Triumph des Willens
| O triunfo da vontade | |
|---|---|
 Póster do filme. | |
| Ficha técnica | |
| Título orixinal | Triumph des Willens |
| Director | Leni Riefenstahl |
| Produtor | Leni Riefenstahl |
| Guión | Leni Riefenstahl Walter Ruttmann |
| Intérpretes | Adolf Hitler Heinrich Himmler Hermann Göring Joseph Goebbels Outros líderes nazis 30.000 extras |
| Música | Herbert Windt Richard Wagner |
| Montaxe | Leni Riefenstahl |
| Estudio | Reichsparteitag-Film |
| Distribuidora | Universum Film AG |
| Estrea | 28 de marzo de 1935 |
| Duración | 114 minutos |
| Orixe | .svg){kind=small} Alemaña |
| Xénero | Propagandístico |
| Na rede | |
        | |
Triumph des Willens é un filme propagandista nazi dirixido por Leni Riefenstahl que se estreou en 1935. É unha crónica dos Congresos de Núremberg de 1934, ós cales asistiron máis de 700.000 partidarios nazis.[1] O filme contén extractos de discursos dados por varios líderes nazis nos congresos, incluíndo os de Adolf Hitler, Rudolf Hess e Julius Streicher, intercalados con imaxes das numerosas tropas da Sturmabteilung e da Schutzstaffel. Hitler participou activamente no filme e consta que foi o produtor executivo non oficial; o seu nome aparece nos títulos do comezo. O tema principal do filme é a volta de Alemaña como potencia mundial, con Hitler como o gran líder que traerá a gloria á nación. Foi realizado despois da Noite dos coitelos longos polo cal non aparecen prominentes membros das SA, que foron eliminados en 1934. O filme anterior a este, Der Sieg des Glaubens amosa Hitler e a Ernst Rohm xuntos no congreso do partido de 1933, pero tódalas copias foron destruídas despois da súa morte para non deixar en evidencia a Hitler. Porén, unha única copia sobreviviu no Reino Unido, e pode ser vista en Internet Archive.
Triumph des Willens foi estreada en 1935, e é un claro exemplo do uso da propaganda na historia do cine. As técnicas de Riefenstahl, como o movemento das cámaras, o uso de lentes de foco longo para crear distorsións da perspectiva, a fotografía aérea e o uso revolucionario da música no cine, valéronlle a Triumph of the Will o recoñecemento como un dos grandes filmes da historia. Riefenstahl gañou numerosos premios, non só en Alemaña, senón tamén nos Estados Unidos, Francia, Suecia e outros países. Foi moi popular no Terceiro Reich, e tivo grande influencia noutros filmes, documentais e anuncios publicitarios.[2] Malia isto, a súa exhibición está prohibida en Alemaña debido ó seu evidente apoio ó nazismo e as numerosos esvásticas que aparecen.
A serie cinematográfica de Frank Capra Why We Fight dise que foi directamente inspirada como unha resposta estadounidense a Triumph des Willens.
Notas
[editar | editar a fonte]- ↑ Barsam, Richard M (1975). Filmguide to Triumph of the Will. Bloomington, IN: Indiana University Press. pp. 21.
- ↑ Hinton, David B. (1975). "Triumph of the Will: Document or Artifice?". Cinema Journal 15 (1) (University of Texas Press). pp. 48–57.
Véxase tamén
[editar | editar a fonte]Bibliografía
[editar | editar a fonte]- Cheshire, Ellen (2000). "Leni Riefenstahl: Documentary Film-Maker Or Propagandist?". Kamera. Arquivado dende o orixinal o 17 de decembro de 2005.
- Kershaw, Ian (1987). The Hitler Myth. Oxford, NY: Oxford University Press. pp. 48–49. ISBN 0-19-821964-4.
- Shirer, William. Berlin Diary: The Journal of a Foreign Correspondent 1934–1941. New York, Alfred A. Knopf, 1941. Includes a contemporary account of the 1934 Nuremberg rally.
- Smith, David Calvert (1990). Triumph of the Will: A Film by Leni Riefenstahl. Richardson, TX: Celluloid Chronicles Press. Arquivado dende o orixinal o 20 de febreiro de 2002. (Complete screenplay.)
- Welch, David (1993). The Third Reich Politics and Propaganda. New Fetter Lane, Londres: Routledge. pp. 65–72. ISBN 0-415-09033-4.
