Ĝermolisto de Esperanto-asocioj

La Alianco Universala estis Esperanto-unuiĝo pri tutmondiĝo (universalismo). Ĝi tradicie aparte proksimas al la esperantlingva naturamika movado. Ne plu ekzistas depost 2012. Jen artikolo el 2011 pri la unuiĝo kaj ties tiutempa kunlaboro kun ekologia centro en Grekio.

Esperanta Naturamikaro estas la daŭrigo de la ne plu ekzistanta asocio TANEF. Esperanta Naturamikaro estas la Esperanta sekcio de Naturfreunde International (Naturamikara Internacio)^[1].

La Amikaro de Esperanto en Radio (AERA) estas historia faka grupiĝo pri subteno de esperantlingvaj radio-programoj.

La Asocio de Sociallaboristoj Esperantistaj (ASLE) estas historia faka grupiĝo de profesiuloj de sociala laboro parolantaj Esperanton.

La Asocio por Eŭropa Konscio (AEK) estas historia faka Esperanto-asocio pri subteno de pli forta integriĝo kaj unuiĝo de la landoj kaj regionoj en Eŭropo. Ĝi kunlaboras respektive kunlaboris kun la similcelaj asocioj Eŭropa Esperanto-Unio (EEU) kaj Eŭropa Klubo.

La Astronomia Esperanto-Klubo (AEK) estas Esperanto-asocio pri astronomio por doktoroj de sciencoj, studentoj, kaj interesiĝantoj. Ĝi agadas plejparte rete per kolektado de profesiaj kaj amatoraj artikoloj en sia retpaĝo, kaj per dissendo-listo.

• Retejo^{[rompita ligilo]}

La Centro Esperantista de Parana estis societo kiu funkciis ekde 1931 en Curitiba.

Esperanta rondeto Verda Stelo estis esperanto asocio en São Bonifácio, Brazilo, en la unua duono de 20-a jarcento.

La Esperanta Ŝak-Ligo Internacia (EŜLI) estas historia faka Esperanto-asocio pri ŝako.

La Esperantista Internacia Centro de la Civitanoj de la Mondo estas historia faka Esperanto-asocio pri mondcivitanismo.

La Esperantista Asocio de Ŭonbulismo (EAŬ) estas faka Esperanto-asocio pri la filozofia kaj religia konceptaro de Ŭonbulismo, devenanta el Koreio. Aktiva en ĝi interalie estas la korea esperantisto kaj ĵurnalisto Choe Taesok laboranta kaj vivanta en Litovio.

La Esperanto-Ligo Filatelista – Amika Rondo de Esperantaĵ-Kolektantoj (ELF-AREK) estas historia faka Esperanto-asocio pri filatelio.

Esperantista Motorciklanta Ĉeno (EMĈ) estas faka Esperanto-asocio pri motorciklado, iniciatita fare de la franca esperantisto André Rambeaux. La grupiĝo celas arigi la esperantistajn motorciklantojn en la mondo. Ĝi estas aliĝinta al FEMA (Federacio de Eŭropaj Motorciklaj Asocioj) kaj ekde 1998 al UEA. EMĈ tradukas en Esperanton kaj disvastigas la raportojn de FEMA pri la Eŭropaj leĝoj koncerne la motorciklantojn. Ĉiujare pluraj grupanoj partoprenas, montrante la flagon de Esperanto, en pluraj motorciklaj manifestacioj, interalie en la tradicia promenado kun la eŭrodeputitoj en Strasburgo.

Eksteraj ligiloj:

• artikolo de 2001 pri la Esperantista Motorciklanta Ĉeno en La Ondo de Esperanto

Espermenso estas grupo de esperantistoj, kiuj membras en la internacia asocio Mensa, kiu grupigas homojn de aparte alta intelekta kvociento. En 2020 Espermenso renaskiĝis kun la privata grupo en Fejsbuko kaj nun kun franca GIS ene de Mensa France. Venos la aliĝo al UEA kiel asocio kaj la internacia SIG en Mensa International.

