Касцёл Божага Цела (Багушэвічы)

Славутасць
Касцёл Божага Цела
53°42′52,61″ пн. ш. 28°49′11,49″ у. д.HGЯO
Краіна	Беларусь
Вёска	Багушэвічы
Канфесія	Каталіцкая Царква
Епархія	Мінска-Магілёўская архідыяцэзія
Тып будынка	капліца-пахавальня
Архітэктурны стыль	неаготыка
Дата пабудовы	сярэдзіна XIX ст.
Статус	Гісторыка-культурная каштоўнасць Беларусі, шыфр 612Г000046шыфр 612Г000046
Медыяфайлы на Вікісховішчы

Касцёл Божага Цела — каталіцкі храм у вёсцы Багушэвічы (Бярэзінскі раён). Помнік дойлідства несапраўднай готыкі.

Касцёл пабудаваны ў сярэдзіне XIX ст. да 1863 г. з цэглы як фамільная пахавальня ўладальнікаў сядзібы Свентаржэцкіх у цэнтры вёскі, на левым беразе ракі Уса (тэрыторыя старажытнага гарадзішча). Уваходзіла ў склад сядзібна-паркавага ансамбля.

Шасцігранны ў плане будынак мае цэнтрычную кампазіцыю. З заходняга боку да яго прымыкае прамавугольная ў плане апсіда, з усходняга — прытвор (бабінец) з стральчатым уваходным парталам. Па кутах будынку масіўныя контрфорсы, якія завяршаюцца фіяламі. У цэнтры ўзвышаецца шасцігранная шатровая вежа, увянчаная шпілем. Сцены і грані вежы прарэзаныя стральчатымі аконнымі праёмамі і нішамі, апяразаныя аркатурнымі фрызамі. Унутраная прастора капліцы перакрытая зорчатым скляпеннем з ляпнымі нервюрамі. Вузкая лесвіца вядзе на хоры з ажурнай агароджай (чыгуннае ліццё) ва ўсходняй частцы асноўнага аб'ёму. Філёнгавыя ўваходныя дзверы стральчатага абрысу дэкарыраваныя арнаментальнай разьбой з выявамі мудрагеліста сплеценых паміж сабой вензеляў, віньетак, лістоў і галінак. У капліцы была крыпта—пахавальня.

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 612Г000046

• На Вікісховішчы ёсць медыяфайлы па тэме Касцёл Божага Цела (Багушэвічы)
• Касцёл Божага Цела (Багушэвічы) на сайце Radzima.org
• Касцёл Божага Цела (Багушэвічы) на сайце Глобус Беларусі (руск.)