Джордж Бентам

Джордж Бентам
Дата нараджэння	22 верасня 1800(1800-09-22)[1][2][…]
Месца нараджэння	Сток[d], раён Плімут[d], графства Дэван, Англія, Каралеўства Вялікабрытанія[4][5]
Дата смерці	10 верасня 1884(1884-09-10)[1][3][…] (83 гады)
Месца смерці	Лондан, Англія, Злучанае каралеўства Вялікабрытаніі і Ірландыі[6][4][…]
Месца пахавання	Бромптанскія могілкі[d]
Грамадзянства	Злучанае каралеўства Вялікабрытаніі і Ірландыі[4]
Бацька	Samuel Bentham[d][4][7]
Маці	Mary Sophia Bentham[d][8][4][…]
Жонка	Sarah Laura Brydges[d][7]
Род дзейнасці	батанік, птэрыдолаг, міколаг, таксанаміст, адвакат
Навуковая сфера	батаніка
Член у	Лонданскае каралеўскае таварыства Леапальдзіна Пецярбургская акадэмія навук Французская акадэмія навук Шведская каралеўская акадэмія навук Амерыканская акадэмія мастацтваў і навук Заалагічнае таварыства Лондана[d] Пруская акадэмія навук Баварская акадэмія навук Турынская акадэмія навук[d][5]
Узнагароды	Каралеўскі медаль[d] (1859) член Лонданскага каралеўскага таварыства[d] медаль Кларка[d] (1879) член Заалагічнага таварыства[d] член Амерыканскай акадэміі мастацтваў і навук член Каралеўскага геаграфічнага таварыства[d]
Творы ў Вікікрыніцах
Медыяфайлы на Вікісховішчы

Джордж Бе́нтам (англ.: George Bentham; 22 верасня 1800 — 10 верасня 1884) — англійскі батанік.^[9]

Джордж Бентам нарадзіўся ў 1800 годзе ў Стоку, каля Портсмута. У 1814—1827 гадах жыў у Францыі, вучыўся на факультэце тэалогіі ў Манткубане. У Лондане вывучаў права, але неўзабаве пакінуў юрыдычную ніву і прысвяціў сябе выключна батаніцы. З 1861 года пачаў займацца батанічнымі даследаваннямі ў батанічным садзе К’ю.

Буйная праца Бентама «Genera Plantarum…» (сумесна з Гукерам, 1862—1883) — нерукатворны помнік, створаны з дзіўнымі і каласальнымі ведамі, цярпеннем і навуковаю добрасумленнасцю; ён надоўга забяспечыў за сабой прапанаваную імі сістэму класіфікацыі раслін. У гэтай класіфікацыі, часткова падобнай да класіфікацыі Дэкандоля, сямействы размешчаны па групах, або радах; гэты спосаб здаваўся менш натуральным, чым сістэмы Ліндлі, Эндліхера і Браньяра, і англійскія вучоныя не без некаторага вагання аддалі перавагу сістэме Браньяра.

У 1830 годзе ён быў сакратаром таварыства садаводства, а пасля і прэзідэнтам лонданскага Лінееўскага таварыства (1861—1874).

Бентам у інтарэсах навукі аб’ездзіў амаль усю Еўропу. Яму належыць апісанне флор Бразіліі (1859—1862), Аўстраліі (1863—1878), Індыі, наваколляў Ганконга.

Ён быў замежным членам-карэспандэнтам Пецярбургскай Акадэміі навук (з 1872) і членам Парыжскай Акадэміі навук (з 1875).

Джордж Бентам сканаў у Лондане 10 верасня 1884 года.

У Вікікрыніцах ёсць тэксты па тэме
Арыгінальныя тэксты (англ.)

• «Labiatarum genera et species» (Лондан, 1832—1836) (лац.)
• «Handbook of the British Flora» (1858 і 1865) (англ.)
• «Flora Honkongensis» (1861) (лац.)
• «Flora Australiensis» (у супрацоўніцтве з Фердынандам Мюлерам, 1863—1870) (лац.)
• «Genera plantarum ad exemplaria imprimis in herbariis Kewensibus servata definita» (у супрацоўніцтве з Гукерам, 3 тома, 1862—1883) (лац.)

Акрамя таго, апрацаваў для «Flora brasiliensis» — сямейства Papilionaceae, а для дэкандолеўскага «Prodromus» — сямействы Polemoniaceae, Scrophulariaceae, Labiatae і Stockhusiaceae.

• Бентам Джордж // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907. Праверана 30 лістапада 2008 г.
• Бентам, Джордж // Большая советская энциклопедия. — М.: 1970. — Т. 3.(недаступная спасылка)