Roll ar rouaned c'hall

Setu ur pennad diechu hag a denn d'an istor. Gallout a rit reiñ un tamm skoazell, ha kreskiñ ar pennad : krogit e-barzh ! Mar karfec'h reiñ hoc'h ali ha netra ken, grit 'ta e pajenn ar gaozeadenn.

Setu amañ ur roll eus ar rouaned hag impalaerien a renas war zouar ar vro a vez graet Bro-C'hall anezhi e brezhoneg, France e galleg adalek 490 betek 1870, war-bouez daou amzervezh : hini ar Republik kentañ, (22 a viz Gwengolo 1792 – 18 a viz Mae 1804 ha hini an Eil Republik (24 a viz C'hwevrer 1848 – 2 a viz Kerzu 1851).

Merovingidi ne voe ket kalz anezho o ren, nemet en ul lodenn eus rouantelezh ar Franked, ha gant ur roue all alies pe meur a hini.

• Ar re a zeuas a-benn da unvaniñ broioù ar Franked a zo skrivet o anv e lizherennoù tev.

	Anv	Ren	Titloù	Notennoù
	C'hlodwig Iañ (466 – 27 a viz Du 511)	481 – 511	Roue ar Franked	Goude e varv e voe rannet e rouantelezh etre e bevar mab : Klodomir, Thierry, Childebert ha Hlotar Iañ.
	Klodomir Iañ (war-dro 495 – 25 a viz Even 524)	511 – 524	Roue Orleañs	Lazhet en emgann Vézeronce. E vibien Thibault ha Gonthaire a voe lazhet war urzh o eontred Childebert ha Klotar, ha ne chomas nemet Klodoald, anavezet evel sant Cloud.
	Thierry Iañ (war-dro 485/90 – 534)	511 – 534	Roue Reims
	Theodebert Iañ (war-dro 504 - 548)	534 – 548	Roue Reims	Mab Thierry Iañ.
	Theodebald (war-dro 535 – 555)	548 – 555	Roue Reims	Mab Theodebert Iañ. Mervel a reas divugel. Klotar Iañ an hini a renas war e lerc'h.
	Childebert Iañ (war-dro 497 – 23 a viz Kerzu 558)	511 – 558	Roue Pariz
	Klotar Iañ (war-dro 497 – 29 a viz Du 561)	511 – 561 555 – 561 558 – 561	Roue Soissons Roue Reims Roue ar Franked	Mab Klovis, an hini diwezhañ chomet bev. Unaniñ a reas ar rouantelezh hag a voe rannet etre e 4 mab Karibert, Sigebert, Chilperig ha Gontran goude e varv.
	Karibert Iañ (war-dro 521 – 567)	561 – 567	Roue Pariz
	Sigebert Iañ (535 – 575)	561 – 575	Roue Aostrazia
	Chilperig Iañ (539 – 584)	561 – 584 567 – 584	Roue Neustria Roue Pariz
	Gontran (war-dro 528 – 592)	561 – 592 584 – 592	Roue Bourgogn Roue Pariz
	Childebert II (570 – 595)	575 – 595 592 – 595	Roue Aostrazia Roue Bourgogn	Mab Sigebert Iañ.
	Theodebert II (585 – 612)	595 – 612	Roue Aostrazia	Mab Childebert II.
	Thierry II (587 – 613)	595 – 613 612 – 613	Roue Bourgogn Roue Aostrazia	Mab Childebert II.
