Poask

poask
taksonomy
ryk dieren (Animalia) stamme rêchstringdieren (Chordata) klasse strielfinnigen (Actinopterygii) skift bearseftigen (Perciformes) famylje echte bearzen (Percidae) skaai poasken (Gymnocephalus)
soarte
Gymnocephalus cernuus
Linnaeus, 1758
IUCN-status: net bedrige

De poask as snotterpoask (Gymnocephalus cernuus) is in swietwetterfisk dy't lânseigen is yn rûchwei de noardlike helte fan Jeropa (wêrûnder de Benelúks) en noardwestlik Sibearje. Hy komt as eksoat ek foar yn 'e Grutte Marren fan Noard-Amearika, dêr't er de lânseigen fauna grutte skea tabrocht hat. De poask heart ta de famylje fan de bearzen.

De poask wurdt oant 25 sm lang.

De poask komt algemien foar yn iepen wetter. Yn de paaitiid yn april-juny foarmje de poask grutte iezings. Se ridzje yn ûndjip wetter op wetterplanten, stiennen en obstakels. De poask is neist de foarn it wichtichste fretten foar de ielguos.

Yn de 18e iuw waard it stjerrebyld ‘Fisken’ yn it Frysk wol ‘Piter Poasken’ neamd. In poask is in slimerich fiskje. Wy kenne hjoed-de-dei noch de útdrukking ‘sa ferkâlden as in poask’. En fan ien dy’t net sa grut fan stal is, kin men sizze: It is mar sa’n poask.

• Fishbase: ynformaasje oer de poask