Kukullaga-Etxebarri geltokia

Kukullaga-Etxebarri
	Geltoki barruko ikuspegia.
	Kokapen mapa
Lineak
Kokapena
Helbidea	Bernar Etxepare kalea, 33; 48450
Udalerria	Etxebarri, Bizkaia
Geltokiaren datuak
Kodea	SAA
Gunea	2. gunea
Irekiera	2017ko apirilaren 8a
Irisgarria
Zerbitzuak
Aldageltokia
Nasak	2
Trenbideak	4
Jabea	Euskal Trenbide Sarea
Eragilea	Eusko Trenbideak
Garraio zerbitzuak
EuskoTren	Bilbo ↔ Donostia ; Bilbo ↔ Elgoibar ; Kukullaga ↔ Lezama ; Bilbo �� Bermeo
Metroa	Matiko ↔ Kukullaga
Bestelakoak	Kukullagako igogailua

Inprimatzeko bertsioa dagoeneko ez dago onartuta, eta baliteke errepresentazio erroreak izatea. Egunera itzazu zure nabigatzaileko laster-markak, eta horren ordez erabil ezazu nabigatzaileko inprimatze funtzio lehenetsia.

43°15′06″N 2°53′23″W / 43.251689°N 2.889604°W

Kukullaga-Etxebarri edo Kukullaga, geltokia martxan jarri aurretik Etxebarri-Norte eta San Antonio-Etxebarri izenez ezaguna, Bilboko metroaren 3. lineari eta Euskotrenen E1, 1D, E3 eta E4 lineei dagokion lurgaineko geltokia da, Etxebarri udalerriko Ametzola auzoan kokatuta dagoena. Metroaren 3. linea irekitzearekin batera, 2017ko apirilaren 8an, martxan jarri zen, eta Bizkaiko Garraio Partzuergoaren 2. tarifa-gunearen barruan dago.^[1]

Geltokiak 5 minutura 1.523 biztanleri, eta 10 minutura 4.869 bizilagunei ematen die zerbitzu.^[2]

Sarbideak

Geltokirako sarbideen artean bi geldiune dituen Kukullagako igogailua dago, San Antonio eta Kukullaga auzoak eta Metro geltokia elkarlotzeko.

Ametzola parkea (Iberbengoa irteera)
Euskal Herria kalea, 29 (Kukullaga irteera)
Elizara sarbidea, 4 (San Antonio irteera)

Izena

Geltokiaren izen ofiziala Kukullaga-Etxebarri da, hasiera batean San Antonio-Etxebarri eta Etxebarri-Norte izenak erabili, eta geroago Kukullaga izena ere erabili zen arren. Metro Bilbaok, hala ere, Kukullaga izena erabiltzen du gaur egun ere.^[3] Igogailu makurrari dagokionez, Bizkaiko Garraio Partzuergoak Kukullagako igogailua izendatzen du.

Historia

2017ko apirilaren 8an geltokia martxan jarri zen, Metroaren 3. linea irekitzearekin batera, eta Euskotrenen E3 linea ere geltokitik pasaraziz.

2017ko abenduaren 4an txartel-salmenta makina automatiko berriak ezarri ziren geltokian, mugikortasun urriko pertsonentzako irisgarritasun materian estandarrak bete, entzuteko desgaitasuna duten pertsonentzako T moduko bukle magnetikoa, Braille serigrafiak interakzio elementu guztietan (botoiak, txarteldegiak, eta abar), eta itsumen eta ikusteko desgaitasun handia duten pertsonei egokitutako salmenta softwarea dutenak.^[4]

2019ko urtarrilean bestibuluaren beirateak estaliko zirela azaldu zen, bero egunetan tenperatura oso handiak hartzen baititu geltokiak. Hala, estalkia panel fotovoltaikoz estaliko da, eguzki izpiak bestibulu barrura ez sartzeko eta era berean geltokiko autokontsumorako. Aurreko urtean aireztatze- eta ureztatze-sistemak instalatu behar izan ziren bestibuluan eta estalkian, tenperatura altuak ekiditeko. Instalazio berriak, gutxienez, 132 modulu fotovoltaiko izango ditu.^[5]

2019ko otsailean Euskal Trenbide Sareak Kukullagako igogailuen barruko eskudelak aldatu behar izan zituen, mugikortasun urriko pertsonek egin beharreko maniobrak egin ahal izateko.^[6]