	Sigebert II (war-dro 601 – 613)	613	Roue Aostrazia	Mab Thierry II. Trec'het ha lazhet gant Klotar II.
	Klotar II (584 – 18 a viz Here 629)	584 – 629 595 – 629 613 – 629	Roue Neustrazia Roue Pariz Roue ar Franked	Mab Chilperig Iañ. Unaniñ a reas ar rouantelezh frank.
	Dagobert Iañ (war-dro 602/5 – 19 a viz Genver 639)	623 – 632 629 – 639 632 – 639	Roue Aostrazia Roue ar Franked (nemet Akitania) Roue ar Franked	Mab Klotar II.
	Karibert II (war-dro 606/10 – 632)	629 – 632	Roue Akitania	Mab Klotar II.
	Sigebert III (631 – 1 a viz C'hwevrer 656)	632 – 656	Roue Aostrazia	Mab Dagobert Iañ.
	Klovis II al Lezireg (633 – 657)	639 – 657	Roue Neustria ha Bourgogn	Mab Dagobert Iañ.
	Childebert III an Advabet († 662)	656 – 662	Roue Aostrazia	Advabet gant Sigebert III.
	Klotar III (war-dro 652 – 673)	657 – 673	Roue Neustria ha Bourgogn	Mab Klovis II.
	Childerig II (war-dro 655 – 675)	662 – 675 673 – 675	Roue Aostrazia Roue ar Franked	Mab Klovis II.
	Thierry III (war-dro 657 – 691)	673 ha675 – 687 687 – 691	Roue Neustria Roue ar Franked	Mab Klovis II.
	Klovis III († 676)	675 – 676	Roue Aostrazia	Sañset mab Klotar III, lakaet war tron Aostrazia gant Ebroïn, maer ar palez.
	Dagobert II (war-dro 652 – 23 a viz Kerzu 679)	676 – 679	Roue Aostrazia	Mab Sigebert III. Anvet da sant e 892.
	Klovis IV (war-dro 680 – 695)	691 – 695	Roue ar Franked	Mab Thierry III.
	Childebert IV (war-dro 683 – 711)	695 – 711	Roue ar Franked	Mab Thierry III.
	Dagobert III (war-dro 699 – 715)	711 – 715	Roue ar Franked	Mab Childebert IV.
	Chilperig II (war-dro 670 – 721)	715 – 719 719 – 721	Roue Neustria ha Bourgogn Roue ar Franked	Moarvat mab Childerig II. Dilennet da roue Neustria e 715, e gwarez Rainfroi, maer ar palez. Roue an holl Franked goude marv e gevezer Klotar IV e 719.
	Klotar IV (war-dro 685 – 719)	717 – 719	Roue Aostrazia	Moarvat mab Thierry III, lakaet war tron Aostrazia gant Karl Martel. Stourm a reas ouzh an Neustrianiz Chilperig II ha Rainfroi.
	Thierry IV († 737)	721 – 737	Roue ar Franked	Mab Dagobert III, lakaet da roue gant Karl Martel war-lerc'h marv Chilperig II.
Etre-ren (737 – 743)
	Childerig III († war-dro 754/5)	743 – 751	Roue ar Franked	Lakaet da roue gant Pepin Grenn, diroueet gantañ e 751 ha serret en ur manati.

