Aureliaflinters

De aureliaflinters (Nymphalidae) binne in famylje fan oerdeiflinters yn it skift fan de flinters (Lepiodoptera)

De famylje fan aureliaflinters hat mear as 6.000 skaaien. It is dan ek in tige grutte famylje. Yn Noardwest-Jeropa komme 66 skaaien foar.

De foarpoaten fan aureliaflinters hawwe gjin klauwen; se kinne der net mei rinne of klimme. Guon skaaien brûke dy poaten om harsels skjin te meitsjen. Ek brûke guon skaaien de foarpoaten om de weardplanten goed te befielen eart se aaikes lizze.

Ta de famylje fan de aureliaflinters hearre ûnder oaren de neikommende ûnderfamyljes:

• Skift: Flinters (Lepidoptera)
  • Famylje: Aureliaflinters (Nymphalidae)
    • Underfamylje: admiraalflinters (Limenitidinae)
    • Underfamylje: blêdwjukflinters (Charaxinae
    • Underfamylje: echte aureliaflinters (Nymphalinae)
    • Underfamylje: kalinagaflinters (Calinaginae)
    • Underfamylje: keizerflinters (Apaturinae)
    • Underfamylje: langwjukflinters of passyblom- en parlemoerflinters (Heliconiinae)
    • Underfamylje: monarchflinters en sibben (Danainae)
    • Underfamylje: morfoflinters (Morphinae)
    • Underfamylje: sâneachflinters (Satyrinae)
    • Underfamylje: snútflinters (Libytheinae)
    • Underfamylje: tropyske boarstelpoatflinters (Biblidinae)
    • Underfamylje: ûnechte lânkaartflinters (Cyrestinae)

• List fan flinters

Ofbylden dy't by dit ûnderwerp hearre, binne te finen yn de kategory Aureliaflinters fan Wikimedia Commons.