Marka erregistratu

Marka erregistratua (ingelesez: trademark; ™, MR edo ® ikurrak dituena) erregistro publikoan inskribatutako marka da. Horrela bermatzen da inskripzioa egin duenak (hau da, jabeak) bakarrik erabili ahal izango duela marka hori.^[1] Marka erregistratu baten zeinua hitz bat edo hitzen konbinazio bat izan daiteke, irudi edo diseinu bat, hiru dimentsioko formak, soinuak eta herrialde batzuetan usainak, testurak eta bereizgarritasunaren baldintzak betetzen dituen eta idatziz edo grafikoki irudikatzeko aukera duen beste edozein.