat 5) | 28 de agosto de 1997 | Proton K/DM-3 | Éxito |
| PanAmSat 7 (Intelsat 7) | 16 de setembro de 1998 | Ariane 4 | Éxito |
| PanAmSat 8 (Intelsat 8) | 4 de novembro de 1998 | Proton K/DM-3 | Éxito |
| PanAmSat 6B (Intelsat 6B) | 22 de decembro de 1998 | Ariane 4 | Éxito |
| PanAmSat 9 (Intelsat 9) | 28 de xullo de 2000 | Zenit 3SL | Éxito |
| PanAmSat 1R (Intelsat 1R) | 16 de novembro de 2000 | Ariane 5 | Éxito |
| PanAmSat 10 (Intelsat 10) | 15 de maio de 2001 | Proton K/DM-3 | Éxito |
Notas
[editar | editar a fonte]- ↑ 1,0 1,1 1,2 1,3 1,4 1,5 Mark Wade (2020). "Panamsat" (en inglés). Consultado o 30 de decembro de 2020.
- ↑ 2,0 2,1 2,2 2,3 2,4 Gunter Dirk Krebs (2020). Gunter's Space Page, ed. "PAS 1" (en inglés). Consultado o 30 de decembro de 2020.
- ↑ 3,0 3,1 3,2 3,3 3,4 Gunter Dirk Krebs (2020). Gunter's Space Page, ed. "PAS 1R → Intelsat 1R" (en inglés). Consultado o 30 de decembro de 2020.
- ↑ 4,0 4,1 4,2 4,3 4,4 Gunter Dirk Krebs (2020). Gunter's Space Page, ed. "PAS 2, 3, 3R, 4 → Intelsat 2, 3R, 4" (en inglés). Consultado o 30 de decembro de 2020.
- ↑ 5,0 5,1 5,2 5,3 5,4 Gunter Dirk Krebs (2020). Gunter's Space Page, ed. "PAS 5 → Arabsat 2C → Badr C (Intelsat 5)" (en inglés). Consultado o 30 de decembro de 2020.
- ↑ 6,0 6,1 6,2 6,3 6,4 Gunter Dirk Krebs (2020). Gunter's Space Page, ed. "PAS 6" (en inglés). Consultado o 30 de decembro de 2020.
- ↑ 7,0 7,1 7,2 7,3 7,4 Gunter Dirk Krebs (2020). Gunter's Space Page, ed. "PAS 6B" (en inglés). Consultado o 30 de decembro de 2020.
- ↑ 8,0 8,1 8,2 8,3 8,4 Gunter Dirk Krebs (2020). Gunter's Space Page, ed. "PAS 7 → Intelsat 7" (en inglés). Consultado o 30 de decembro de 2020.
- ↑ 9,0 9,1 9,2 9,3 9,4 Gunter Dirk Krebs (2020). Gunter's Space Page, ed. "PAS 8 → Intelsat 8" (en inglés). Consultado o 30 de decembro de 2020.
- ↑ 10,0 10,1 10,2 10,3 10,4 Gunter Dirk Krebs (2020). Gunter's Space Page, ed. "PAS 9, 10 → Intelsat 9, 10" (en inglés). Consultado o 30 de decembro de 2020.
