Thomson Reuters Aranzadi (argitaletxea)
| Thomson Reuters Aranzadi (argitaletxea) | |
|---|---|
 | |
| Datuak | |
| Izen ofiziala | Aranzadi, Thomson Aranzadi eta Thomson Reuters Aranzadi |
| Mota | argitaletxea, book publisher (en)  eta imprint (en) |
| Herrialdea | Espainia |
| Jarduera | |
| Honen parte | Thomson Reuters |
| Eskumendekoak | |
| Agintea | |
| Kudeatzailea | Thomson Reuters |
| Egoitza nagusi | |
| Legezko forma | sozietate anonimoa |
| Jabea | Thomson Reuters |
| Historia | |
| Sorrera | 1929 |
| Sortzailea | |
webgune ofiziala  | |
Thomson Reuters Aranzadi (Aranzadi-Thomson Reuters edo Aranzadi ere deitua) argitaletxe bat da.
Espainia osoan Zuzenbide eta Zientzia sozial eta juridiko alorrean argitaletxe liderra da.[1]
Argitaletxearen izen ofizialak izan dira Editorial Aranzadi (1929-1999), Editorial Thomson Aranzadi (1999-2008) eta Thomson Reuters Aranzadi (2008-gaur egun).
Historia
[aldatu | aldatu iturburu kodea]Argitaletxearen sortzailea Manuel de Aranzadi izan zen, eta bere xedea zen gai honi buruzko informazio ordenatua eta eguneratua eskaintzea.
1930. urtean Repertorio Cronológico de Legislación y Jurisprudencia (Legegintza eta Jurisprudentziako Bilduma Kronologikoa) sortu zen horrela, Estatuko Aldizkari Ofizialeko lege orokor guztiak bildu eta eguneratzeko, aldian-aldian argitaratzen diren buletinen bidez. 1951. urtean Diccionario de Legislación (Legegintzako Hiztegia) argitaratu zen, 16 liburukitan; lan hartan jaso zen lehen aldiz Espainian indarrean ziren lege guztien bilduma. Aurrerago osatu zen 1975. urtea bitarteko legegintza-bilduma, Nuevo Diccionario de Legislación (Legegintzako Hiztegi Berria) izenburupean, aldaketak eta oharrak barne zituela, eta handik hamar urtera eguneratu zen berriro, kontzeptu eta ordenaziorako irizpide berriak aintzat harturik. Urtean buletin gehigarri bat ere ematen du argitara, indarrean dauden xedapen berriekin.
Bestalde, Espainiako Konstituzioa onartzearekin batera Epaitegi Konstituzionala sortu zelarik, Repertorio Aranzadi del Tribunal Constitucional (Epaitegi Konstituzionalaren Aranzadi Bilduma) hasi ziren kaleratzen, epaitegi horrek emandako epaiak eta zenbait erabaki bildurik. Autonomiak sortu ondoren, eta lurralde-antolaketa berriaren eraginez sorturiko aniztasunaren aurrean nolabaiteko sistematizazioa lortzearren, erkidego bakoitzeko lege nagusiak bildu ziren erkidegoen errepertorioan, eta orobat egin zen 1986an Espainia Europako Erkidegoan sartu zenean Europako legediarekin; Repertorio de Legislación de las Comunidades Europeas (Europako Erkidegoen Legedia) argitaratu zen 1986an, eta 1994an Europar Batasuneko Legedia obrak hartu zuen haren lekua.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
[aldatu | aldatu iturburu kodea]- Webgune ofiziala (Gaztelaniaz)
Datuak: Q12253856
- ↑ «SPI. Scholarly Publishers Indicators in Humanities and Social Sciences» ilia.cchs.csic.es (Noiz kontsultatua: 2022-06-25).