Santiago (Kaboverdo)
|
Pri artikoloj samtemaj vidu la apartigan paĝon Santiago. |
| Santiago | ||
|---|---|---|
 Mapo de Santiago | ||
| insulo | ||
| Akvejo | Atlantika oceano | |
| Insularo | Kabo-Verdo | |
| Geografia situo | 15° 5′ N, 23° 37′ U (mapo)15.077777777778-23.6247222222221394Koordinatoj: 15° 5′ N, 23° 37′ U (mapo) | |
| ||
|
| ||
| Longo | 55,6 km | |
| Larĝo | 27,2 km | |
| Areo | 991 km² | |
| Plej alta loko | Pico da Antónia 1 394 m | |
| Loĝantaro | 294 135 297 loĝ./km² | |
| Ĉefa loko | Praia | |
Santiago (portugale São Tiago, kreole Santiagu) estas la plej granda kaboverda insulo en la Atlantiko. La loĝantoj nomatas badjuoj.
Komerco kaj turismo
[redakti | redakti fonton]Ĉefaj ekonomiaj branĉoj estas la agrokulturo (maizo, sukerkano, banano, manioko kaj mango) kaj la fiŝkaptado. La insulo oferas bonegajn eblecojn promeni (naturaj rezervejoj Pico da Antónia kaj Serra Malagueta), bani (Tarrafel, Praia Baixo kaj la golfeto kaj plaĝo São Francisco en Praia) kaj viziti kultur-historiajn vidindaĵojn (Cidade Velha, Praia).
Geografio
[redakti | redakti fonton]Santiago apartenas al la suda insulgrupo Ilhas de Sotavento (portugale: "Insuloj sub la vento"). Sur la plej grand-area (991 km²) kaj loĝantara (230.000 loĝ.) de kaboverda insulo situas la ĉefurbo Praia (159 000 loĝ.).
La insulo estas vulkandevena kun altmontaraj reliefoj, larĝaj U-valoj, altaĵoj kaj restmontoj. La plej alta pinto estas Pico da Antónia (1394 m), kaj en la norda parto gravas montaro Serra Malagueta. La montara centro de la insulo estas relative pluvoriĉa kaj igas Santiagon ekonomie plej kultivebla insulo de Kabo-Verdo, dum la pli malaltaj marbordaj regionoj estas sekaj kiel dezertoj.
Administre, la insulo estas dividita je ses distriktoj: Praia, São Domingos, Santa Cruz, Santa Catarina, Calheta de São Miguel kaj Tarrafal.
La insulo estas loĝata ekde 1460.