Hegoaldeko Europa kontinente horretako hegoaldean dauden herrialdeen multzoa da, ikuspuntu geografikotik begiratuta.

Ez dago muga argirik eremu geografiko honentzat; baina, nolanahi ere, Portugal, Espainia, Italia, Malta, Zipre eta Grezia hartzen dira Hegoaldeko Europako herrialdetzat, oro har.

Batzuetan, Frantziako eta Balkanetako hegoaldea eta Mediterraneo inguruko gainontzeko herrialde europarrak (Kroazia, Bosnia-Herzegovina, Montenegro, Mazedonia, Albania), ere sartu ohi dira definizio horretan, bai eta Bulgaria eta Turkiako zati europarra ere.

Haiekin batera, jakina, Monako, San Marino edo Vatikanoa ere sartu behar dira.