Piran

Tennañ a ra ar pennad-mañ da Sant Piran, paeron Kernev-Veur. Evit sterioù all, sellit ouzh Piran (disheñvelout).

Sant Piran, pe Pêran, pe Perran, zo anv ur manac'h deuet eus Enez Vreizh er VI^vet kantved, hag a oa bet desket e manati Llanilltud Fawr e Kembre.

Tud zo a lavar e teue eus Iwerzhon, hag ez eo ar memes anv sant evel an Iwerzhonad Ciarán eus Saighir. Arguzennoù zo : Iwerzhoniz arall zo bet tremenet dre Llanilltud ha klotañ a ra ar son /p/ predenek gant ar son /c/ gouezelek, met n'eus ket emglev etre an arbennigourion rak ur chapel sant Piran zo bet e Kerdiz, ha kement-se a brouje e oa Kembread, hervez un istorour. Re all a wel ur sant Ciarán all.

Sant paeron ar vengleuzerien eo Piran. Hini Kernev-Veur eo hiziv ivez, goude ma vez roet an titl-se da sant Mikael ha sant Petroc kenkoulz all.

D'ar 5 a viz Meurzh e vez goueliet ar sant, un devezh a bouez e Kernev-Veur, ha bannieloù sant Piran, ar banniel broadel, a vez gwelet a-leizh er vro en deiz-se.

E anv a gaver

• e Porthpyran (Porzh-Piran en brezhoneg) en Kernev-Veur, e saozneg Perranporth
• e Perranzabulo ur gêriadennig eus, ma voe savet e vanati, Lanpiran, gantañ, a-hervez,
• e parrez Sant-Pêran en Il-ha-Gwilun.

Banniel Sant Piran eo Banniel Kernev-Veur, gant kroaz sant Piran warnañ, ur groaz wenn e-kreiz ur banniel du, damheñvel ouzh banniel Breizh kozh, a oa gwenn gant ur groaz du.

Meur a vojenn a vez kontet diwar-benn ar sant.

• Hervez homañ e varvas Piran pa gouezhas en ur puñs goude ur c'horfad, ken mezv e oa. Ma vez lavaret hiziv c'hoazh: "ken mezv evel ur Piraner". Tud zo a garfe ober anezhañ sant paeron al lonkerien ivez.

• Early British Kingdoms: St. Piran, Abbot of Lanpiran
• St. Piran: Keeping the Faith
• St Piran's holiday
• St. Piran's events
• St. Piran's celebrations
• St. Piran's Day in Truro
• The Cornish Gorseth
• St. Piran's Oratory - Morley B Collins, 1910
• St Piran Trust website

g • ka • ke Kernev-Veur Melestradurezh Kuzulioù Kuzul Kernev-Veur • Kuzul Inizi Sillan Pastelloù-bro Karadon • Karrek • Kernow Gledh • Kerrier • Pennwydh • Rostorrmoel Aozadur unvan Inizi Sillan Kantrevoù Penwyth • Penwyth • Pedera • Pow Ereder • Trigordh • Lysnowyth • Stradneth • Ryslegh • Fawy • Sillan Kêrioù pennañ Austol • Bosvenegh • Porth Bud • Kammbronn • Aberfal • Heyl • Hellys • Lannstefan • Lyskerrys • Tewynn Pleustri • Pennsans • Resrudh • Essa • Porth Ia • Truru • Ponsrys Temoù Banniel • Broadelouriezh • Ekonomiezh • Eskopti Truru • Istor • Kan broadel • Kerneveureg • Kêrioù Kerne-Veur gevellet gant Breizh • Sant Piran • Sevenadur Rummad: Kernev-Veur • Rummad: Tud Kernev-Veur