Галіна Мікалаеўна Юргялевіч

Галіна Мікалаеўна Юргялевіч
дэпутат Палаты прадстаўнікоў Нацыянальнага сходу Рэспублікі Беларусь[d] з 2004
Нараджэнне	30 красавіка 1954(1954-04-30) (70 гадоў) Валяр’янава, Бараўлянскі сельсавет, Мінскі раён, Мінская вобласць, БССР, СССР
Адукацыя	БДУ
Месца працы	Мінскі гадзіннікавы завод
Узнагароды	ганаровая грамата Нацыянальнага сходу Рэспублікі Беларусь

Галіна Мікалаеўна Юргялевіч (нар. 30 красавіка 1954, в. Валяр’янава Мінскага раёна Мінскай вобласці) — беларускі палітык.

Скончыла Беларускі дзяржаўны універсітэт, географ. Працоўную дзейнасць пачала механазборшчыкам Мінскага гадзіннікавага завода. Працавала старшым тэхнікам інстытута «БелНДІпалівапраект», старшай піянерважатай Бараўлянскай сярэдняй школы Мінскага раёна, інжынерам інстытута «Сельгастэхпраект» у горадзе Мінску, настаўнікам Бараўлянскай сярэдняй школы Мінскага раёна і сярэдняй школы № 162 горада Мінска, інструктарам аддзела прапаганды Заводскага райкама КПБ горада Мінска, дырэктарам сярэдніх школ № 43 і № 162. Займала пасаду начальніка ўпраўлення адукацыі адміністрацыі Заводскага раёна горада Мінска.

Выбіралася дэпутатам Палаты прадстаўнікоў Нацыянальнага сходу Рэспублікі Беларусь трэцяга і чацвёртага скліканняў^[1].

Узнагароджана медалём «За працоўныя заслугі» (2012)^[2], Ганаровай граматай Нацыянальнага сходу Рэспублікі Беларусь^[3].