	Anv	Ren	Titloù	Notennoù
	Pepin III Pepin Grenn (war-dro 715 – 24 a viz Gwengolo 768)	751 – 768	Karolingidi	Maer ar palez e Neustria da varv e dad Karl Martel, e 741, hag en Aostrazia p'en em dennas Karloman. Skarzhañ a reas ar Merovingad Childerig III ha dilennet e voe da roue ar Franked e miz Du 751.
	Karl Veur (2 a viz Ebrel 742 – 28 a viz Genver 814)	768 – 814	Karolingidi	Roue ar Franked goude marv e dad, asambles gant e vreur Karloman Iañ hag a varvas e 771. Sakret impalaer ar C'hornôg gant ar pab Leon III e Roma d'ar 25 a viz Kerzu 800. Marvet en Aix-la-Chapelle.
	Loeiz Iañ an Deol (778 – 20 a viz Even 840)	814 – 840	Karolingidi	Roue Akitania e 781 hag impalaer ar C'hornôg d'an 11 a viz Gwengolo 813, a-gevret gant e dad. Sakret gant ar pab Étienne IV e Reims d'ar 5 a viz Here 816. Skarzhet e 833 gant e vab Lotar Iañ, distroet war an tron ar bloaz goude.
	Karl II ar Moal (13 a viz Even 823 – 6 a viz Here 877)	840 – 877	Karolingidi	Roue Frankia ar C'hornog goude feur-emglev Verdun (843). Sakret impalaer ar C'hornôg e Roma d'ar 25 a viz Kerzu 875 goude marv e niz Loeiz II ar Yaouank.
	Loeiz II Besteod (1 a viz Du 846 – 10 a viz Ebrel 879)	877 – 879	Karolingidi	Roue Akitania e 867, ha roue ar Franked goude marv e dad Karl II. Sakret e Compiègne d'an 8 a viz Kerzu 877.
	Loeiz III (war-dro 864 – 5 a viz Eost 882)	879 – 882	Karolingidi	Dilennet roue ar Franked asambles gant e vreur Karloman II goude marv o zad Loeiz II. Sakret e Ferrières e miz Gwengolo 879. Marvet dihêr.
	Karloman II (war-dro 866 – 12 a viz Kerzu 884)	879 – 884	Karolingidi	Dilennet da roue ar Franked asambles gant e vreur Loeiz III goude marv o zad Loeiz II. Sakret e Ferrières e miz Gwengolo 879. Roue nemetañ goude marv e vreur d'ar 5 a viz Eost 882. Marvet dihêr.
	Karl III an Tev (839 – 13 a viz Genver 888)	884 – 887	Karolingidi	Mab Loeiz II Germania, galvet evit seveniñ rejañs Charlez Eeun, mab diwezhañ Loeiz II. Tennet e holl ditloù digantañ d'an 11 a viz Kerzu 887.
	Odo Iañ (war-dro 860 – 1 a viz Genver 898)	888 – 898	Robertidi	Dilennet da roue ar Franked goude skarzhet Charlez an Tev. Sakret e Compiègne d'an 29 a viz C'hwevrer 888.
	Charlez III Eeun[1] (17 a viz Gwengolo 879 – 7 a viz Here 929)	893 – 922	Karolingidi	Mab Loeiz II, skarzhet diouzh an tron goude marv e vreur Karloman II en abeg d'e oad tener. Pa voe skarzhet Karl III e oa re yaouank c'hoazh hag e voe dibabet Odo, kont Pariz, en e lec'h. Padal e voe sakret e Reims d'an 28 a viz Genver 893 pa oa Odo o ren c'hoazh. En em glevet a rejont evit ma renje Charlez goude marv Odo : deuet da vezañ roue ar Franked d'an 1 a viz Genver 898. Skarzhet gant uhelidi ar rouantelezh a zilennas ha lakaas Roperzh, kont Bourgogn, da vezañ sakret d'an 30 a viz Even 922. Prizoniad e 923. Marvet er vac'h.
	Roperzh Iañ (war-dro 866 – 15 a viz Even 923)	922 – 923	Robertidi	Breur Odo, ne c'houlennas ket gwiskañ ar gurunenn goude marv hemañ. Gant meur a uhelad e savas a-enep Charlez Eeun e 921. Sakret e Reims d'an 30 a viz Even 922. Marvet en emgann Soissons.
	Raoul (war-dro 890 – 15 a viz Genver 936)	923 – 936	Bosonidi	Roue ar Franked goude marv Roperzh Iañ dre ma nac'has an uhelidi daskoriñ ar gurunenn da Charlez Eeun. Sakret d'an 13 a viz Gouere 923 e Soissons. Marvet divab diwar laouegezh.
	Loeiz IV Tramor (10 a viz Gwengolo 921 – 10 a viz Gwengolo 954)	936 – 954	Karolingidi	Mab Charlez eeun, roue goude marv Raoul hepken, pa nac'has Huon ar Bras gwiskañ ar gurunenn. Sakret e Laon d'an 19 a viz Even. Marvet goude bezañ kouezhet diwar ur marc'h.
	Lotar (war-dro 941 – 2 a viz Meurzh 986)	954 – 986	Karolingidi	Roue ar Franked goude marv e dad Loeiz Iv d'an 10 a viz Gwengolo 954. Sakret e Reims d'an 12 a viz Du.
	Loeiz V an Didalvez (war-dro 967 – 22 a viz Mae 987)	986 – 987	Karolingidi	Sakret e Compiègne d'an 8 a viz Even 979. Roue ar Franked goude marv e dad Lotar d'an 2 a viz Meurzh 986. Marvet dihêr goude bezañ kouezhet diwar ur marc'h.

