Bastille (Pariz)
(Adkaset eus Bastille)
Ar Bastille a oa un toull-bac'h kement hag ur c'hreñvlec'h lec'hiet e Pariz. Anv leun ar savadur-se a oa ar Bastille Saint-Antoine. Anv kozh al lec'h a oa fort et bastide Saint-Anthoine lez Paris. Un arouez e oa ar savadur eus galloud hollveliek ar roueed gall, prizon ar roue e oa. Dre ul lizher sinet gant ar roue nemetken e c'helle bezañ bac'het n'eus forzh piv eno. Aloubet e voe gant ar reveulzierien c'hall d'ar 14 a viz Gouhere 1789, e-pad an Dispac'h gall. Ur wech kemeret an toull-bac'h e voe riñset goustadik ar savadur evit bezañ erlec'hiet gant ar blasenn Place de la Bastille.
An toull-bac'h
[kemmañ | kemmañ ar vammenn]
A – Tour La Chapelle; B – Tour du Trésor; C – Tour Comté; D – Tourioù Bazinière; E -Tour Bertaudière; F – Tour Liberté; G – Tour puñs; H – Tour korn; I – Porzh; J – lec'h bevañ an ofiserien; K – Porzh pennañ
Prizonidi brudet
[kemmañ | kemmañ ar vammenn]- Michel de Montaigne, skrivagner (un devezh, e 1579)
- an den e vaskl houarn
- Nicolas Fouquet, den a Stad gall
- Voltaire, prederour hag erguour
- Bertrand-François Mahé de la Bourdonnais, merdeer breizhat
- Pierre-Augustin Caron de Beaumarchais, skrivagner gall
- Loeiz ar Chalotez, an emsaver kentañ
- Armand Tuffin de La Rouërie hag ar gannaded vreizhat e 1788
- markiz Sade kaset eno un nebeud deizioù araok kemeridigezh ar Bastille