Нікала Леанар Садзі Карно

Нікала Леанар Садзі Карно
Nicolas Léonard Sadi Carnot
Дата нараджэння	1 чэрвеня 1796(1796-06-01)[1][2][…]
Месца нараджэння	Парыж, Першая французская рэспубліка, Францыя
Дата смерці	24 жніўня 1832(1832-08-24)[1][3][…] (36 гадоў)
Месца смерці	Парыж, Парыж[d], рэгіён Іль-дэ-Франс, Метраполія Францыі, Францыя
Месца пахавання	Cimetière ancien d'Ivry-sur-Seine[d]
Грамадзянства	Францыя
Бацька	Лазар Карно
Род дзейнасці	матэматык, фізік, ваенны інжынер, інжынер
Навуковая сфера	тэрмадынаміка
Месца працы	Сухапутныя войскі Францыі[d]
Альма-матар	Політэхнічная школа[d] Кансерваторыя мастацтваў і рамёстваў[d] ліцэй Кандарсэ ліцэй Карла Вялікага[d]
Навуковы кіраўнік	Сімеон Дэні Пуасон
Вядомы як	першаадкрывальнік цыклу Карно
Медыяфайлы на Вікісховішчы

Нікала Леанар Садзі Карно (фр.: Nicolas Léonard Sadi Carnot; 1 чэрвеня 1796 — 24 жніўня 1832) — французскі фізік і матэматык.

Сын вядомага палітычнага дзеяча і матэматыка Лазара Карно і дзядзька Мары Франсуа Садзі Карно, былога прэзідэнта Францыі. Садзі Карно атрымаў добрую хатнюю адукацыю. У 1812 годзе бліскуча скончыў ліцэй Карла Вялікага і паступіў у політэхнічную школу — лепшую на той момант навучальную ўстанову Францыі. У 1814 годзе ён яе скончыў шостым па паспяховасці і быў накіраваны ў інжынерную школу ў горадзе Мец. Пасля завяршэння якой у 1816 годзе быў размеркаваны ў інжынерны полк, дзе правёў некалькі гадоў. У 1819 годзе выйграў конкурс на замяшчэнне вакансіі ў Галоўным штабе корпуса ў Парыжы і перабраўся туды. У Парыжы Карно працягнуў навучанне. Наведваў лекцыі ў Сарбоне, Калеж дэ Франс, Кансерваторыі мастацтваў і рамёстваў. Там ён пазнаёміўся з хімікам Нікола Клеманам, які займаўся вывучэннем газаў. Зносіны з ім выклікалі цікавасць у Карно да вывучэння паравых машын. І ў 1824 годзе выйшла першая і адзіная праца Садзі Карно — «Роздум аб рухаючай сіле агню і аб машынах, здольных развіваць гэту сілу». Гэтая праца лічыцца асноватворнай у тэрмадынаміцы. У ёй быў праведзены аналіз існуючых у той час паравых машын, і былі выведзены ўмовы, пры якіх ККДз дасягае максімальнага значэння (у паравых машынах таго часу ККДз не перавышаў 2 %). Акрамя гэтага там жа былі ўведзены асноўныя паняцці тэрмадынамікі: ідэальная цеплавая машына (гл. Цеплавая машына), ідэальны цыкл (гл. Цыкл Карно), зваротнасць і незваротнасць тэрмадынамічных працэсаў.

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш.. — Мн.: БелЭн, 1999. — Т. 8. — С. 83. — 576 с. — 10 000 экз. — ISBN 985-11-0144-3.