La Eŭropa Klubo estas historia faka Esperanto-asocio pri subteno de pli forta integriĝo kaj unuiĝo de la landoj kaj regionoj en Eŭropo. Ĝi kunlaboras respektive kunlaboris kun la similcelaj asocioj Eŭropa Esperanto-Unio (EEU) kaj Asocio por Eŭropa Konscio (AEK). Ne plu ekzistas.

Gimnazia esperantista rondeto estis lerneja klubo ĉe Ginásio Catarinense en Florianópolis dum la unua duono de 20-a jarcento ekde 1929.

Hejmoj de Internacia Kulturo estas faka Esperanto-asocio pri subtenado al esperantistaj vivkomunumoj kaj (ĉefe peresperanta) internacia kulturo. Ĝi fondiĝis en 1993 en suda Francio (kie loĝas ĝia nuna sekretario Georges Comte, alinome Jorgos) ; kaj, laŭleĝe registrita kiel neprofitcela asocio, ĝi nun havas sian oficialan sidejon en la hejmo de la esperantisto Christian Lavarenne.

Eksteraj ligiloj:

• informoj pri la grupiĝo en retejo de la itala radikala partio Arkivigite je 2016-03-26 per la retarkivo Wayback Machine

La Hilelista Esperanto-Rondo estas historia faka Esperanto-asocio pri Hilelismo, doktrino evoluigita fare de Lazaro Ludoviko Zamenhof kadre de la publikigo de sia libro Hilelismo - propono pri solvo de la hebrea demando en 1901.

Internacia Agrikultura Esperanto-Asocio estas faka asocio de esperantistoj, kiuj aktivas en la kampo de agrikulturo. Ĝi estis fondita en 1996. La celo de la asocio estas disvastigi kaj praktiki Esperanton en agrikulturo kaj rilataj sciencoj. Ĝia oficiala organo estis la revuo Internacia Agrikulturo, kiu aperis ^{[ĝis kiam??]} kvarfoje jare.

Ĝeneralaj informoj:

• Prezidanto Bruno Najbaro (Keighley, Britio)
• ĝenerala sekretario Trezoro Huang Yinbao, Esperanto-Centro Ora Ponto

Aliaj retejoj rilate al esperantistoj-agrikulturistoj:

ATE Asocio de Terkulturis­toj Esperantistaj (Benino) + sama ATE ĉe Facebook.

La Internacia Asocio de Instruistoj (mallongigite IAI) estis historia organo fondita de Esperanto-instruistoj en 1910.

La Internacia Celado por Edukado Moderna per Esperanto (ICEM Esperanto) estas historia faka Esperanto-asocio pri pedagogio laŭ la konceptoj de Célestin Freinet.

La Internacia Esperanto-Klubo Aŭtomobilista (IEKA) estas historia faka Esperanto-asocio pri aŭtomobilismo, do libertempa aŭ profesia engaĝiĝo favore al uzado de aŭtmobiloj, kaj subteno de aŭtomobila turismo. Kontraste al naciaj aŭtomobilistaj asocioj, kiuj engaĝiĝas por bonaj kaj sekuraj aŭte uzeblaj vojoj kaj stratoj, internacia helpo en kazo de aŭtomobilaj paneoj, eldonado de vojaj mapoj kaj vojaĝogvidiloj, sendependa testado de aŭtomobiloj kaj aŭtomobiletoj, la Esperanto-Klubo limiĝis al internacia kunordigo de esperantistoj aktivaj en tiaj naciaj asocioj aŭ interesitaj pri la temo, kaj aldonis malmultajn servojn, kiel produktado de varbaj Esperanto-glumarkoj por la malantaŭa vitro aŭ karoserioparto de aŭtomobilo. Probable la klubo ne plu funkcias ekde 1995, eble jam iom pli frue.

La Internacia Forstista Rondo Esperantlingva (IFRE) estas historia faka Esperanto-asocio pri forstado aŭ arbara mastrumado.

