Naoise Dolan

Naoise Dolan
Bizitza
Jaiotza	Dublin, 1992 (31/32 urte)
Herrialdea	Irlandako Errepublika
Hezkuntza
Heziketa	Trinity College Oxfordeko Unibertsitatea
Hizkuntzak	ingelesa
Jarduerak
Jarduerak	eleberrigilea eta idazlea

Naoise Dolan (Dublin, 1992ko apirilaren 14a) irlandar eleberrigilea da^[1].

Dublinen jaio zen^[2]. Queer gisa identifikatzen du^[3] eta jazarpen homofoboa izan zuen eskolan^[4].

2016an ingeles filologian graduatu zen Trinity Collegen^[2][5] eta gero literaturako masterra egin zuen Oxfordeko Unibertsitatean^[2][6]. Trinity Collegen ikasten ari zela, idazle izatea erabaki zuen^[1]. Ikasle garaian lortu zuen lehen ospea bere blogeko komiki feminista umoretsuei esker^[7].

2016an, graduatu eta Irlandan lanik aurkitu ezin izan ostean, Singapurrera joan zen ingelesa irakastera^[8]. Urte hartan bertan, Hong Kongera joan zen^[8][9]. Gainera, Italian bizi izan zen^[1]. 2018az geroztik, Londresen bizi da tarteka^[2]. Klima krisia dela eta, ez du hegazkinez bidaiatzen^[10].

27 urte zituela, autismoa diagnostikatu zioten^[11]. Modu irekian hitz egiten du hedabideetan bere neurotipoari buruz^[2].

2017an hasi zen Exciting Times eleberria idazten, Hong Kongen bizi zenean, eta bost hilabetetan amaitu zuen^[2]. 2020an The Sunday Times Young Writer of the Year sarirako eta 2021ean Dalkey sarirako izendatu zuten^[12][13].

2021eko martxoko elkarrizketa batean, bigarren eleberria idazten ari zela esan zuen^[14], eta 2023ko maiatzaren 25ean The Happy Couple liburua plazaratu zuen^[15].

• Exciting Times (2020)
• The Happy Couple (2023)