	Anv	Ren	Titloù	Notennoù
	Huon Capet (war-dro 940 – 24 a viz Here 996)	987 – 996	Kapesianed	Dug ar Franked adalek 960, dilennet roue ar Franked goude marv Loeiz V ha sakret e Noyon (?) d'an 3 a viz Gouere (?) 987.
	Roperzh II an Deol (972 – 20 a viz Gouere 1031)	996 – 1031	Kapesianed	Sakret d'ar 25 a viz Kerzu 987 e Orléans, evel roue a-gevret. Roue ar Franked goude marv e dad Huon Capet d'ar 24 a viz Here 996.
	Huon II (1007 – 17 a viz Gwengolo 1025)	1017 – 1025	Kapesianed	Sakret d'an 9 a viz Even 1017 e Compiègne evel roue a-gevret.
	Herri Iañ (1008 – 4 a viz Eost 1060)	1031 – 1060	Kapesianed	Sakret d'ar 14 a viz Mae 1027 e Reims evel roue a-gevret. Roue ar Franked goude marv e dad Roperzh II d'an 20 a viz Gouere 1031.
Rejañs (1060 – 1066) : Anne Kiev, pried Herri Iañ.
	Fulup Iañ (23 a viz Mae 1052 – 29 a viz Gouere 1108)	1060 – 1108	Kapesianed	Sakret d'an 23 a viz Mae 1059 e Reims evel roue a-gevret. Roue ar Franked goude marv e dad Herri Iañ d'ar 4 a viz Eost 1060.
	Loeiz VI Tev (1 a viz Kerzu 1081 – 1 a viz Eost 1137)	1108 – 1137	Kapesianed	Roue ar Franked d'an 29 a viz Gouere 1108 goude marv e dad Fulup Iañ. Sakret e Orléans d'an 3 a viz Eost.
	Fulup (29 a viz Eost 1116 – 13 a viz Here 1131)	1129 – 1131	Kapesianed	Mab henañ Loeiz VI. Sakret d'ar 14 a viz Ebrel 1129 e Reims evel roue a-gevret.
	Loeiz VII ar Yaouankañ (1120 – 18 a viz Gwengolo 1180)	1137 – 1180	Kapesianed	Eil mab Loeiz VI. Sakret d'ar 25 a viz Here 1131 e Reims evel roue a-gevret. Roue ar Franked goude marv e dad d'an 1 a viz Eost 1137.
	Fulup II an Aogust (21 a viz Eost 1165 – 14 a viz Gouere 1223)	1180 – 1223	Kapesianed	Sakret e Reims d'an 1 a viz Du 1179 evel roue kevret. Roue ar Franked goude marv e dad Loeiz VII d'an 18 a viz Gwengolo 1180. An hini kentañ oc'h ober gant an titl roue Bro-C'hall.
	Loeiz VIII al Leon (5 a viz Gwengolo 1187 – 8 a viz Du 1226)	1223 – 1226	Kapesianed	Roue Bro-C'hall goude marv e dad Fulup II d'ar 14 a viz Gouere 1223. Sakret e Reims d'ar 6 a viz Eost. Marvet diwar red-kof.
Rejañs (1226 – 1235) : Blanca Kastilha, pried Loeiz VIII.
	Loeiz IX pe Sant Loeiz (25 a viz Ebrel 1214 – 25 a viz Eost 1270)	1226 – 1270	Kapesianed	Roue Bro-C'hall goude marv e dad Loeiz VIII d'an 8 a viz Du 1226. Sakret e Reims d'an 29 a viz Du 1226. Marvet diwar red-kof.
	Fulup III an Hardizh (30 a viz Ebrel 1245 – 5 a viz Here 1285)	1270 – 1285	Kapesianed	Roue Bro-C'hall goude marv e dad Loeiz IX d'ar 25 a viz Eost 1270. Sakret e Reims d'an 30 a viz Eost 1271.
	Fulup IV ar C'hoant (1268 – 29 a viz Du 1314)	1285 – 1314	Kapesianed	Roue Navarra dindan an anv Fulup Iañ dre e zimez gant ar rouanez Janed Iañ d'ar 14 a viz Eost 1284, ha roue Bro-C'hall goude marv e dad Fulup III d'ar 5 a viz Here 1285. Sakret e Reims d'ar 6 a viz Genver 1286.
	Loeiz X ar Chikaner (4 a viz Here 1289 – 5 a viz Even 1316)	1314 – 1316	Kapesianed	Roue Bro-C'hall ha Navarra dindan an anv Loeiz Iañ goude marv e dad Fulup IV d'an 29 a viz Du 1314. Sakret e Reims d'ar 24 a viz Eost 1315. Marvet pa oa e wreg o tougen.
Rejañs (1316) : Fulup Poitiers, breur Loeiz X.
	Yann Iañ an Dalif (15 a viz Du – 19 a viz Du 1316)	1316	Kapesianed	Mab dalif Loeiz X ; ne vevas nemet 5 devezh.
	Fulup V an Hir (17 a viz Du 1293 – 3 a viz Genver 1322)	1316 – 1322	Kapesianed	Eil mab Fulup IV. Roue Bro-C'hall ha Navarra dindan an anv Fulup II goude marv e niz Yann Iañ. Sakret e Reims d'an 11 a viz Genver 1317. Marvet divab.
	Charlez IV ar C'hoant (18 a viz Even 1294 – 1 a viz C'hwevrer 1328)	1322 – 1328	Kapesianed	Trede mab Fulup IV. Roue Bro-C'hall ha Navarra dindan an anv Charlez Iañ goude marv e vreur Fulup V. Sakret e Reims d'an 21 a viz C'hwevrer. Marvet divab. Ar c'hudennoù a savas evit renkañ e susit a voe kaoz eus Brezel Kant Vloaz.