Internacia Jurista Esperanto-Asocio (IJEA). Retejo: www.esperantojuro.org

Internacia Kooperativa Esperanto-Organizo (IKEO) estas historia faka Esperanto-asocio subtene al la movado de kooperativismo.

Internacia Poŝtista kaj Telekomunikista Esperanto-Asocio (IPTEA) estas historia faka grupiĝo pri internacia apliko de Esperanto en poŝto kaj telekomunikado. Ĝis la Dua Mondmilito estis multfacetaj iniciatoj oficialigi la uzon de Esperanto en internacia komunikado de tiuj fakoj - pri tio donas resuman superrigardon la artikolo Esperanto en poŝta, telegrafa kaj telefona servo. La grupiĝo de samprofesiaj esperantistoj tamen pluvivis ankaŭ post 1945 - ekzemple en 1966 okazis provo revivigi la agadon kadre de la tiujara Universala Kongreso de Esperanto en Budapeŝto^[2] Aparte en 1987, la jaro de la centjariĝo de Esperanto, en pluraj landoj aperis poŝtmarkoj pri Esperanto, kiuj honorigis la movadon de internacia lingvo.

Junulara Esperantista Societo estis societo en Belo Horizonte dum la unua duono de 20-a jarcento ekde 1930.

Klavar-unuiĝo Nederlanda (KuN) estas organizaĵo kiu listiĝas kiel faka Esperanto-asocio pri muziko. La unuiĝo havas nederlandlingvan retejon, kaj diskonatigas alternativan muzikan notacion, kiu nomatas klavarskribo, sed laŭ la stato de 2016 krom la nomo de la notacio ne plu rilatas al Esperanto.

Eksteraj ligiloj:

• artikolo pri la unuiĝo kaj la sistemo klavarskribo de majo 2005 en la magazino Monato (esperante)
• oficiala retejo de la unuiĝo (nederlande)
• oficiala retejo pri la sistemo klavarskribo (nederlande)

Martinus-Instituto estas internacia instituto baziĝanta en Danlando, kiu havas fortan esperantlingvan sekcion subtene al la kosmologio de Martinus.

• retejo de la instituto (jen en Esperanto)

Informilo pri la spirita scienco de Martinus. Eld. Spirit-Scienca Instituto de Martinus, Kopenhago, 1954?

„ Per ĉi tiu kajero la Esperanto-Sekcio suprecitata komencas esperantlingvan publikigon de kosmaj analizoj de la mondbildo. Ĝi enhavas kelkajn specialajn fragmentojn, simbolojn kaj bildojn. Ĝuste bildo titolitan « Civilizacio » , pro ĝia profunda filozofia senco, mi ne povas flanken lasi: Sur la supra parto aperas belegan supersona aviadilo representanta la Teknikon, kontraste kun tera multpeza testudo kies rolo estas la Moralo. La klara ironio de tia frapega alegorio bezonas nian komentarion. Ĝi per si mem, plene evidentigas sia reala dualismon en kiu, kiel terura kontraŭdiro, ĉiam baraktas la tutan homanro. Vere estas tiel malfacile kupli [tiel] tiujn du partojn de la homa progresemaŝino! Ĉar tio estas precize la delikata kerno de la socia afero. ” — Jaime Aragay. Boletín n063 (mar 1954)

Monda Fonduso de Solidareco Kontraŭ la Malsato estas faka Esperanto-asocio pri internacia luktado kontraŭ malsato, do kontraŭ tro malegala divido de la haveblaj nutraĵoj inter la homaj loĝantoj de la Tero.

Eksteraj ligiloj:

• oficiala retejo (esperante)
• ekzempla reta eldono de la Informilo "Monda Solidareco" n-ro 110 de junio 2014 - en la retejo haveblas ankaŭ la pli fruaj eldonoj

Monda Kunagado estis internacia esperantista asocio por esperantlingva informado pri UNESKO kaj por subteno de pli intensa kunlaboro de esperantistoj en UNESKO-projektoj aktiva en la 1990-aj jaroj. Ĝi ĝis 1992 fariĝis faka asocio de Universala Esperanto-Asocio. Fondaj "motoroj" estis interalie Ulrich Becker (eldonisto, ĝis 1999 en Berlino, ekde tiam en Novjorko), Mark Fettes kaj Märtha Andreasson.

