Amagandiko edoskitzeak erreakzio negatiboak eragiten ditu gonadotropinak askatzeko hormonaren (GnRH) eta hormona luteinizatzailearen (LH) jariaketan. Feedback negatiboaren indarraren arabera, bularra ematen duten emakumeek garapen folikularraren errepresioa pairatu dezakete, garapen folikularra baina obulaziorik gabea, edota hileko-ziklo normala berrabiarazi daiteke. Obulazioaren errepresioa errazago gertatzen  da bularra maizago ematen denean. Prolaktina-ekoizpena garrantzitsua da amenorrea edoskitzaroan mantentzeko. Batez beste erditu eta hamalau hilabete eta erdira itzultzen zaie bularra ematen duten emakumeei hilekoa. Bularra ematen duten emakumeen artean erantzun ugari daude. Hala ere, batzuei hilekoa bi hilabetera itzultzen zaie, eta beste batzuek amenorreak izaten dituzte erditu eta 42 hilabetera arte.