Euskal Herria

Euskal Herria
;
Banniel	Skoed
	; Rannvroioù Euskal Herria
Kêr-benn istorel	Iruñea
Kêr vrasañ	Bilbo
Yezhoù	Euskareg; Galleg (en Norzh); Spagnoleg (er Su)
	Gouarnamant
• Su : Spagn	• Norzh : Bro-C'hall
	Prezidanted
Euskal Herria :; Nafarroa Garaia :; EHE :	Iñigo Urkullu; Uxue Barkos; Jean-René Etxegarai
	Douaroniezh
Gorread	20 947 km²
Poblañs	3 127 994 (2016)
Domani Internet	.eus

The printable version is no longer supported and may have rendering errors. Please update your browser bookmarks and please use the default browser print function instead.

Euskal Herria e yezh ar vro, Bro-Vask e brezhoneg, a-wechoù Euskadi dre fazi, eo anv ar vro ma komzer euskareg ; seizh proviñs istorel zo ouzh hec'h ober.
Tri hollad melestradurel zo, daou e Spagn hag unan e Frañs.

An anv

Hogos dic'hallus eo treiñ Euskal Herria en ur yezh all, abalamour da ledander skalfad sterioù ar ger herri : "bro", "broad", "tiriad", "poblad", "poblañs", "kêr", "keriadenn", "annez".
Koulskoude, dre ma talvez euskal kement hag "euskarek" e c'hellfed treiñ Euskal Herria de « ar vro ma komzer euskareg », ar pezh a zo seul wiroc'h ma n'eus yezh kar ebet d'an euskareg er bed a-bezh.

Koshañ daveoù skrivet a gaver eo un dornskrid digant ar skrivagner euskarat Joan Perez de Lazarraga (1548–1608) e 1564–1567 ma lenner eusquel erria, eusquel erriau, heuscal herrian (skeudenn amañ a-zehoù), hag e troidigezh ar Bibl gant ar beleg euskarat Joanes Leizarraga (1548–1608) e 1571^[1].

Holladoù melestradurel

♦ Hego Euskal Herria / Hegoalde (Euskal Herria ar Su, e dalc'h Spagn)

Kumuniezh Emren Euskadi (Euskal Autonomia Erkidego / Euskadi en euskareg, Comunidad Autónoma del País Vasco / El Pais Vasco e spagnoleg

Tri froviñs enni : (Araba, Bizkaia, Gipuzkoa).

Kumuniezh forel Nafarroa (Nafarroako Foru Erkidegoa, Navarra)

Ar proviñs nemetañ eo Nafarroa ivez.

♦ Ipar Euskal Herria / Iparralde (Euskal Herria an Norzh, e dalc'h Frañs)

E kornôg departamant gall ar Pireneoù-Atlantel emañ.

Tri froviñs zo enni : Lapurdi, Nafarroa Beherea ha Zuberoa).

Yezhoù

Euskareg a vez komzet en darn vrasañ eus an tiriadoù-se, koulz ha yezh ofisiel ar riez el lec'h m'emaint : kastilhaneg evit an daou hollad melestradurel kentañ, galleg evit an hini diwezhañ.