	Anv	Ren	Titloù	Notennoù
	Fulup VI (1293 – 22 a viz Eost 1350)	1328 – 1350	Valois	Roue Bro-C'hall goude marv e genderv Charlez IV. Sakret e Reims d'an 29 a viz Mae.
	Yann II ar roue mat (26 a viz Ebrel 1319 – 8 a viz Ebrel 1364)	1350 – 1364	Valois	Roue Bro-C'hall goude marv e dad Fulup VI. Sakret e Reims d'ar 26 a viz Gwengolo. Marvet er vac'h e Londrez.
	Charlez V ar Fur (21 a viz Genver 1338 – 16 a viz Gwengolo 1380)	1364 – 1380	Valois	Roue Bro-C'hall goude marv e dad Yann II. Sakret e Reims d'an 19 a viz Mae.
	Charlez VI ar Foll (3 a viz Kerzu 1368 – 22 a viz Here 1422)	1380 – 1422	Valois	Roue Bro-C'hall goude marv e dad Charlez V. Sakret e Reims d'ar 4 a viz Du. Paket gant ur barrad follentez e 1392.
	Charlez VII an Trec'hour pa Pourvezet mat (22 a viz C'hwevrer 1403 – 22 a viz Gouere 1461)	1422 – 1461	Valois	Roue Bro-C'hall goude marv e dad Charlez VI, dre ma nac'has asantiñ da feur-emglev Troyes a lakae Herri V Bro-Saoz war an tron. Sakret e Reims d'ar 17 a viz Gouere 1429 gant sikour Janed Ark.
	Loeiz XI an Evezhiek (3 a viz Gouere 1423 – 30 a viz Eost 1483)	1461 – 1483	Valois	Roue Bro-C'hall goude marv e dad Charlez VII. Sakret e Reims d'ar 15 a viz Eost 1461.
Rejañs (1483 – 1491) : Anne de Beaujeu, merc'h Loeiz XI.
	Charlez VIII ar Sichant (30 a viz Even 1470 – 7 a viz Ebrel 1498)	1483 – 1498	Valois	Roue Bro-C'hall goude marv e dad Loeiz XI. Sakret e Reims d'an 30 a viz Mae 1484. Marvet divab.
	Loeiz XII Tad ar bobl (27 a viz Even 1462 – 1 a viz Genver 1515)	1498 – 1515	Valois-Orléans	Roue Bro-C'hall goude marv e genderv Charlez VIII. Sakret e Reims d'ar 27 a viz Mae 1498. Marvet divab.
	Frañsez Iañ (12 a viz Gwengolo 1494 – 31 a viz Meurzh 1547)	1515 – 1547	Valois-Angoulême	Roue Bro-C'hall goude marv e genderv ha tad-kaer Loeiz XII. Sakret e Reims d'ar 25 a viz Genver 1515. Marvet diwar gwadlestegezh.
	Herri II (31 a viz Meurzh 1519 – 10 a viz Gouere 1559)	1547 – 1559	Valois-Angoulême	Roue Bro-C'hall goude marv e dad Frañsez Iañ. Sakret e Reims d'ar 26 a viz Gouere 1547. Marvet goude bezañ gloazet en un tournamant.
	Frañsez II (19 a viz Genver 1544 – 5 a viz Kerzu 1560)	1559 – 1560	Valois-Angoulême	Roue Bro-C'hall goude marv e dad Herri II. Sakret e Reims d'an 18 a viz Gwengolo 1559.
	Charlez IX (27 a viz Even 1550 – 30 a viz Mae 1574)	1560 – 1574	Valois-Angoulême	Roue Bro-C'hall goude marv e vreur Frañsez II. Sakret e Reims d'ar 15 a viz Mae 1561.
	Herri III (19 a viz Gwengolo 1551 – 2 a viz Eost 1589)	1574 – 1589	Valois-Angoulême	Dilennet da roue Polonia d'an 11 a viz Mae 1573 ha distroet da Vro-C'hall goude marv e vreur Charlez IX. Sakret e Reims d'an 13 a viz C'hwevrer 1575. Muntret gant Jacques Clément.

