RPK

RPK
Mota	Kalaxnikov metrailadore arina
Jatorrizko herrialdea	Sobietar Errepublika Sozialisten Batasuna
Zerbitzua
Hasiera	1959
Gatazka	Vietnamgo Gerra Angolako Independentzia Gerra Angolako Gerra Zibila Mozambican Civil War (en) Mozambikeko Independentzia Gerra Etiopiako Gerra Zibila Nicaraguan Civil War (en) Afganistango gerra
Produkzioa
Diseinatzailea	Mikhail Kalaxnikov
Fabrikatzailea	Viatskie Polianyko Makina Fabrika
Zehaztasunak
Munizioa	7,62 x 39 mm

RPK (errusieraz: Ручной Пулемёт Калашникова, translit.: Ruchnoi Pulemet Kalashnikova, Kalashnikov Metrailadore Arina) 7,62 × 39 milimetroko metrailadore arin bat da, sobietar diseinukoa. 1950eko hamarkadaren bukaera aldera diseinatu zuen Mikhail Timofevitx Kalaxnikovek, Armada Gorriari infanteria eskuadraren (10 lagun) su potentzia igotzearren. AKM fusilarekin batera, Armada Gorriaren armamentua modernizatzeko eta estandarizatzeko planaren barruan RPD metrailadorea ordezteko helburua zuen RPK-k. Gaur egun, Sobietar Batasuneko herrialde ohiak eta Afrika eta Asiako herrialde batzuk dira erabiltzaile nagusiak; eta lizentziapean egin da Bulgarian eta Errumanian. 1970eko hamarkadan RPK-74ak ordezkatu zuen ofizialki, baina oraindik erabiltzen da modelo zaharra.

Oinarrian, RPK metrailadorea AK-47 bat da, ezberdintasun hauek izanik: kanoi luzeago eta pisuagoa (ez aldagarria); bipodea; kulata desberdina; eta hargailu sendoagoa (1,5 milimetroko txapaz egina; AK-47a, berriz, 1 milimetroko txapaz egina da). Beste zati guztiak mekanikoki AK-47arenen berdinak eta aldagarriak dira, nahiz eta RPKrenak sendoagoak izan. Kargagailuak ere berdinak dira, nahiz eta RPKrentzat bereziki eginiko 40 eta 75 balako kargadoreak dauden.

• Herrialdea: Sobietar Batasuna
• Kalibrea: 7,62 x 39 mm
• Funtzionamendua: Gas bidezkoa, ixtailu birakaria
• Pisua: 5 kilogramo
• Luzera: 1040 milimetro
• Kanoiaren luzera: 591 milimetro
• Elikagailua: 40 balako kargadore kurbatua eta 75 balako danbor formakoa
• Su abiada: 600 bala minutuko