简·爱

《简·爱》（英文：Jane Eyre；音标：[ˌdʒeɪn ˈɛər]）係布朗第姊妹之一嗰谢罗蒂·布朗第（Charlotte Brontë）写嗰本脱出名嗰长篇小说。佢到1847年10月16号拕Smith, Elder & Co.公司到英国嗰伦敦出版。

《简·爱》係部革命性嗰小说，起头嗰时间佢受到大量尖刻嗰评论，话佢违背哩许时间女客婆哩嗰传统谦卑嗰道德。作者搦一只女性嗰眼光去叙述小说人物嗰情感波澜，体现出佢嗰女性独立主义、反对专制权威嗰思想。

小说话嗰係一只后生嗰家教同得佢嗰已婚嗰雇主之间嗰爱情故事，佢嗰内容有时间会有滴子情感夸张，箇係拕哥特式嗰浪漫主义影响得。阅读小说嗰时间，读者感受得正主人公面对困难挫折嗰时间，心理一滴一滴字嗰成熟嗰过程，末后佢就逐渐独立自主喽。