	Anv	Ren	Titloù	Notennoù
	Herri IV ar Meur (13 a viz Kerzu 1553 – 14 a viz Mae 1610)	1589 – 1610	Bourboned	Roue Navarra e 1572, roue Bro-C'hall goude marv e genderv Herri IIIhag an doa e zibabet evel susitour. Dinac'h ar brotestantelezh d'ar 25 a viz Gouere 1593 evit bezañ sakret e Chartres d'ar 27 a viz C'hwevrer 1594. Muntret gant François Ravaillac.
Rejañs (1610 – 1622) : Maria de' Medici, pried Herri IV.
	Loeiz XIII ar Reizh (27 a viz Gwengolo 1601 – 14 a viz Mae 1643)	1610 – 1643	Bourboned	Roue Bro-C'hall ha Navarra goude marv e dad Herri IV. Sakret e Reims d'ar 17 a viz Here. Marvet diwarkleñved Crohn.
Rejañs (1643 – 1651) : Anna Aostria, pried Loeiz XIII.
	Loeiz XIV ar Meur pe ar Roue-Heol (5 a viz Gwengolo 1638 – 1 a viz Gwengolo 1715)	1643 – 1715	Bourboned	Roue Bro-C'hall ha Navarra goude marv e dad Loeiz XIII. Sakret e Reims d'ar 7 a viz Even 1654. Ne grogas da ren da vat nemet goude marv Mazarin e 1661. Marvet diwar brein-krign.
Rejañs (1715 – 1723) : Fulup Orléans, niz Loeiz XIV.
	Loeiz XV (15 a viz C'hwevrer 1710 – 10 a viz Mae 1774)	1715 – 1774	Bourboned	Roue Bro-C'hall ha Navarra goude marv e dad-kuñv Loeiz XIV. Sakret e Reims d'ar 25 a viz Here 1722. Marvet diwar gwadlestegezh.
	Loeiz XVI (23 a viz Eost 1754 – 21 a viz Genver 1793)	1774 – 1792	Bourboned	Roue Bro-C'hall ha Navarra goude marv e dad-kozh Loeiz XV. Sakret e Reims d'an 11 a viz Even 1775. Roue ar C'hallaoued d'an 10 a viz Here 1789. Krennet e c'halloud gant Bonreizh an 3 a viz Gwengolo 1791, asantet gantañ d'an 13. Skarzhet diouzh an tron d'an 21 a viz Gwengolo 1792. Dibennet dre ar Guillotine da heul e brosez.
	(Loeiz XVII) (27 a viz Meurzh 1785 – 8 a viz Even 1795)	1793 – 1795	Bourboned	Ne renas ket, met anavezet e voe evel roue gant e eontr Loeiz XVIII hag ar roueelourien. Marvet er vac'h e Tour an Templ.

