Brontze Aroko urrezko kapeluen urregintza estiloa

Brontze Aroko urrezko kapeluen urregintza estiloa
	Irudi gehiago
Jatorria
Ezaugarriak
Deskribapena
Oinarritua	Brontze Aroko urrezko kapeluak
Honen parte da	Brontze Aroa

Brontze Aroko urrezko kapeluen urregintza estiloak definitzen du Europako Mendebaldeko Brontze Aroko urrezko objektu zenbaiten estilo berezia. Urrezko kapeluen forma berezia dute objektu hauetan ikusgarrienek, zeinetarik lau ale ezagutzen diren, baina apainketan, lanketan eta beste ezaugarrietan beste era bateko kasko, ontzi eta objektutan ere aurkitu da estilo berezi hau. Horien artean, Gipuzkoan topatutako Axtrokiko ontziak daude^[1].

Ezaugarriak

Objektuak urrezko xafla mehez eginda daude, eta apaingarriz estalita egon ohi dira, askotan banda edo lerro horizontaletan, non batez ere disko eta zirkulu zentrokideak ikusten diren. Gurpiltxo, zigilu, biribilki edo orraziekin markatu zirela dirudi.

Barnealdetik mailukatutako bozeldura faltsu bidezko dekorazioa dira forma horiek. Objektuek grabatuta dituzten dekorazio geometriko hauek ikur gisa hartu izan dira, eguzkiaren, ilargiaren, izarren edota hegaztien irudikapenekin alderatuz. Dekorazioen kalitatea eta zehaztasuna ikusita, urregintza lantegi espezializatuetan egin zirela uste da, eliteen esku bakarrik egon zitezkeen enkarguak izango ziren^[2].

Objektu hauek aurkitu izan diren moduangatik, kasu askotan apropos lurpean ezkutaturiko sortak zirela uste da. Funtzioan ere bateratasun erritual bat adierazten dute hortaz^[1].

Iruditegia

Forman desberdintasunak daude kasu batzuetan, baina antzekotasunak ere bai:

Boeslundeko altxorreko pieza bat (Danimarka).
Berlingo kapelua (Alemania).
Villeneuve-Saint-Vistreko ontziak (Frantzia).
Axtrokiko ontzia (Euskal Herria)

Teknikan eta apainduretan bateratasun argia ikusten da:

Leiroko kaskoa, Galizia.
Avantongo konoaren detailea (Frantzia).
Axtrokiko ontzi baten detailea.
Terheideko ontzia (Frisia).

Erreferentziak

↑ ^a ^b Eogan, George. (1981). «The Gold Vessels of the Bronze Age in Ireland and Beyond» Proceedings of the Royal Irish Academy. Section C: Archaeology, Celtic Studies, History, Linguistics, Literature 81C: 345–382. ISSN 0035-8991. (Noiz kontsultatua: 2022-11-21).
↑ Aranzadi. «Axtrokiko Ontzien errepliken erakusketa bere 50. urteurrenean» Aranzadi (Noiz kontsultatua: 2022-11-21).

Ikus, gainera

Kanpo estekak

Datuak: Q115249475
Multimedia: Objects made in the style of Bronze Age golden hats / Q115249475

[:0-1] Eogan, George. (1981). «The Gold Vessels of the Bronze Age in Ireland and Beyond» Proceedings of the Royal Irish Academy. Section C: Archaeology, Celtic Studies, History, Linguistics, Literature 81C: 345–382. ISSN 0035-8991. (Noiz kontsultatua: 2022-11-21).

[2] Aranzadi. «Axtrokiko Ontzien errepliken erakusketa bere 50. urteurrenean» Aranzadi (Noiz kontsultatua: 2022-11-21).

[1]