La via della prostituzione
|
C'l artìcul chè 'l è scrit in
Miranduléś |
 La via della prostituzione
| ||
 La Gemser e l'Ely Galleani i na figùra dal film | ||
| La via dla prustitusiòṅ 1978 | ||
|---|---|---|
| Regìa: Joe D'Amato | ||
| Scritōr: Romano Scandariato • Joe D'Amato | ||
| Atōr: Laura Gemser • Ely Galleani • Gabriele Tinti Venantino Venantini • Pierre Marfurt • Gota Gobert Bryan Rostron • Tom Felleghy • Nicola D'Eramo | ||
| Müsica: Nico Fidenco | ||
| Léngua: Itagliàṅ • Spagnōl • Ingléś | ||
| Dürä dal film: 88 minüt | ||
| Nasiōṅ: Itàglia | ||
La via della prostituzione (La via dla prustitusiòṅ) 'l è 'n film eròtic dal 1978 ad Joe D'Amato ch'al 'l à anc scrit insém a Romano Scandariato.
Sunt
La fotoreporter americàna Emanuelle (Laura Gemser) la vōl far un servìsi su 'l traficànt itagliàṅ Giorgio Rivetti (Venantino Venantini) che, dòp avēr fat bancaróta, 'l è andâ in Kènya parchè là a n gh'è minga l'estradisiòṅ. Insém a la sò amìga hostess Susan Towers (Ely Galleani) la próa a far n'intervìsta a Rivetti ma la vîṅ paràda via da i sò óm.
Dasfrutànd al fat ch'l è drē a rivàr in Àfrica al prìnsip Arauzani (Pierre Marfurt), al dū dóni i s fàn'n amìghi sèg esénd che lò al gh'à d'andàr òspit da Rivetti par di afâr e par tōr part a 'n sàfari. Al prìnsip al decìd ad purtàr-li sèg.
Turnàda in di Stat Unî, l’Emanuelle la dmanda a 'n sò amìg futógrafar, Jim Barnes (Bryan Rostron), s'al sà quèl su 'n americàṅ ch'l'iva vdû a l'aeropòrt ad Nairòbi cuciàr na carusìna cun na négra śōvna insìma. Dòp avēr dâ n'uciàda a dal fóto, Jim al gh diś ch'a s trata 'd Francis Harley (Gabriele Tinti), un delinquènt ch'al s è fat soquànt an in parśòṅ par sfrutamènt dla prustitusiòṅ. 'L óm al cunsìlia a la fotoreporter 'd andàr a sintìr da l’Eva Trett (Manuela Romano), n'èx amànta 'd Francis ch'l è fàcil ch'la sàppia in du 'l stà adès.
L’Emanuelle la decìd 'd andàr-'g in fónd e la vîṅ a savēr che Francis 'l è turnâ in dal gir e ch'al pésca dal śuvnòti da far-ag far al putàni, dal vòlti al li cómpra anc a l'asta. La giurnalìsta, ch'la vōl far luś su cal tràfic lè, la s preśénta sèg faghénd-as pasàr par na dóna ch'la vōl muciàr sù dimóndi bèsi. Francis al la tōś in dal sò gir e al la manda in dal club privé 'd San Diego dla Madame Claude (Gota Gobert).