Stxa

Stxa (Щ щ; kurtsiba: Щ щ) alfabeto zirilikoko letra bat da. Errusieraz kontsonante ahoskabe sabaikari igurzkaria da, /ɕː/, euskaraz bi ⟨x⟩ jarraian egitea bezala. Ukraineraz eta rusinieraz /ʃt͡ʃ/ kontsonante multzoa adierazten du, euskaraz ⟨stx⟩ esatea bezala. Bulgarieraz /ʃt/ kontsonante multzoa adierazten du. Alfabeto zirilikoa erabiltzen duen gainontzeko eslaviar hizkuntzatan atzerriko hitzak adierazteko baino ez dira erabiltzen. Maiz /ʃ/ ahoskatzen da, eta atzerritarrentzako ikastaroetan ez da aipatzen.

Alfabeto latinoan ematen denean, ⟨shch⟩ edo ⟨šč⟩ gisa adierazi ohi da, batzuetan ⟨sch⟩, jatorriz errusieraz duen konbinazioa adieraziz: Ш eta Ч letren batura^[1]. Bielorrusieraz ШЧ gisa adierazi ohi da. Euskaraz erabiltzen denean, stx konbinazioa hobesten da.