Esperanta PEN-Centro

Por-Esperanta Mormonaro (PEM) estas faka Esperanto-asocio pri mormonismo, la kredaro de la Movado de la Sanktuloj de la Lastaj Tagoj respektive pri grupiĝo de mormonoj kiuj kune subtenas informadon pri Esperanto.

Vidu ankaŭ:

• Mormonaro por Paco kaj Egaleco

Eksteraj ligiloj:

• oficiala retejo Arkivigite je 2018-09-21 per la retarkivo Wayback Machine (esperante)
• fermita grupo de la asocio en la retejo facebook

Rondo Familia estas esperantista laborgrupo pri informinterŝanĝo kaj subteno de denaske esperantlingva edukado de infanoj en familioj, kaj ĝenerale pri subteno de praktika apliko de Esperanto en ĉiutaga familia vivo. Unu el la aktivuloj de la laborgrupo estas Renato Corsetti, kaj subteniĝas pluraj familiaj Esperanto-renkontiĝoj, interalie Renkontiĝo de Esperantistaj Familioj.

Eksteraj ligiloj:

• vikio de Rondo Familia por subteno de praktika apliko de Esperanto en ĉiutaga familia vivo Arkivigite je 2020-05-19 per la retarkivo Wayback Machine

Rondo Kato – Esperantista Kat-amikaro estas neformala faka Esperanto-asocio pri homaj ŝatantoj de hejmaj katoj. Prezidantino estas Marjorie Boulton.

• paĝo de Ronto Kato en la retejo facebook
• triminuta filmeto pri kunsido de Rondo Kato en la Universala Kongreso de 1995 en Tampereo, moderigata per Ingrid Näsholm, kun saluto de Marjorie Boulton

SIKA-Esperanto estas faka Esperanto-grupiĝo pri alternativa ekonomio aŭ pli konkrete pri ekonomio sen mono, bazigita nur je interŝanĝo de servoj, kiu en la 1990-aj jaroj estis, kaj eventuale daŭre estas, aparte forta en suda Francio.

Eksteraj ligiloj:

• germanlingva raporto de neesperantistina aktivulino pri senmona ekonomio pri internacia kunveno de SIKA-Esperanto en suda Francio en julio 1998

Sindikata Agado estas historia faka Esperanto-asocio pri aktivado en sindikatoj. Tradicie ĝi aparte proksime kunlaboras kun Sennacieca Asocio Tutmonda.

Tutmonda Agado – Asocio de Esperantistaj Nefumantoj (TAdEN) estas historia faka Esperanto-asocio pri kontraŭado de fumado aktiva kaj pasiva.

Tutmonda Ekumena Ligo (TEL) estas historia faka Esperanto-asocio pri ekumenismo.

Tutmonda Ortodoksa Ligo Esperantista (TOLE) estas historia faka Esperanto-asocio pri ortodoksa kristanismo.

La Universala Artista Ligo de Esperantistoj (UALE) estas historia faka Esperanto-asocio pri arto. Ĝin fondis en 1978 la brazila pentristino Marija Pozder Almada, kiu en la periodoj 1989-1992 kaj 1992-1995 oficiale reprezentis ĝin en la komitato de UEA. Poste ne plu notiĝis UEA-komitatano de la artista ligo.

La Universala Islama Esperanto-Asocio (UIEA) estas historia faka Esperanto-asocio pri islamo.

Virina Esperanto-Klubo estis fondita de Julia Fernandes en Rio de Janeiro, Brazilo 1912.

• Tutmonda Asocio de Esperantistaj Nefumantoj

• Noto: historia listigo de fakaj Esperanto-asocioj laŭ la stato de 2009 en la retejo espero.com.cn