Azucre ácido

Os azucres ácidos son monosacáridos que levan un grupo carboxilo (COOH), que se orixina pola oxidación dalgún dos grupos orixinais OH ou aldehido ^[1]. Segundo en que parte da molécula se produza esta oxidación distinguimos varios tipos de azucres ácidos.

As principais clases de azucres ácidos son:

• Ácidos aldónicos, nos cales o grupo aldehido dunha aldosa foi oxidado formando un grupo carboxilo ^[2]. Son exemplos de ácidos aldónicos os seguintes:
  • Ácido glicérico (3C)
  • Ácido xilónico (5C)
  • Ácido glicónico (6C)
  • Ácido ascórbico (6C, lactona insaturada)
• Ácidos ulosónicos (ou cetoaldónicos), nos cales o primeiro grupo hidroxilo dunha 2-cetosa foi oxidado orixinando un alfa-cetoácido ^[3]. Son exemplos:
  • Ácido neuramínico (ácido 5-amino-3,5-didesoxi-D-glicero-D-galacto-non-2-ulosónico). A forma acetilada é o ácido N-acetilneuramínico, que é un compoñente das membranas celulares.
  • Ácido cetodesoxioctulosónico (KDO ou ácido 3-desoxi-D-mano-oct-2-ulosónico)
• Ácidos urónicos, nos cales o hidroxilo terminal dunha aldosa ou cetosa foi oxidado ^[4]. Exemplos:
  • Ácido glicurónico (6C)
  • Ácido galacturónico (6C)
  • Ácido idurónico (6C)
• Ácidos aldáricos, nos cales ambos os extremos dunha aldosa están oxidados ^[5]. Exemplos:
  • Ácido tartárico (4C)
  • Ácido galactárico (ácido múcico) (6C)
  • Ácido D-glicárico (ácido sacárico) (6C)

Outros azucres ácidos son o ácido murámico e o ácido N-acetilmurámico, nos que o grupo COOH non está unido directamente a un carbono do anel do azucre.

Nas imaxes seguintes, as formas liñais dos catro tipos de azucres ácidos mencionados.

• 
  O ácido glicónico, un ácido aldónico.
• 
  O ácido neuramínico, un ácido ulosónico.
• 
  O ácido galacturónico é un ácido urónico.
• 
  O ácido galactárico ou múcico, un ácido aldárico.

• MeshName - Sugar+Acids [1]