Hambèkuk

Hambèkuk^[1] (hurup Arab Gundul: همبيکوک; Welanda: ontbijtkoek, lèterlek: 'kué sarapan') atawa peperkoek (lèterlek: 'kué merica') atawa kruidkoek (lèterlek: 'kué rempa') entu atu kué rempa has Welanda ama Plam. Gandum item atawa rogenya^[2] entu bahan nyang paling penting, bakal ngasi warna coklat terang bakal tu kué. Ni kué sering dikasi cengké, kayu manis, jahé, sikade^[3], ama pala. Di beberapa bagèan Welanda gableg dia punya rèsèp sendèwèk, atu deri rèsèp nyang paling nyohornya entu oudewijvenkoek ('kué nini-nini'), nyang biasanya digares di gutekan-gutekan lor, èn dibumbuin paké adas manis. Hambèkuk biasanya disajènin pas pada sarapan paké mentéga tebel-tebel di atasnya, gantinya roti. Walakin, lantaran tu dia punya rasa manis, ni kué biasanya dimakan jadi ciplak-ciplakan doang. Paling ènak, orang kata mah, dimakannya seari abisnya dipanggang. Hambèkuk juga' ada di Indonésia sebab lantaran sejarah kolonisasi ama Welanda.

Ruju'an

↑ Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung. h. 39. Di ni kamus dita'ripnya "roti daging", cuman sebenernya ni kué ngruju' ke ontbijtkoek.
↑ Roge (hurup Arap gundul: روݢه) – gandum hitam (Indo.); rye (Ing.); roge (Wld.).
↑ Sikade (hurup Arap gundul: سيکاده) – succade (Indo.); succade (Ing.); sukade (Wld.).

[1] Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung. h. 39. Di ni kamus dita'ripnya "roti daging", cuman sebenernya ni kué ngruju' ke ontbijtkoek.

[2] Roge (hurup Arap gundul: روݢه) – gandum hitam (Indo.); rye (Ing.); roge (Wld.).

[3] Sikade (hurup Arap gundul: سيکاده) – succade (Indo.); succade (Ing.); sukade (Wld.).

[1]