1792-1795 : Bodadenn vroadel

1795-1799 : Directoire

1799-1804 : Koñsulerezh

	Anv	Ren	Titloù	Notennoù
	Napoleon Iañ (15 a viz Eost 1769 – 5 a viz Mae 1821)	1804 – 1814	Bonaparte	Pennkoñsul adalek 1799, koñsul e vuhez-pad adalek 1802, impalaer ar C'hallaoued dre Bonreizh an 18 a viz Mae 1804. Sakret e Notre-Dame-de-Paris d'an 2 a viz Kerzu. Tennet e c'halloud digantañ gant ar Sened d'an 3 a viz Ebrel 1814.

	Anv	Ren	Titloù	Notennoù
	Loeiz XVIII (17 a viz Du 1755 – 16 a viz Gwengolo 1824)	1814 – 1815	Bourbons	Emzisklêriet roue goude marv e niz Loeiz XVII ha roue da vat adalek ar 6 a viz Ebrel 1814 goude dilez Napoleon. Tec'hel a reas kuit eus Pariz da noz an 20 a viz Meurzh 1815.

	Anv	Ren	Titloù	Notennoù
	Napoleon Iañ	1815	Bonaparte	Distroet d'an Tuileries d'an 20 a viz Meurzh, nebeut goude tec'hadenn Loeiz XVIII. Trec'het e Waterloo d'an 18 a viz Even, dilezet ar galloud d'an 22 a viz Even evit reiñ e lec'h d'e vab[2].

	Anv	Ren	Titloù	Notennoù
	Loeiz XVIII	1815 – 1824	Bourbons	Adc'halvet gant ar gouarnamant-da-c'hortoz d'an 22 a viz Even 1815 goude eil dilez Napoleon, erruet e Pariz d'an 8 a viz Gouere.
	Charlez X (9 a viz Here 1757 – 6 a viz Du 1836)	1824 – 1830	Bourbons	Roue Bro-C'hall goude marv e vreur Loeiz XVIII d'ar 16 a viz Gwengolo 1824. Sakret e Reims d'an 29 a viz Mae 1825. Rediet da reiñ e zilez goude an Trois Glorieuses d'an 2 a viz Eost 1830.
	(Loeiz XIX) (6 a viz Eost 1775 – 3 a viz Even 1844)	1830	Bourbons	Lavaret e vez a-wechoù eo bet Loeiz Bro-C'hall, mab henañ Charlez X, roue Bro-C'hall gant an anv Loeiz XIX e-pad an 20 munutenn a voe etre sinadur an akt a zilez gant Charlez X ha sinadur an daofin.
	(Herri V) (29 a viz Gwengolo 1820 – 24 a viz Eost 1883)	1830	Bourbons	Lavaret e vez eo bet roue eus an 2 a viz Eost betek ar 7 a viz Eost, etre dilez e dad-kozh Charlez X evitañ ha galv Loeiz-Fulup Iañ gant Kambr an dilennidi.

	Anv	Ren	Titloù	Notennoù
	Loeiz-Fulup Iañ ar Roue-Sitoyan (6 a viz Here 1773 – 26 a viz Eost 1850)	1830 – 1848	Tiegezh Orléans	Goude dispac'h miz Gouere 1830 e voe disklêriet roue ar C'hallaoued d'an 9 a viz Eost. Roet e zilez goude dispac'h miz C'hwevrer 1848 evit e vab-bihan Fulup Orléans. Hemañ ne voe ket anavezet gant ar Vodadenn a zisklêrias an Eil Republik.

1848-1852 : an Eil Republik

	Anv	Ren	Titloù	Notennoù
	Napoleon III (20 a viz Ebrel 1808 – 9 a viz Genver 1873)	1852 – 1870	Bonaparte	Dilennet da brezidant an Eil Republik c'hall e 1848, ha graet gantañ taol-stad an 2 a viz Kerzu 1851 a gasas d'an Eil Impalaeriezh e miz Kerzu 1852 hag eñ impalaer ar C'hallaoued. Trec'het en emgann Sedan e voe bac'het d'an 2 a viz Gwengolo 1870. Embannet e voe an Trede Republik daou zevezh goude.

• Lignezoù rouaned Bro-C'hall
• Souverains et chefs d'Etat français : les lieux d'inhumation

1. ↑ Carolus Simplex : Charlez Euun, Charlez Didro.
2. ↑ Pemzektez e padas ren ofisiel e vab.