Mike Oldfield

Mike Oldfield
	; (2006) Irudi gehiago
Bizitza
Jaiotzako izen-deiturak	Michael Gordon Oldfield
Jaiotza	Reading, 1953ko maiatzaren 15a (71 urte)
Herrialdea	Erresuma Batua
Lehen hizkuntza	ingelesa
Familia
Bikotekidea(k)	ikusi Anita Hegerland;
Haurrideak	ikusi Terry Oldfield (en) ; Sally Oldfield (en) ;
Hezkuntza
Heziketa	Elvian School (en) ; The Highlands School, Reading (en) ; Emerson Park School (en)
Hizkuntzak	ingelesa
Jarduerak
Jarduerak	musikagilea, gitarra-jotzailea, kantugilea, abeslaria, disko-ekoizlea, musikaria, hegazkinlaria eta jolas diseinatzailea
Jasotako sariak	ikusi Grammy Award for Best Instrumental Composition (1975) ;
Kidetza	The Sallyangie
Genero artistikoa	Rock progresiboa; herri-musika; pop musika; world musica; ambient music (en) ; musika klasikoa; New Age musika; pop rock; Celtic fusion (en)
Musika instrumentua	baxua; Ezkila tubularra; gitarra elektrikoa; bass (en) ; gitarra; giltzadia; Glockenspiela
Diskoetxea	Warner Bros. Records; Caroline Records (en) ; Virgin Records; Warner Music Group; Mercury Records (mul) ; Virgin EMI Records (en)
	mikeoldfieldofficial.com

Michael Gordon Mike Oldfield (Reading, 1953ko maiatzaren 15a -), britainiar musikari instrumentu askotakoa eta musikagilea da. Haren musika oso landua eta konplexua da, World music estiloan jaio eta new age, neofolk nahiz pop estiloekin nahasten dena. Arrakasta lortu zuen 1973an Tubular Bells albumari esker eta 1983an Moonlight Shadow singleari esker.

Bizitza

Oso gazterik hasi zen musika idazten. 1967an bere arreba Sallyrekin folk musikako disko eta single bana grabatu zuen. Urtebete geroago, rock musika egiten hasi zen, eta Barefoot taldea sortu zuen, baina taldeak ez zuen luzaro iraun. Kevin Ayersen bandan baxua jotzen hasi zen, eta disko pare bat grabatu zuen; taldean musikari onaren fama lortu zuen.

Gero, Virgin disko konpainiarentzat lanean ari zela, bere izena mundu osora zabaltzea lortu zuen bere ametsetako proiektuarekin: Tubular Bells (1973). Diskoak izugarrizko arrakasta izan zuen, eta Virgin konpainia sendotzen eta eraikitzen lagundu zuen: 1981erako hamar milioi aletik gora saldu zituen.

Garai hartan punk musika zegoen modan, baina Oldfieldek lehen diskoarekin urratzen hasitako bideari jarraitu zion, eta Incantations argitaratu zuen, 1978. urtean. Dena dela, hurrengo urtean, orduko rock joera nagusitik hurbilago zegoen diskoa argitaratu zuen: Guilty. 1982an, pop komertzialerako urratsa egin zuen Five Miles Out diskoarekin, arrakasta handiz gainera. 1984an The Killing Fields filmerako musika idatzi zuen, eta Discovery diskoa argitaratu zuen.

Gero lan eklektikoagoak egin zituen, bere lehenengo diskoen erreferentea ahaztu gabe halere: Amarok (1990). Azken urte horretan Tubular Bells II argitaratu zuen, baina beste disko konpainia batekin. 1994an Elements argitaratu zuen, Virgin konpainiarekin egindako musiken bilduma bat. Handik gutxira azken teknologia informatikoak baliatzen hasi zen, eta 1998an Tubular Bells III argitaratu zuen.

Diskografia

Urtea	Titulua	UK Album Chart zbk.
1973	Tubular Bells	1
1974	Hergest Ridge	1
1975	The Orchestral Tubular Bells	17
1975	Ommadawn	4
1978	Incantations	14
1979	Exposed	16
1979	Platinum	24
1980	QE2	27
1982	Five Miles Out	7
1983	Crises	6
1984	Discovery	15
1984	The Killing Fields	97
1987	Islands	29
1989	Earth Moving	30
1990	Amarok	49
1991	Heaven's Open
1992	Tubular Bells II	1
1994	The Songs of Distant Earth	24
1996	Voyager	12
1998	Tubular Bells III	4
1999	Guitars	40
1999	The Millennium Bell	133
2002	Tr3s Lunas
2003	Tubular Bells 2003	51
2005	Light + Shade	175
2008	Music of the Spheres	9
2014	Man on the Rocks
2017	Return to Ommadawn

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q3008
Multimedia: Mike Oldfield / Q3008