Kataluniako Ezker Errepublikanoa

Kataluniako Ezker Errepublikanoa
La suma del nou país, la força del canvi
Datuak
Izen laburra	ERC
Mota	Kataluniako alderdi politikoa
Herrialdea	Espainia
Ideologia	sozialismo demokratikoa, errepublikanismoa, Katalan independentismoa, European values (en) , feminismoa eta Ekologismoa
Kokapen politikoa	zentro-ezkerra
Jarduera
Kidetza	Europako Aliantza Askea
Kide kopurua	8.226 (2024ko abuztuaren 2a)
Honen parte	Junts pel Sí, Esquerra Republicana de Catalunya–Catalunya Sí eta Esquerra Republicana de Catalunya-Acord Municipal
Kataluniako Parlamentua 33 / 135 Espainiako Diputatuen Kongresua 13 / 350 Espainiako Senatua 11 / 262 Europako Parlamentua 2 / 720
Agintea
Lehendakaria	Oriol Junqueras
Idazkari orokorra	Marta Rovira
Egoitza nagusi	Bartzelona 41°22′58″N 2°09′05″E / 41.38264°N 2.15131°E / 41.38264; 2.15131
Gazteria	Ezker Errepublikarraren Gaztediak
Ekonomia
Aurrekontua	10.124.095,96 € (2020)
Diru-sarrerak	14.290.258,6 € (2019)
Historia
Sorrera	1931ko martxoaren 19a
Ordezkatzen du	Acció Catalana (en) , Catalan Republican Party (en) eta Estat Català
Koloreak
webgune ofiziala

Kataluniako Ezker Errepublikanoa (ERC) (katalanez, izen ofiziala, Esquerra Republicana de Catalunya) Katalunia eta Katalan Herrietako alderdi politiko ezkertiar, errepublikar eta independentista da.

2011tik alderdiko presidentea Oriol Junqueras da eta idazkari nagusia, Marta Rovira. Egoitza nagusia Bartzelonan dute.

Ezker Errepublikanoko Gaztediak (Joventuts d'Esquerra Republicana) gazte erakunde autonomoa alderdi honi lotua dago.

Alderdia 1931ko martxoan sortu zuten Sants auzoan (Bartzelona), Francesc Macia lehen presidentea zela. Urte hartako hauteskundeak irabazita, Macià Generalitateko presidente izatera iritsi zen. Maciá bi urte geroago hil zen, eta Lluis Companys alderdikideak karguan ordezkatu zuen 1938 arte, Francisco Francok errepublikaren erakundeak bertan behera utzi zituenean.

Francoren diktadura bukatu ondoren, 2000. urtean "Esquerra Republicana del País Valencià" (ERPV) alderdia sortu zuten ERCko federazio valentziarra eta "Front pel País Valencià" taldeek bat eginda. Ordutik hona 3.000-15.000 boto bildu izan dituzte hauteskundeetan, emaitzarik hoberenak 2004ko Europako Legebiltzarrerako lehian lortuta.

Bestela, 2003an ERCk Kataluniako gobernuan zortzi sailburu izan zituen lehen aldiz, PSC lehendakaritzan zela. 2006ko gobernuan berriro sartu ziren, bost ordezkarirekin.

2011ko Kataluniako Parlamentuko hauteskundeetan 219.173 boto eta hamar eserleku lortu zituen. Aldiz, 2012ko Kataluniako Parlamentuko hauteskundeetan 496.292 boto eta 21 eserleku lortu zituen.

1. Joan Lluís Pujol (1931-1931)
2. Josep Tarradellas (1931-1932)
3. Joan Tauler (1932-1938)
4. Josep Tarradellas (1938-1957)
5. Joan Sauret (1957-1976)
6. Heribert Barrera (1976-1987)
7. Joan Hortalà (1987-1989)
8. Àngel Colom (1989-1996)
9. Josep Lluís Carod-Rovira (1996-2004)
10. Joan Puigcercós (2004-2008)
11. Joan Ridao (2008-2011)
12. Marta Rovira (2011-gaur egun arte)

Joventuts d'Esquerra Republicana de Catalunya (JERC) alderdiaren adar gaztea da, gaur egun 14 eskualdetako federaziotan banatuta dagoena: Alt Pirineu, Baix Llobregat, Barcelona, Camp, Catalunya Central, Catalunya Nord, Comarques Gironines, Illes Balears i Pitiüsses, Maresme-Barcelonès Nord, País Valencià, Penedès-Anoia, Ponent, Terres de l'Ebre eta Vallès.

• Kataluniar nazionalismoa

• (Katalanez) ERC-ren webgunea
• (Katalanez) JERC gazte adarraren webgunea
• (Katalanez)ERPV-ren webgunea