Internacia Pedagogia Revuo
| Internacia Pedagogia Revuo | |
 Internacia Pedagogia Revuo, 2014/1
| |
| revuo | |
|---|---|
| Formato | A5 |
| Periodeco | trimonata |
|
| |
| Posedanto | Internacia Ligo de Esperantistaj Instruistoj |
| Ĉefredaktisto | Jozefo Németh |
| Establodato | 1908 [1] |
| Prezo | 2 ĝis 20 EUR jare laŭlande, 1 ĝis 10 EUR jare (reta versio) |
| ISSN | 1013-2031 |
|
| |
Internacia Pedagogia Revuo (IPR) estas esperanta trimonata revuo por Esperanto-instruistoj, eldonata de Internacia Ligo de Esperantistaj Instruistoj (ILEI). Ĝia nuna ĉefredaktoro estas Jozefo Nemeth el Hungarujo.
Enhavo
[redakti | redakti fonton]En la revuo troviĝas ekzemple artikoloj pri lingvoinstruado, ideoj por helpi al instruistoj de Esperanto plibonigi siajn spertojn, informoj pri agadoj tiucele, raportoj pri elstaraj agadoj en landoj kaj sekcioj de ILEI, kaj de la kontaktoj kun ekstermovadaj partneroj, anoncoj pri ILEI-Kongresoj, alvokoj al simpozioj.
IPR aperas kvarfoje jare kaj entenas kutime 40 paĝojn tutkolorajn A5-formatajn. La lasta numero de la jaro estas pli dika. La presado okazas en Martin, Slovakio.
Historio
[redakti | redakti fonton]En 1907 la franca lerneja direktoro Firmin Durieux fondis kun kolegoj la Internacian Asocion de Instruistoj kaj la revuon Internacia Pedagogia Revuo[2].
La revuo aperis inter 1908 kaj 1914. Poste estis paŭzo dum la unua mondmilito. De 1922 [3] ĝis 1933 ĝi aperis en Germanujo. De 1933 ĝis 1939 ĝi aperis en Nederlando. La revuo aperis de 1956 ĝis 1959. En 1949 estis fondita la Internacia Ligo de Esperantistaj Instruistoj. En 1958 IPR fariĝis oficiala organo de ILEI.
La unua numero de la nuna IPR havas la daton novembro 1970. En 1973 ekredaktoris Reinhard Haupenthal. De 1974 ĝis 1975 redaktis IPR-n Helmut Sonnabend, prezidanto de ILEI. Ekde 1975: Gaston Turin. Ekde 1978 eklaboras teamo el du personoj: Helmut Sonnabend kaj Brunetto Casini. En 1986 la estraro de ILEI decidis, ke grupo devas zorgi pri la revuo; tio okazis sub la gvido de István Szerdahelyi. Tamen ne por longa tempo. 1987 estis la unua jaro de redaktado de Istvan Ertl. En 1990 eklaboris Stefan MacGill. En 1992 transprenis la taskon Márta Kovács. En 1995 komencis sian redaktan taskon Jozefo Németh, kiu en 2024 festas 30 jarojn da redaktado.
Referencoj
[redakti | redakti fonton]- ↑ Stojan, Petro 1929 : Bibliografio de Internacia Lingvo, numero 3265, paĝo 317
- ↑ Franca Esperantisto n-ro 498
- ↑ Stojan, Petro 1929 : Bibliografio de Internacia Lingvo, numero 3267, paĝo 317
Vidu ankaŭ
[redakti | redakti fonton]- Juna Amiko, alia revuo eldonata de ILEI, direktata al lernantoj